Jeremias 2:32 - BIBLIA - traduson antigu in Krioulo

³² Nta un bajuda ta diskisi di si fajamentu? O noiva ta diskisi di si veu? Ma ña pobu diskisi di mi pa manga di dia.

Jeremias 2:32 ပူးပေါင်းရင်းမြစ်များ

Kumsada 24:22

Oca ku kamelus kaba bibi, omi toma un anel di uru di mas di sinku grama, ku dus pulsera di uru ku pesa mas di sen grama pa si mon.

Kumsada 24:30

Oca ki oja ki anel, ku pulseras na mon di si irma, i obi kombersa di si irma Rebeka oca i na konta ke ku ki omi falalba, i sai i bai pa ki omi, i ojal i firmaba ku si kamelus lungu di fonti.

Kumsada 24:53

Dipus i tira kusas di prata ku di uru, ku ropa, i da Rebeka. I da tambi kusas di balur pa si ermon ku si mame.

2 Samuel 1:24

“Abos minjeris di Israel, bo cora Saul, kil ku ta bistiba bos ku ropa di luŝu, burmeju, ku ta faja bo bistidus ku joias di uru.

Salmus 106:21

E diskisi di Deus se Salbadur, ku fasiba garandi kusas na Ejitu,

Salmus 9:17

Jinti mau na botadu na mundu di mortus, ku tudu nasons ku diskisi di Deus.

Isaias 17:10

Bu diskisi di Deus ku salbau; bu ka lembra di ki pedra garandi ku sedu bu kau forti. Asin bu pudi paranta plantas bonitu, bu paranta tambi pes di uva di utru tera.

Isaias 57:11

SIÑOR punta: “Kin ku bu panta del, o bu medi, tok bu sedu falsu pa mi, bu ka lembra di mi, nin bu ka pun na bu korson? Nta i ka pabia N kala disna di manga di tempu ku manda bu ka rispitan?

Isaias 61:10

N na kontenti dimas na SIÑOR; ña korson sta alegri na ña Deus, pabia i bistin ku ropa di salbason, i kubrin ku manta di retidon, suma noivu ku ta faja kabesa suma saserdoti, o suma noiva ku ta faja ku si pedras di balur.

Jeremias 13:10

E pobu mau ku ta nega obi ña palabra, ku ta yanda konformi duresa di se korson, e bai tras di utru deusis pa sirbi elis, pa mpina se dianti, e na sedu suma e sintu ku ka bali nada.

Jeremias 13:25

Ami, SIÑOR, N fala: Es i na sedu bu sorti, ki parti ku N midi pa bo, pabia bu diskisi di mi, bu fia na mintidas.

Jeremias 18:15

Ma ña pobu diskisi di mi, e kema nsensu na idulus ku pui elis kai na se kamiñus; e pirdi ki kamiñus antigu, e yanda na kamiñus ku ka kumpudu.

Jeremias 2:11

Nta i ten nason ku torkia si deusis, mesmu ke ka sedu deusis? Ma ña pobu torkia se Deus gloriosu ku idulus ku ka bali nada.

Jeremias 2:33

Bu ten jitu na buska amantis! Mesmu minjeris mas mau e ka ten jitu suma bo!

Jeremias 23:27

E pensa kuma e na pui ña pobu diskisi di ña nomi pabia di suñus ku kada kin ta konta si kumpañer, suma ku se papes diskisi di ña nomi pabia di Baal.

Jeremias 3:21

Na kaus altu i obidu un vos, ku sedu di fijus di Israel ku na cora, e na roga, pabia e yanda mal dimas, e diskisi di SIÑOR se Deus.

Ezekiel 22:12

Utru di bu jinti e risibi suku di bas pa mata algin; e toma juru, e kobra ciu dimas; e fasi ruñesa pa se visiñu, e kalkal. Bu diskisi di mi. Asin ku SIÑOR Deus fala.

Oseias 8:14

Israel diskisi di si Kriadur, i kumpu palasius; Judá kumpu manga di prasa fortifikadu, ma N na manda fugu riba di se prasas ku na kaba ku se palasius.”

Ripitison di Lei 32:15

Jesurun taka, i da ponta-pes; i farta kumida, i bida gurdu. I disa Deus, kil ku kumpul; i nega Roca ku salbal.

Apokalipsi 21:2

Ami Jon, N oja prasa di Deus ku comadu nobu Jerusalen, ku Deus disinti di seu, pruntiadu suma noiva ku fajadu pa si noivu.

Ŝefis 8:34

E ka lembra di SIÑOR se Deus ku libra elis na mon di tudu se inimigus ku staba na se roda,