Jeremias 23:16 - BIBLIA - traduson antigu in Krioulo

¹⁶ SIÑOR ku ten tudu puder fala: “Ka bo sukuta palabra di anunsiaduris ku na anunsia na bo metadi; e na inci bos speransa di mintida. E ta fala di visons di se pensamentu ku ka bin di boka di SIÑOR.

Jeremias 23:16 ပူးပေါင်းရင်းမြစ်များ

1 Reis 22:11

Zedekias, fiju di Kenaaná, i kumpu cifris di feru, i fala: “Asin ku SIÑOR fala: ‘Ku e cifris bu na fidi jinti di Siria tok bu kaba ku elis tudu.’ ”

2 Reis 17:15

E nega si ordis, ku kontratu ki fasi ku se papes, ku avisus ki da elis. E adora idulus ku ka bali, tok elis propi e ka bin bali. E sigi kustumus di utru nasons na se roda, kontudu SIÑOR falaba elis pa ka fasi kusas suma kila.

2 Kronikas 18:5

Rei di Israel junta kuatrusentus anunsiadur, i punta elis: “No dibi di bai geria kontra Ramot-Jilead, o pa N ka bai?” E ruspundil: “Bai, pabia Deus na ntregal na bu mon.”

Ditus 19:27

Ña fiju, si bu para obi nsinamentu, bu na disvia di kil ku bu sibi ja.

Jeremias 14:14

SIÑOR falan: “Ki anunsiaduris na anunsia mintida na ña nomi; nunka N ka manda elis, nin N ka da elis ordi, ku fadi pa N papia ku elis. Se visons ka bin di mi. E na fala kuma asin ku ’sin ku na sedu, ma se anunsius ka bali; e sai son di se pensamentus.

Jeremias 2:5

Asin ku SIÑOR punta: “Kal mal ku bo papes oja na mi ku manda e disvia di mi? E bai tras di idulus ku ka ten balur; elis propi e bin ka ten balur.

Jeremias 23:21

“N ka manda ki anunsiaduris, ma e kuri e bai. N ka fala elis nada, ma e bai anunsia.

Jeremias 23:26

Te kal tempu ku e kusa na sedu na korson di anunsiaduris ku na anunsia mintidas? E ta anunsia son nganu di se propi pensamentus.

Jeremias 29:23

Es i pabia e fasi kusa fiu na Israel; e dita ku minjeris di se kumpañeris, e konta mintida na ña nomi, palabras ku N ka manda elis pa e fala. N sibil, N sedu tustumuña.’ Asin ku SIÑOR fala.”

Jeremias 29:8

Ami, SIÑOR ku ten tudu puder, Deus di Israel, N fala: Ka bo disa ki anunsiaduris na bo metadi pa e ngana bos, nin bo diviñaduris; ka bo para sintidu na suñus ku bo ta suña.

Jeremias 9:12

Ke ku manda tera danadu, i kemadu suma lala, tok ningin ka pudi pasa nel? Kal omi ku sedu jiru pa ntindi es? Kin ku SIÑOR nsina tok i pudi splika roson?

Jeremias 9:20

Abos minjeris, bo obi palabra di SIÑOR; bo orejas ta risibi palabra di si boka. Bo nsina bo fijus femia cora; Kada kin nsina si kumpañer un kantiga tristi.

Miskiñu di Jeremias 2:9

Si portons kai na con; el i sapa-sapa se trinkus. Si rei ku si ŝefis sta na manga di nason. Gosi i ka ten lei; si anunsiaduris ka na risibi vison di SIÑOR.

Ezekiel 13:16

ku sedu anunsiaduris di Israel ku anunsiaba aserka di Jerusalen kuma e oja vison di pas pa el, kontra pas ka ten. Asin ku SIÑOR Deus fala.” ’

Ezekiel 13:23

Pabia di kila bo ka na torna oja vison di mintida, nin bo ka na fasi adiviña. N na libra ña pobu na bo mon. Bo na sibi kuma ami N sedu SIÑOR.’ ”

Ezekiel 13:3

Asin ku SIÑOR Deus fala: Ai di anunsiaduris tulu ku ta sigi se propi ntindimentu, sin oja nada.

Ezekiel 13:6

E ta oja vison falsu; se adiviña i mintida. E ta fala: “Asin ku SIÑOR fala”; i ta kontra SIÑOR ka manda elis, ma e ta pera kuma ki palabra na bin sedu.

Ezekiel 22:28

Se anunsiaduris ta kubri ki pekadus suma ku omis ta kaia paredi ku ka robokadu; e ta oja visons falsu, e ta fasi adiviñas di mintida; e ta fala: ‘Asin ku SIÑOR Deus fala’ kontra SIÑOR ka fala nada.

Mikeias 2:11

“Si algin munturus ku tene spiritu di nganu fala: ‘Ami N na anunsia kuma biñu ku bibida forti na ciu,’ es i na sedu anunsiadur ku e pobu misti.

Mateus 7:15

“Bo toma sintidu ku anunsiaduris falsu ku bin nunde bos bistidu suma karnel, ma dentru e sedu lubus ku ta mata.

Romanus 1:21

E kunsi Deus ma e ka rispital suma Deus, nin e ka gardisil. Se ntindimentu saklata; se korson tulu bida sukuru.

1 Jon 4:1

Ña kiridu ermons, ka bo fia na tudu jinti ku fala kuma e tene Spiritu di Deus, ma bo proba elis pa jubi si na bardadi ki spiritu bin di Deus, pabia i ten manga di anunsiadur falsu ku lanta na mundu.