Jeremias 23:15 - BIBLIA - traduson antigu in Krioulo

¹⁵ Pabia di kila, SIÑOR ku ten tudu puder fala aserka di anunsiaduris: “N na da elis un planta malgos pa e kume, ku yagu di venenu pa e bibi, pabia anunsiaduris di Jerusalen e kontamina tudu tera.”

Jeremias 23:15 ပူးပေါင်းရင်းမြစ်များ

Salmus 69:21

E dan fel pa N kume; oca ku N teneba sedi, e dan vinagri.

Jeremias 14:15

Asin ami, SIÑOR, N fala aserka di anunsiaduris ku na anunsia na ña nomi sin N ka da elis ordi. E na fala: ‘Nin spada, nin fomi ka na ten ne tera.’ Ma e mesmu anunsiaduris na muri ku spada ku fomi.

Jeremias 8:14

Pobu na punta: “Ke ku manda no sinta li? Bo junta pa no yentra na prasas forti, pa no muri la, pabia SIÑOR no Deus i markanu pa no muri. I danu yagu di venenu pa no bibi, pabia no peka kontra el.

Jeremias 9:14

ma e yanda na duresa di se korson, e bai tras di idulus di Baal suma ku se papes nsina elis.

Jeremias 9:15

Pabia di kila, ami, SIÑOR ku ten tudu puder, Deus di Israel, N fala: N na da ña pobu un planta malgos pa e kume, ku yagu di venenu pa e bibi.

Miskiñu di Jeremias 3:15

I fartandan ku paja malgos, i camintin ku bibida malgos.

Miskiñu di Jeremias 3:19

Lembra di ña kastigu ku ña yanda-yanda, ku ña venenu malgos.

Miskiñu di Jeremias 3:5

I tajan ku mura di kastigu malgos.

Zakarias 13:2

SIÑOR ku ten tudu puder fala: “Na ki dia N na tira di tera nomis di idulus; e ka na lembradu mas. Tambi N na tira anunsiaduris di tera, ku spiritu di impuresa.

Mateus 27:34

e da Jesus biñu jagasidu ku fel pa i bibi, ma dipus di purbal, i nega bibil.

Ripitison di Lei 29:18

Bo toma sintidu pa ka i ojadu na bo metadi omi nin minjer nin familia nin jorson ku si korson na disvia di SIÑOR no Deus, pa i bai sirbi deusis di ki nasons, pabia kila ta bin sedu suma rais ku ta nasi pa padi frutu malgos ku ta mata.

Apokalipsi 8:11

Nomi di ki strela i coma Amargura. Tersa parti di yagu bida malgos. Manga di jinti muri pabia di ki yagu, suma i bida venenu.