Jeremias 23:24 - BIBLIA - traduson antigu in Krioulo

²⁴ Algin pudi sukundi na un kau ku N ka na ojal? Nta ami N ka inci seu ku tera?” Asin ku SIÑOR punta.

Jeremias 23:24 ပူးပေါင်းရင်းမြစ်များ

Kumsada 16:13

Agar coma nomi di SIÑOR ku falaba ku el “Abo i Deus di vista”, pabia i punta: “Nta N ka oja ki algin ku na ojan?”

1 Reis 8:27

“Ma na bardadi, Deus pudi mora na tera me? Seu propi, nin si i seu mas altu, i ka ciga pa bu kibi la, ku fadi e kasa ku N kumpu.

2 Kronikas 2:6

Kin ku pudi ten forsa pa kumpu un kasa pa el, suma ki ka ta kibi na seu? Mesmu ki seu mas altu, i ka pudi kibi nel. Ami i kin pa N kumpul un kasa, si i ka son kasa pa kema nsensu si dianti?

2 Kronikas 6:18

“Na bardadi, Deus pudi mora ku omis li na tera me? Seu propi, nin ki seu mas altu, i ka ciga pa bu kibi la, ku fadi e kasa ku N kumpu!

Jo 34:21

“Si uju sta riba di kamiñu di kada kin, i na jubi tudu se pasus.

Jo 34:22

I ka ten kau sukuru, pa mas sukuru ki sedu, nunde ku kilis ku fasi mal pudi sukundi.

Salmus 10:11

I ta fala na si sintidu: “Deus diskisi; i fica uju, nin i ka na oja es.”

Salmus 139:7

Nunde ku N pudi kapli di bu Spiritu? Nunde ku N pudi kuri di bu rostu?

Salmus 139:8

Si N subi pa seu, bu sta la; si N pui ña kama na mundu di mortu, bu sta la tambi.

Salmus 148:13

pa e ngaba nomi di SIÑOR, pabia si nomi sta riba, el son; si gloria sta riba di tera ku seu.

Salmus 90:8

Bu pui no pekadu dianti di bo; no pekadu sukundidu, bu tiral na bu lus.

Ditus 15:3

Uju di SIÑOR sta na tudu kau, i na jubi jinti mau ku bon.

Isaias 29:15

Koitadi di kilis ku ta fasi se planus na kau sukundidu pa SIÑOR ka oja elis, e fasi se kusas na sukuru, e punta: “Kin ku na ojanu? Kin ku na sibi?”

Isaias 57:15

Deus altu ku sta riba di tudu, ku tene vida ntidu, ku tene nomi sagradu, asin ki fala: “N mora na un lugar altu, sagradu juntu ku kilis ku ripindi, e baŝa kabesa, pa pudi da elis animu.

Isaias 66:1

Asin ku SIÑOR fala: “Seu i ña tronu, tera i tapeti di ña pe. Kal koldadi kasa ku bo na kumpun? O kal kau ki di ña diskansu?

Jeremias 16:17

Ña uju sta riba di tudu se kamiñus. Ningin ka pudi sukundi di mi, nin pa kubri si pekadu pa N ka ojal.

Jeremias 32:19

Bu tene planus garandi, ku garandesa na bu tarbaju. Bu uju sta abertu pa tudu kamiñu di omi, pa da kada kin konformi si manera di yanda, konformi i mersi pa kusas ki fasi.

Jeremias 49:10

Ma ami N leba tudu ku Esaú tene, N diskubri si kaus di sukundi; i ka na pudi sukundi ja. Si fijus kabadu ku el, suma tambi si ermons ku si visiñus. El i ka izisti ja.

Ezekiel 8:12

I puntan: “Fiju di omi, bu oja ke ku garandis di Israel na fasi na sukuru, kada un na si kuartu pintadu ku imaẑens? E na fala: ‘SIÑOR ka na ojanu; i bandona tera.’ ”

Ezekiel 9:9

I falan: “Maldadi di pobu di Israel ku Judá i garandi dimas; tera inci sangi, prasa inci maldadi. E na fala: ‘SIÑOR bandona tera, i ka na oja.’

Daniel 2:22

El i ta mostra kusas fundu o sukundidu; i sibi ke ku sta na sukuru; lus ta sta ku el.

Daniel 4:35

Tudu moraduris di mundu ojadu suma nada si dianti. I ta fasi konformi ki misti ku puderis di seu, ku moraduris di tera. I ka ten kin ku pudi paral si mon, ku fadi pa puntal: “Ke ku bu na fasi?”

Efésius 1:23

Igreẑa i kurpu di Kristu; i inci ku tudu ku Kristu sedu. Kristu, el mesmu, i inci ku tudu ku Deus sedu.

Ebreus 4:13

I ka ten nada ku Deus kumpu ku pudi sukundi del, ma tudu kusa sta nun i klaru na uju di kil ku no ten ku da konta si dianti.