Jeremias 23:5 - BIBLIA - traduson antigu in Krioulo

⁵ SIÑOR fala: “Tempu na bin ku N na lantanda pa Davi un ramu justu, un rei ku na rena ku jiresa, i na fasi kusas justu i sertu na tera.

Jeremias 23:5 ပူးပေါင်းရင်းမြစ်များ

2 Samuel 23:3

Deus di Israel papia; Roca di Israel falan: ‘Si i ten un algin justu ku na rena riba di omis, ku na rena ku rispitu pa Deus,

Salmus 45:4

Monta kabalu, bu sai suma rei pa ngaña vitoria, pa difindi bardadi, mansesa ku retidon. Bu mon direita na fasi kusas garandi, meduñu.

Salmus 80:15

ku bu mon direita paranta, ku si ramus ku bu fortifika pa bo.

Salmus 99:4

Rei puderosu, bu ama justisa; bu ta firmanta retidon. Na Israel bu ta fasi kil ku sedu justu i sertu.

Isaias 33:5

SIÑOR i garandisidu pabia i mora na kau mas altu na seu; i inci Sion ku retidon ku justisa.

Isaias 4:2

Tempu na ciga ku SIÑOR na pui plantas na si tera pa e tene bonitasku ku gloria; frutu di con na sedu orgulyu ku gloria pa kilis di Israel ku kapli.

Isaias 42:6

“Ami, SIÑOR, N comau ku korson limpu; N na pegau na mon, N guardau, N fasiu un kontratu pa ña pobu, ku lus pa utru nasons,

Isaias 45:24

E na fala aserka di mi kuma, son na SIÑOR ku justisa ku forsa ta ojadu.” Tudu kilis ku raiba kontra el e na bin pa el, e na pasantadu borgoña.

Isaias 52:13

Jubi, ña Servu na tarbaja ku jiresa; i na garandisidu, i na yalsadu riba pa sedu mas altu di tudu.

Isaias 53:10

I SIÑOR ku mistiba molostal, pa fasil pa i sufri; si vida dadu pa purdon di pekadu, ma si vida na kumpridu, i na oja si jorson. Pabia di si tarbaju, planu di SIÑOR na fasidu diritu.

Isaias 53:2

Servu di SIÑOR na kirsi si dianti suma planta ku kumsa na nasi, ku tene rais na con seku. I ka teneba bonitasku nin parsensa di rei. Oca ku no jubil, no ka oja nada bonitu ku pudi punu pa no mistil.

Isaias 9:5

Tudu bota ku tropas ta somnaba ku el oca ke na marŝa pa gera, ku tudu ropa ku susadu ku sangi, e na sta suma kumida pa fugu.

Isaias 9:6

Un mininu padidu ja pa nos; no dadu un fiju. Puder di guberna sta riba di si ombras; si nomi na comadu Maravilyosu, Konsijadur, Deus Forti, Pape di Iternidadi, Rei di Pas.

Isaias 9:7

Kirsimentu di si gubernu ku si pas ka na ten kabantada. I na sinta na tronu di Davi pa firmanta si renu, pa fortifikal ku justisa ku vida retu, disna di gosi pa sempri. SIÑOR ku ten tudu puder pui sintidu pa fasi e kusa.

Jeremias 22:15

Pa tene kasa mas bonitu di sedru, el ku na pou pa bu sedu rei? Nta bu pape, Josias, ka kume, i bibi; i ka julga ku justisa ku bondadi? Pabia di kila, tudu kusas kuril diritu.

Jeremias 22:3

Asin ku SIÑOR fala: Bo fasi kusas bon i justu. Kil ku si kusas robadu, bo libral na mon di kil ku na fasil mal. Ka bo kalka stranjeru, nin orfan nin viuva; ka bo fasi violensia, nin ka bo mata jinti ku ka ten kulpa ne kau.

Jeremias 22:30

Asin ku SIÑOR fala: “Reẑista e omi suma algin ku ka tene fiju, omi ku kusas ka na kuri diritu na si vida, nin e ka na kuri diritu ku si fijus. E ka na sinta na tronu di Davi, nin e ka na rena mas na Judá.”

Jeremias 23:6

Na si tempu Judá na sedu salbu; Israel na sinta suguru. Nomi ki na ba ta comadu i SIÑOR NO JUSTISA.

