Jeremias 23:12 - BIBLIA - traduson antigu in Krioulo

¹² Asin se kamiñu na sedu kamiñu sukuru ku ta lalu; e na pincadu tok e kai nel. N na tisi mal riba delis na anu di se kastigu.” Asin ku SIÑOR fala.

Jeremias 23:12 ပူးပေါင်းရင်းမြစ်များ

Jo 18:18

E na tiral na klaridadi pa sukuru; e na serkal na mundu.

Salmus 35:6

Pa se kamiñu sedu sukuru, pa i lalu, nkuantu anju di SIÑOR fika se tras!

Salmus 73:18

Na bardadi, bu ta pui elis na lugaris ku ta lalu, bu ta bota elis na kau di danu.

Salmus 82:5

“Bo ka sibi nada, nin bo ka ntindi; bo ta yanda na sukuru. Tudu alisersus di mundu sosial na balansa.

Saida 32:34

Bai, bu gia e pobu pa kau ku N falauba del. Ña anju na bai bu dianti, ma si dia di ña vingansa ciga, N na vinga elis pa se pekadu.”

Ditus 4:19

ma kamiñu di omis mau i sukuru; nin e ka ta sibi ke ku pui elis pa e kai.

Isaias 8:22

Dipus e na jubi pa tera, e na oja foronta ku sukuru; nuven meduñu na bin riba delis; e na miskiña, e na rastadu pa sukuru.

Jeremias 11:23

Na anu ku N marka pa se kastigu, N na pui mal pa i bin riba di jinti di Anatot; nin un son ka na sobra.”

Jeremias 13:16

Bo da gloria pa SIÑOR bo Deus antis di i tisi sukuru, pa ka bo pe bin da tapada na montis na fuska-fuska. Bo na pera lus, ma el i na mudal pa sombra di mortu, pa sukuru meduñu.

Jeremias 48:44

“Kin ku kuri di medu i na kai na koba. Kin ku sai na koba i na prindidu pa armadilia, pabia N na tisi Moab si anu di kastigu.” Asin ku SIÑOR fala.

Jeremias 50:27

Bo mata ku spada tudu si turus, ku sedu omis di gera; e ta bai pa matadur. Ai delis! Se dia ciga, tempu di se kastigu.”

Jeremias 8:12

Nta e ta sinti borgoña di kusas nujenti ke ta fasi? Nau! Nin e ka ta burguñu, nin e ka sibi ke ki borgoña! E ku manda e na kai ku kilis ku kai. Na tempu ku N kastiga elis e na kai ku forsa.’ ” Asin ku SIÑOR fala.

Miskiñu di Jeremias 2:20

“SIÑOR, jubi, bu pensa kin ku bu na trata de manera! Nta minjeris dibi di kume se propi fijus ke padi, e ama? O saserdoti ku anunsiadur dibi di matadu na kau sagradu di SIÑOR?

Mikeias 7:4

Ki algin mas minjor na se metadi i suma paja brabu; kil ki mas retu i pior di ki po di fidida. I ciga dia ku bu sintinelas konta aserka del, dia di bu kastigu. Gosi jinti sta na kunfuson.

Bon Noba di Jesus Kristu ku Jon 12:35

Jesus fala elis: “Lus inda sta ku bos pa puku tempu; bo yanda nkuantu bo tene lus, pa sukuru ka paña bos, pabia kin ku ta yanda na sukuru ka ta sibi pa nunde ki na bai nel.

Ripitison di Lei 32:35

Vingansa i di mi; i ami ku na torna. Tempu na ciga ku se pe na lalu; dia di se disgrasa sta pertu; kusas ku na bin riba delis na ciga kinti-kinti.”

1 Jon 2:11

ma kil ku nfastia si ermon i sta na sukuru; i na yanda na sukuru; i ka sibi nunde ki na bai, pabia sukuru segal uju.

Judas 1:13

E sta suma maron di mar brabu ku na sukuma si susidadi di borgoña, o suma strela ku yara i na kurkuri. Deus separa un lugar di garandi sukuru pa elis pa sempri.