Jeremias 26:2 - BIBLIA - traduson antigu in Krioulo

² “Asin ku SIÑOR fala: Bai firma na kintal di kasa di SIÑOR, bu papia ku jinti di tudu prasas di Judá ku bin pa adora na kasa di SIÑOR; fala elis tudu palabras ku N mandau; ka bu diskisi di nin un son.

Jeremias 26:2 ပူးပေါင်းရင်းမြစ်များ

Jeremias 1:17

“Jeremias, pruntia! Lanta bu bai konta elis tudu ku N mandau pa bu fala. Ka bu panta se dianti, pabia N na pou pa bu ka ten medu delis.

Jeremias 1:7

SIÑOR falan: “Ka bu fala abo i mininu. Bu na bai pa tudu jinti ku N mandau; tudu ku N mandau fala, el ku bu na fala.

Jeremias 19:14

Jeremias riba di Tofet, kau ku SIÑOR mandalba pa i anunsia, i bai firma na kintal di kasa di SIÑOR, i fala pobu:

Jeremias 23:28

Anunsiadur ku tene suñu i dibi di kontal suma suñu. Kil ku tene ña palabra i dibi di papia ña palabra ku bardadi. Ke ki paja pa i komparadu ku arus?” Asin ku SIÑOR punta.

Jeremias 25:2

Asin anunsiadur Jeremias papia ku tudu pobu di Judá, ku tudu moraduris di Jerusalen, i fala:

Jeremias 28:5

Anunsiadur Jeremias ruspundi anunsiadur Ananias dianti di saserdotis ku tudu pobu ku firmaba na kasa di SIÑOR,

Jeremias 36:10

Baruk lei palabras di Jeremias na ki libru dianti di tudu pobu na kasa di SIÑOR. I staba na kuartu di Jemarias, fiju di Safan, sekretariu, na kintal di riba, na entrada di porton nobu di kasa di SIÑOR.

Jeremias 42:4

Anunsiadur Jeremias fala elis: “N obi; N na ora SIÑOR bo Deus suma ku bo pidin; tudu ku SIÑOR fala, N na konta bos el; N ka na sukundi bos nada.”

Jeremias 7:2

i falal pa i bai firma na porton di kasa di SIÑOR, i konta e palabra, i fala: “Pobu di Judá, bo obi palabra di SIÑOR, abos ku ta yentra ne porton pa adora SIÑOR.

Jeremias 7:27

“Asin, Jeremias, bu na konta elis tudu e palabras, ma e ka na obiu; bu na coma elis, ma e ka na kudiu.

Ezekiel 3:10

I falan: “Fiju di omi, pui sintidu, bu obi tudu ña palabras ku N na falau.

Ezekiel 33:7

“Abo, fiju di omi, N pou suma sintinela pa pobu di Israel. Bu na obi palabra di ña boka, bu na konta elis ke ku N fala.

Ezekiel 40:4

Ki omi falan: “Fiju di omi, jubi ku bu uju, bu obi ku oreja, bu pui sintidu na tudu ku N na mostrau, pabia i pa es ku bu tisidu li. Konta pobu di Israel tudu ku bu oja.”

Mateus 28:20

Bo nsina elis pa e obdisi tudu kusas ku N manda bos. Ami N na sta ku bos tudu dia te na kabantada di tempu.’

Lukas 19:47

Kada dia i ta nsinaba na kasa di Deus. Ŝefis di saserdoti ku pursoris di lei ku ŝefis di pobu e na buskaba matal,

Bon Noba di Jesus Kristu ku Jon 18:20

Jesus ruspundil: “N fala klaru na mundu; sempri N nsina na kasa di juntamentu suma na templu, nunde ku tudu judeus ta junta; N ka fala nada sukundidu.

Bon Noba di Jesus Kristu ku Jon 8:2

Parmaña sedu i riba pa kasa di Deus. Tudu jinti na binba nunde el; i sinta, i kumsa nsina elis.

Atus 20:20

Bo sibi kuma N ka sukundi nada ku pudi juda bos, ma N konta bos tudu; N nsina dianti di tudu jinti, N nsina tambi na kada kasa.

Atus 20:27

pabia nunka N ka disa di konta bos tudu kil ku Deus misti.

Atus 5:25

Dipus un omi ciga, i fala elis: “Ki omis ku bo pui na kalabus, ala elis sikidu na kasa di Deus, e na nsina pobu.”

Atus 5:42

E ka ta kansaba di bai tudu dia na kasa di Deus, ku kada kasa, pa nsina ku konta Bon Noba kuma Jesus i Mesias.

Ripitison di Lei 12:32

Ba ta obdisi tudu ku N mandau; ka bu buri nada riba del nin ka bu rapatil.

Ripitison di Lei 12:5

ma bo na buska kau ku SIÑOR bo Deus kuji na metadi di tudu bo jorsons pa pui si moransa ku si nomi; i la ku bo dibi di bai,

Ripitison di Lei 4:2

Ka bo buri nada riba di ki palabra ku N fala bos, nin ka bo rapati nada del, ma bo obdisi mandamentus di SIÑOR bo Deus ku N na da bos.

Josué 8:35

I ka ten nin un palabra ku Moisés manda ku Josué ka lei dianti di tudu juntamentu di Israel, tudu ku minjeris, mininus ku stranjerus ku staba na se metadi.

Apokalipsi 22:19

Tambi si algin tira kualker palabra ne libru di anunsiu, Deus na tira si parti di fruta na arvuri ku ta da vida; tambi i ta tira si parti na prasa di Deus, ku e libru konta aserka del.