Jeremias 23:40 - BIBLIA - traduson antigu in Krioulo

⁴⁰ N na pui bos na disprezu pa sempri, ku borgoña ku nunka ka na diskisidu.”

Jeremias 23:40 ပူးပေါင်းရင်းမြစ်များ

Jeremias 20:11

Ma SIÑOR sta ku mi suma forti gereru; asin ña pirsigiduris tudu na kai, e ka na ngaña. E na fika ku borgoña; kusas ka na kuri elis diritu; e na sta sempri na kunfuson; ku ka na diskisidu.

Jeremias 24:9

N na tisi mal riba delis, tok jinti di tudu renus di mundu ta sinti medu; e njuti elis, e papia ditu aserka delis, e fasi elis trosa, e maldisua elis na tudu kau ku N bota elis.

Jeremias 42:18

Asin ku SIÑOR ku ten tudu puder, Deus di Israel, fala: ‘Suma ku forsa di ña raiba i darmadu riba di moraduris di Jerusalen, asin ku ña raiba na darmadu riba di bos ora ku bo yentra na Ejitu. Jinti na panta pabia di bos, e na njuti bos, e fasi bos trosa, e maldisua bos. Bo ka na oja mas e kau.’

Ezekiel 16:52

Bu ten ku sufri ki borgoña ku bu pensa kuma bu irmas mersi. Manera ku bu pekadu i mas nujenti di ki di selis, e parsi mas justu di ki bo. Asin, sufri bu borgoña, bu baŝa, pabia bu pui bu irmas pa e parsi justu.

Daniel 12:2

Manga del ku nteradu na con e na lanta, utrus pa vida ku ka ta kaba, utrus pa borgoña ku disprezu ku ka ta kaba.

Daniel 9:16

O SIÑOR, konformi tudu bon kusas ku bu fasi, tira bu raiba na prasa di Jerusalen, na bu monti sagradu. Tudu jinti ku sta na roda di nos e ta fasi trosa di Jerusalen ku di bu pobu, pabia di no pekadu ku mal ku no papes fasi.

Oseias 4:7

Mas ku saserdotis buri, mas ke peka kontra mi. N na muda se onra pa borgoña.

Ripitison di Lei 28:37

Bu na sedu ditu di tudu rasas ku SIÑOR lebau na se metadi; e na fika pasmadu ku ke ku SIÑOR fasiu, ma e na ri di bo.