Jeremias 20:9 - BIBLIA - traduson antigu in Krioulo

⁹ Utru ora N ta pensa, N fala: “N ka na lembra mas del, nin N ka na papia mas na si nomi.” Ma si palabra sta na ña korson suma fugu ku na yardi, ficadu na ña os; N ta fasi forsa pa guardal, ma N ka pudi nguenta.

Jeremias 20:9 ပူးပေါင်းရင်းမြစ်များ

Salmus 39:3

Ña korson na kemaba dentru di mi; oca ku N na pensa, fugu na yardi, tok N kumsa na papia. N fala:

Jeremias 23:29

I torna punta mas: “Nta ña palabra i ka sedu suma fugu, o suma martel ku ta kebra-kebra pedra garandi?”

Jeremias 23:9

N na fala aserka di anunsiaduris: Ña korson sta kebrantadu dentru di mi; tudu ña os na tirmi. N sedu suma omi ku cami, suma omi ku biñu toma konta del, pabia di SIÑOR ku si palabras sagradu.

Jeremias 4:19

Ai, ña korson, ña korson! Ami N na sufri ku dur. Ai! Sufrimentu di ña korson! Ña korson na bati; N ka pudi kala, pabia N obi toku di korneta ku baruju di gera.

Jeremias 6:11

N inci ku raiba di SIÑOR; N kansa ja di guardal dentru di mi.” SIÑOR falan: “Darmal riba di mininus na rua, tambi na runions di jovens. Te maridu ku minjer e na pañadu nel, tudu ku bejus ku kilis ku pertu muri.

Ezekiel 3:14

Spiritu lantandan, i leban. N bai ku tristesa, turmentadu na ña spiritu, ma mon di SIÑOR staba forti riba di mi.

Ezekiel 3:3

I falan: “Fiju di omi, kume e rolu ku N na dau, bu inci bu stomagu ku el.” N kumel; na ña boka N sintil dos suma mel.

Amos 3:8

Lion somna; kin ku ka na medi? SIÑOR Deus papia ja; kin ku ka na anunsia si rekadu?

Jonas 1:2

“Lanta, bu bai pa ki garandi prasa di Ninive, bu konta kusa ku Deus fala kontra el, pabia se maldadi subi tok i ciga ña dianti.”

Jonas 1:3

Jonas lanta pa kuri pa Tarsis, pa kapli di SIÑOR. I bai pa Jope, i oja un barku ku na bai pa Tarsis. I paga si pasaju, i mbarka pa bai ku elis pa Tarsis, pa i pudi kapli di SIÑOR.

Lukas 9:62

Jesus falal: “Algin ku pega radi, i fika i na jubi tras, i ka bali pa sirbi na renu di Deus.”

Atus 17:16

Nkuantu Paulu na peraba elis na Atenas, i fika ku kasabi na spiritu suma ki na oja prasa ku manga di idulu.

Atus 18:5

Oca ku Silas ku Timótiu ciga di Masedonia, Paulu pui tudu si tempu pa konta palabra, i diklara judeus kuma Jesus i Kristu.

Atus 4:20

pabia anos no ka pudi disa di fala kusa ku no oja, ku no obi.”