Jeremias 22:28 - BIBLIA - traduson antigu in Krioulo

²⁸ Nta e omi, Konias, i sedu un puti kebradu, njutidu, ku minjer ka misti? Ke ku manda el ku si fijus e botadu fora, e rastadu pa un tera ke ka kunsi?

Jeremias 22:28 ပူးပေါင်းရင်းမြစ်များ

2 Samuel 5:21

Filisteus disa se idulus la; Davi ku si omis leba elis.

2 Kronikas 21:20

I teneba trinta i dus anu oca ki yentra na renansa; i rena oitu anu na Jerusalen. I muri; ningin ka sinti pena del. E nteral na prasa di Davi, ma e ka pul na simiteriu di reis.

Salmus 31:12

N diskisidu suma algin ku muri; N sedu suma puti kebradu.

Jeremias 14:18

Si N sai pa matu, N ta oja kilis ku matadu ku spada; si N yentra na prasa, N ta oja jinti ku na dismaja ku fomi. Mesmu anunsiaduris ku saserdotis e na yanda-yanda na un tera ke ka kunsi.’ ”

Jeremias 15:1

SIÑOR falan: “Mesmu ku Moisés ku Samuel firmaba ña dianti, ña korson ka na baiba pa e pobu. Tira elis ña dianti pa e bai.

Jeremias 16:12

Abos tambi, bo fasi pior di ki bo papes, pabia kada un di bos na yanda konformi duresa di si korson mau; bo ka para sintidu pa obin.

Jeremias 17:4

Pabia di bu kulpa bu na pirdi yardansa ku N dau. N na pou pa bu sirbi bu inimigus na tera ku bu ka kunsi, pabia bu lantanda ña raiba suma fugu ku na yardi pa sempri.”

Jeremias 22:27

Tera ku bo dija, bo ka na riba nel.”

Jeremias 22:30

Asin ku SIÑOR fala: “Reẑista e omi suma algin ku ka tene fiju, omi ku kusas ka na kuri diritu na si vida, nin e ka na kuri diritu ku si fijus. E ka na sinta na tronu di Davi, nin e ka na rena mas na Judá.”

Jeremias 24:1

SIÑOR mostran dus sestu di figus ku pudu dianti di kasa di SIÑOR, dipus ku Nabukodonosor, rei di Babilonia, leba Jekonias pa katiberasku na Babilonia, ku sedu fiju di Jeoiakin, rei di Judá, ku ŝefis di Judá, ku karpinterus ku fererus.

Jeremias 27:20

ku Nabukodonosor, rei di Babilonia, ka leba, oca ki leba Jekonias, fiju di Jeoiakin, rei di Judá, di Jerusalen pa Babilonia, tudu ku jinti garandi di Jerusalen.

Jeremias 37:1

Nabukodonosor, rei di Babilonia, i pui Zedekias, fiju di Josias, pa i sedu rei di Judá. I rena na lugar di Konias, fiju di Jeoiakin.

Jeremias 48:38

Riba di tudu kasas di Moab, ku na lugaris publiku di prasas, tudu jinti na cora, pabia N kebra Moab, suma jaru ku ningin ka gosta del.” Asin ku SIÑOR fala.

Oseias 13:15

Mesmu ki padi frutu na metadi di si ermons, bentu na bin di lesti, bentu di SIÑOR, ku sai na lala; si fonti ku si uju di fonti na seku. Ki bentu na leba tudu kusas di balur di armazen.

Oseias 8:8

Israel ngulidu; gosi i sta na metadi di nasons suma puti ku kebra, ku ningin ka misti.