Jeremias 27:15 - BIBLIA - traduson antigu in Krioulo

¹⁵ SIÑOR fala: ‘N ka manda elis. E na anunsia mintida na ña nomi. Asin, N na serka bos, bo na pirdi, abos ku kilis ku na anunsia pa bos.’ ”

Jeremias 27:15 ပူးပေါင်းရင်းမြစ်များ

2 Kronikas 25:16

Antis di i kaba papia, Amazias ruspundi i puntal: “Nta no pou pa bu sedu konsijadur di rei? Kala! Ke ku manda bu na buska matadu?” Anunsiadur kala, ma son dipus ki fala: “N oja kuma Deus marka ja pa kaba ku bo, pabia bu fasi e kusa, bu nega obi ña konsiju.”

Jeremias 14:14

SIÑOR falan: “Ki anunsiaduris na anunsia mintida na ña nomi; nunka N ka manda elis, nin N ka da elis ordi, ku fadi pa N papia ku elis. Se visons ka bin di mi. E na fala kuma asin ku ’sin ku na sedu, ma se anunsius ka bali; e sai son di se pensamentus.

Jeremias 20:6

Abo propi, Pasur, ku tudu jinti ku mora na bu kasa, bo na bai pa katiberasku na Babilonia. La ku bu na muri, bu na nteradu, abo ku tudu bu amigus ku bu anunsia mintida pa elis.’ ”

Jeremias 23:15

Pabia di kila, SIÑOR ku ten tudu puder fala aserka di anunsiaduris: “N na da elis un planta malgos pa e kume, ku yagu di venenu pa e bibi, pabia anunsiaduris di Jerusalen e kontamina tudu tera.”

Jeremias 23:21

“N ka manda ki anunsiaduris, ma e kuri e bai. N ka fala elis nada, ma e bai anunsia.

Jeremias 23:25

“N obi kil ku ki anunsiaduris na fala ku na anunsia mintidas na ña nomi, e fala: ‘N suña! N suña!’

Jeremias 27:10

E ta anunsia bos mintida, ku na pui bo mandadu lunju di bo tera; ami N na serka bos nel; bo na pirdi.

Jeremias 29:8

Ami, SIÑOR ku ten tudu puder, Deus di Israel, N fala: Ka bo disa ki anunsiaduris na bo metadi pa e ngana bos, nin bo diviñaduris; ka bo para sintidu na suñus ku bo ta suña.

Jeremias 29:9

Elis e ta anunsia mintidas pa bos na ña nomi. Ami, SIÑOR, N ka manda elis.

Jeremias 38:22

Tudu minjeris ku fika na kasa di rei di Judá e na lebadu pa ŝefis di rei di Babilonia. E na falau: “‘Kil bu amigus ku bu fiansaba nelis e nganau, e ngañau. Gosi bu pe ntola na lama; bu amigus bandonau.’

Mateus 15:14

Bo disa elis; e sedu gias segu. Ora ku un segu gia utru segu, tudu dus ta kai na koba.”

Mateus 24:24

pabia i na lanta finjiduris ku na fala kuma elis i Kristu o elis i anunsiaduris. E na fasi manga di sinal ku milagri, pa ngana, si e pudi, te mesmu kilis ku Deus kujiba ja.

Apokalipsi 19:20

Besta prindidu, ku ki falsu anunsiadur ku na fasiba milagri si dianti, ku ta nganaba kilis ku risibi sinal di besta, kilis ku adoraba si imaẑen. Elis dus e botadu bibu na lagua di fugu ku na yardi ku nŝofri.