Jeremias 2:8 - BIBLIA - traduson antigu in Krioulo

⁸ Saserdotis ka punta: ‘Nunde ku SIÑOR sta?’ Kilis ku ta trata di lei e ka kunsin. Ŝefis e disobdisin; anunsiaduris e anunsia na nomi di Baal, e yanda tras di idulus ku ka bali.

Jeremias 2:8 ပူးပေါင်းရင်းမြစ်များ

1 Reis 18:22

Elias fala elis: “Ami son ku sobra di anunsiaduris di SIÑOR, ma i ten kuatrusentus i sinkuenta anunsiadur di Baal.

1 Reis 18:29

E kontinua se gritaria di tardi, te na ora di sakrifisiu, ma e ka obi nin fála, nin rasposta; ningin ka kudi elis.

1 Reis 18:40

Elias fala elis: “Bo paña anunsiaduris di Baal; ka bo disa nin un delis pa i kapli.” E paña elis. Elias leba elis pa riusiñu di Kison, i mata elis la.

Jo 35:10

Ma ningin ka ta punta: ‘Nunde ku Deus ku kumpun sta nel, kil ku ta da kantigas di noti,

Isaias 28:7

Mesmu saserdotis ku anunsiaduris na singa-singa pabia di biñu, e sta na kunfuson pabia di bibida forti. Anunsiaduris ta bibi biñu tok e ka pudi ntindi vison ku Deus da elis; saserdotis ta bibi tok e ta ntrumpi na julga.

Isaias 29:10

SIÑOR darma spiritu di sonu fundu riba di bos, i tapa bo ujus abos anunsiaduris; i kubri bo kabesa, abos videntis.

Isaias 30:5

ma e na pudu na borgoña pabia di un pobu ku ka na sirbi elis pa nada, e ka na juda elis nin e ka na ten purbitu pa elis, ma son borgoña ku trosa.”

Jeremias 10:21

Ŝefis bida tulu, e ka punta SIÑOR. Asin, kusas ka kuri elis diritu; tudu se pobu pajiga.

Jeremias 12:10

Manga di ŝef dana ña orta di uva, e masa ña lugar. Ña lugar ku N gosta ciu del, e fasil lala,

Jeremias 16:19

O SIÑOR, ña forsa, ña difesa, ña kau di sukundi na dia di foronta, nasons na bin pa bo di utru ladus di mundu, e na fala: “No papes yardaba son mintida, idulus ku ka bali, ku ka ten purbitu.

Jeremias 18:18

E fala: “Bo bin no fasi no planu kontra Jeremias. Saserdoti na sta li pa nsinanu lei; jirus na danu konsiju; i ten anunsiaduris pa danu palabra. Bo bin no atakal ku no lingua; ka no sukuta nin un di si palabras.”

Jeremias 2:11

Nta i ten nason ku torkia si deusis, mesmu ke ka sedu deusis? Ma ña pobu torkia se Deus gloriosu ku idulus ku ka bali nada.

Jeremias 2:6

E ka punta: ‘Nunde ku SIÑOR sta, ku tisinu di tera di Ejitu, i gianu na lala, con di kobas ku montis di reia, con seku, sukuru suma mortu, con ku ka ta yandadu, ku ningin ka ta mora nel?’

Jeremias 4:22

Deus fala: “Ña pobu ka ten juisu, e ka kunsin; e sedu fijus ku ka jiru, e ka ta ntindi. E sedu jiru pa fasi mal, ma e ka sibi fasi ben.”

Jeremias 5:31

Anunsiaduris na anunsia mintida, saserdotis na manda ku forsa di anunsiaduris. I kila propi ku ña pobu misti, ma ke ku bo na fasi ora ku e kusas ciga na kabantada?

Jeremias 7:8

“Ma abos, bo fia na palabras di mintida ku ka bali nada.

Jeremias 9:14

ma e yanda na duresa di se korson, e bai tras di idulus di Baal suma ku se papes nsina elis.

Ezekiel 22:26

Se saserdotis ta kebra ña lei, e kontamina ña kusas sagradu; e ka ta diferensia kusas sagradu ku kilis ki ka sagradu, e ka ta nsina diferensa di kusa puru ku kusa impuru. E ka ta mporta ku ña dias di diskansu. Asin, pobu di Israel ka ta rispitan.

Ezekiel 34:2

“Fiju di omi, anunsia kontra bakiaduris, ku sedu ŝefis di Israel. Anunsia, bu fala elis kuma asin ku SIÑOR Deus fala: ‘Ai di ŝefis di Israel ku ta bakia se propi kabesa! Nta bakiaduris ka dibi di bakia karnel?

Oseias 4:6

Ña pobu kabadu ku el pa falta di kuñisimentu. Suma ku bu nega kuñisimentu, ami tambi N negau pa bu ka sedu saserdoti ña dianti. “Suma ku bu diskisi di lei di bu Deus, ami tambi N na diskisi di bu fijus.

Abakuk 2:18

“Un idulu ku omi labra, kal purbitu ki ten? I imaẑen son, ku ta nsina mintida, pa omi ku kumpul pudi fia na ki kusa ki kumpu, ma i na kumpu idulus ku ka pudi papia.

Mateus 16:26

Kal purbitu ku algin ta ten si i ngaña mundu ntidu, ma i pirdi si kabesa? O ke ku algin pudi da pa kumpra si alma?

Lukas 11:52

“Koitadi di bos duturis di lei! Bo toma cabi di kuñisimentu; bo ka yentra, bo tuji kilis ku na yentraba.”

Bon Noba di Jesus Kristu ku Jon 16:3

E na fasi bos e kusas pabia e ka kunsi ña Pape nin e ka kunsin.

Bon Noba di Jesus Kristu ku Jon 8:55

Abos bo ka kunsil, ma ami N kunsil. Si N fala kuma N ka kunsil N ta sedu munturus suma bos, ma N kunsil; N ta fasi kil ki ta falan.

2 Koríntius 4:2

No nega tudu kusa di borgoña ku jinti ta fasi sukundidu. No ka ta yanda na nganu, nin no ka ta tursi palabra di Deus. No misti pa tudu jinti ku bon konsiensia pa e rapara kuma no na yanda na lus klaru di bardadi dianti di Deus.

Ripitison di Lei 33:10

E nsina bu regras ku bu leis pa Jakó, ku sedu Israel; e kema nsensu bu dianti, e kema oferta riba di bu altar.

1 Samuel 12:21

Ka bo disvia pa bai tras di idulus ku ka bali, ku ka ten nada di purbitu, nin e ka ta libra bos pabia e ka sedu nada.

1 Samuel 2:12

Fijus di Eli seduba jinti mau ku ka mportaba nada ku SIÑOR.