Jeremias 24:2 - BIBLIA - traduson antigu in Krioulo

² Un sestu teneba bon figus di ki koldadi ku ta kusidu sedu; ki utru sestu teneba figus ku ka bali, ma ku ka bali nan propi pa kume.

Jeremias 24:2 ပူးပေါင်းရင်းမြစ်များ

Isaias 5:4

Ke ku pudiba fasidu inda pa ña orta di uva ku N ka fasil? Suma ku N na speraba pa i padi bon uva, kuma ki yanda i padi uvas brabu?

Isaias 5:7

Orta di uva di SIÑOR ku ten tudu puder i sedu pobu di Israel; jinti di Judá e sedu planta ki gosta ciu del. I na speraba pa e fasi justisa diritu, ma i oja sangi darmadu; i na speraba pa e yanda diritu, ma i obi gritus di jinti ku na maltratadu.

Jeremias 29:17

Asin ku SIÑOR ku ten tudu puder fala: ‘N na manda spada, fomi ku duensa kontra elis. N na fasi elis suma figus ku ka bali, ku ka pudi kumedu.

Oseias 9:10

Deus fala: “Purmeru dia ku N oja Israel, i suma ora ku algin oja uvas na lala; N oja bo papes, N kontenti ku elis, suma ora ku algin oja purmeru figu kusidu, ma e bai pa Baal-Peor, e dedika pa ki kusa di borgoña; e bida nujenti suma ki kusa ke ama.

Mikeias 7:1

Ai di mi! N sedu suma algin ku misti kuji fruta kusidu, oca ku jinti kuji ja uvas. I ka ten nin un kacu di uvas pa kume, nin ki figu nobu ku N na faima pa el.

Naun 3:12

Bu kaus forti na sedu suma pe di figu maduru; si i sakudidu, figus na kai na boka di kil ku na kume elis.

Numerus 18:13

Purmeru frutu di tudu ku ojadu na tera ku jinti tisi pa mi i na sedu di bo. Tudu algin na bu kasa ku sta puru i pudi kumel.

Mateus 5:13

“Abos i sal di mundu. Si sal pirdi si gustu, ke ku ta pul mas pa i salga? I ka bali pa nada, son pa bota fora pa jinti masal.