Jeremias 29:11

N sibi planus ku ami, SIÑOR, N tene pa bos, planus ku na juda bos, i ka pa fasi bos mal, pa da bos futuru ku bo na pera.

Jeremias 30:3

Ami, SIÑOR, N fala kuma, tempu na ciga ku N na tisi ña pobu Israel ku Judá di katiberasku, N na ribanta elis na tera ku N da se papes pa e tenel.” Asin ku SIÑOR fala.

Jeremias 30:9

Bo na sirbi SIÑOR bo Deus, bo sirbi tambi Davi, bo rei, ku N na lantanda pa bos.

Jeremias 31:27

SIÑOR fala: “I na ciga tempu ku N na inci tera di Israel ku Judá ku fijus di omis ku di limarias.

Ezekiel 21:27

Danu! Danu! N na dana prasa tudu! I ka na kumpudu mas tok kil ku sedu si propi dunu bin; N na dal el.’

Ezekiel 34:16

N na buska kil ku pirdi, N na tisi kil ku yanda lunju; kil ku kebra pe, N na ligal; kil ku sta duenti, N na kural, ma kil ki gurdu i forti, N na kaba ku el, pabia ami i bakiadur justu.

Ezekiel 34:29

N na pui se con pa i pruduzi ciu tok i ten fama; nunka mas fomi ka na kaba ku elis. Utru nasons ka na torna fasi elis trosa.

Ezekiel 45:8

E parti di tera di Israel i na sedu di reis. Nunka mas e ka na kalka ña pobu, ma e na disa restu di tera pa elis, konformi se jorsons.”

Daniel 9:24

“Kuatrusentus i noventa anu markadu pa bu pobu ku bu prasa sagradu, pa kaba ku kebra lei, pa para pekadus, pa ranja purdon di mal, pa yentranda justisa ku ka na kaba, pa kumpri vison ku anunsius, tambi pa torna dedika kau mas sagradu.

Oseias 1:11

Fijus di Judá ku fijus di Israel na junta, e na kuji un ŝef son; kusas na kuri elis diritu na tera, pabia dia di Jizreel na sedu garandi.

Oseias 3:5

Dipus fijus di Israel na buska SIÑOR se Deus, ku Davi, se rei. Na ultimu dias e na ten medu di SIÑOR, e bin buska si bondadi.

Amos 9:11

“Na ki dia N na torna lantanda renansa di Davi ku sedu suma kasa ku kai; N na tapa si burakus, N na repara kaus ku dana, N na torna kumpul suma ki staba na tempu antigu,

Mikeias 5:3

Israel na bandonadu te na tempu ku kil ku sta di partu na padi si fiju. Dipus, restu di si ermons na riba pa junta mas ku fijus di Israel.

Zakarias 3:8

Sukuta, Josué, ŝef di saserdotis, abo ku bu kolegas ku sinta bu dianti, pabia bo sedu sinal di kil ku na bin. Jubi, N na tisi ña servu ku comadu Ramu.

Zakarias 9:9

Prasa di Sion, fika kontenti! Prasa di Jerusalen, kanta ku alegria! Ali bu rei na bin pa bo, Salbadur justu, umildi, montadu na un buru, montadu na fijusiñu di buru.

Mateus 2:2

e punta: “Nunde ki sta nel kil ku padidu rei di judeus? No oja si strela na saida di sol, no bin pa adoral.”

Bon Noba di Jesus Kristu ku Jon 1:45

Filip oja Natanael, i falal: “No oja kil ku Moisés skirbiba na lei aserka del, ku anunsiaduris tambi fala del, ku sedu Jesus di Nazaré, fiju di José.”

Bon Noba di Jesus Kristu ku Jon 1:49

Natanael ruspundil: “Rabi, abo i Fiju di Deus! Abo i Rei di Israel!”

1 Koríntius 1:30

Deus junta bos ku Jesus Kristu; i fasil jiresa pa nos. Pabia del tambi i fasinu justu, i santifikanu, i libertanu.

Ebreus 8:8

ma Deus kulpa elis oca ki fala e palabra: “Siñor fala kuma dias na bin ki na fasi nobu kontratu ku pobu di Israel, ku pobu di Judá tambi.

Apokalipsi 19:11

N oja seu yabri; i staba la un kabalu branku. Kil ku monta nel i coma: “Fiel i di Bardadi.” El i justu na julgamentu, tambi na gera.