Jeremias 21:14 - BIBLIA - traduson antigu in Krioulo

¹⁴ N na kastiga bos konformi kusas ku bo ta fasi. N na sindi fugu na bo matu ku na kaba ku tudu ku sta na si roda. Asin ku ami, SIÑOR, N fala.’ ”

Jeremias 21:14 ပူးပေါင်းရင်းမြစ်များ

2 Kronikas 36:19

E kema kasa di SIÑOR, e bati muras di Jerusalen, e kema tudu palasius ku fugu, e dana tudu kusas di balur.

Ditus 1:31

Asin e na risibi rusultadu di kusas ke fasi. Se planus pa mal na kai riba delis.

Ditus 12:14

Di palabra di si boka un omi ta farta di bon kusas; tambi i ta pagadu pa kusas ki fasi ku si mon.

Isaias 10:12

SIÑOR fala: “Ora ku N kaba tudu ña tarbaju na monti di Sion ku Jerusalen, N na kastiga rei di Asiria orgulyu di si korson ku ronku di si uju,

Isaias 10:16

Asin SIÑOR, SIÑOR ku ten tudu puder, i na manda duensa ku na fraksi kurpu di jinti gurdu na se metadi. I na pui fugu ku na kema ku forsa dentru di se kurpus.

Isaias 24:21

Dia na ciga ku SIÑOR na kastiga puderis la riba na seu, ku reis di tera li bas.

Isaias 37:24

Bu manda jinti pa koba SIÑOR, bu fala: “Ku multidon di ña karus N subi riba di montis mas altu di Líbanu. N korta si sedrus mas kumpridu ku si faias mas bonitu. N ciga na si ponta mas altu, te na si matu garandi ku si lugaris ku mas ta pruduzi.

Jeremias 11:16

SIÑOR ciga di comal olivera verdi, ku fruta sabi, bonitu, ma gosi, ku baruju di garandi turbada, i sindi fugu na roda del, i kebra si ramus.

Jeremias 11:22

Sin, asin ku SIÑOR ku ten tudu puder fala: N na kastiga elis. Jovens na muri di spada, se fijus macu ku femia e na muri di fomi.

Jeremias 17:10

“Ami, SIÑOR, N ta rabista korson, N ta spurmenta pensamentus; N ta paga kada algin konformi si manera di yanda, ku kusas ki fasi.”

Jeremias 17:27

“‘Ma si bo ka obdisin, pa tene dia di diskansu suma dia sagradu, pa ka karga kusas pa yentranda elis na portons di Jerusalen na dia di diskansu, nta N na sindi fugu na bo portons ku na kaba ku palasius di Jerusalen; ki fugu ka na pagadu.’ ”

Jeremias 22:1

SIÑOR falan pa N bai pa kasa di rei di Judá pa konta e rekadu la, N fala:

Jeremias 22:7

N na manda danaduris kontra bo, kada kin ku si material di gera; e na korta bu kankra di sedru bonitu, e na botal na fugu.

Jeremias 32:19

Bu tene planus garandi, ku garandesa na bu tarbaju. Bu uju sta abertu pa tudu kamiñu di omi, pa da kada kin konformi si manera di yanda, konformi i mersi pa kusas ki fasi.

Jeremias 46:23

SIÑOR fala: “E na korta se matu, nin si i ficadu suma ke. Elis e ciu, mas di ki gamfañotis; e ka pudi kontadu.

Jeremias 50:32

Ki orgulyosu na da tapada, i kai; ningin ka na judal pa i lanta. N na pui fugu na si prasas ku na kaba ku tudu ku sta na si roda.”

Jeremias 52:13

I kema kasa di SIÑOR ku kasa di rei, ku tudu kasas di Jerusalen, tudu ku kasas di garandis.

Jeremias 6:19

O mundu, obi! N na tisi mal riba de pobu, suma kastigu di se mau pensamentus, pabia e nega obi ña palabras, e ka obdisi ña lei.

Jeremias 6:29

Banadera di fugu na supra ku forsa, pa fugu pudi kema cumbu. Fereru na tarbaja diritu, ma tudu i amonton, pabia kilis ku mau e ka tiradu.

Jeremias 9:25

SIÑOR diklara i fala: “I na ciga tempu ku N na kastiga tudu kilis ku sirkunsidadu son na kurpu,

Miskiñu di Jeremias 2:3

Na forsa di si raiba i kaba ku forsa di Israel. I tira si mon riba di Israel oca ku inimigu na bin. I yardi kontra Jakó suma ŝama di fugu ku ta kema tudu na roda.

Ezekiel 21:3

bu falal kuma SIÑOR fala: ‘N sta kontra bo; N na tira ña spada na baiña, N na mata jinti justu ku jinti mau na bo metadi.

Mikeias 7:13

Ma mundu na bida suma lala pabia di kusas ku kilis ku mora nel fasi.

Zakarias 11:1

Líbanu, yabri bu portas pa fugu pudi kaba ku bu sedrus.