Jeremias 2:31 - BIBLIA - traduson antigu in Krioulo

³¹ “O Israel, bo pensa diritu na palabra di SIÑOR. Nta ami N sedu pa Israel suma lala, o suma un con sukuru dimas? Ke ku manda ña pobu na fala: ‘No sta libri di bo; nunka mas no ka na bin pa bo’?

Jeremias 2:31 ပူးပေါင်းရင်းမြစ်များ

1 Reis 11:22

Faraó puntal: “Bu tene falta di kualker kusa li ku manda bu misti riba pa bu tera?” I falal: “Nada ka faltan, ma disan bai.”

2 Kronikas 31:10

Azarias, ŝef di saserdotis di familia di Zadok, i falal: “Disna ku jinti kumsa na tisi ofertas pa kasa di SIÑOR, no ta kume no farta, no sobra ciu, pabia SIÑOR bensua si pobu. Asin tudu e ofertas e sobra inda.”

Jo 21:14

Ma e ta fala Deus: ‘Disanu; no ka misti kunsi bu kamiñu.’

Salmus 10:4

Pabia di si orgulyu, omi mau ta njuti SIÑOR. Na tudu si pensamentus, Deus ka sta la.

Salmus 12:4

i fala: “No na ngana ku no lingua; boka i di nos; kin ku ta manda riba di nos?”

Ditus 30:9

Si N bin tene ciu dimas, N pudi negau, N punta: “Kin ki SIÑOR?” O N pudi torna koitadi, N bin furta, N tisi borgoña na nomi di Deus.

Isaias 45:19

N ka papia kusas na sigridu, nin na un kantu sukuru di tera. N ka fala jorson di Jakó pa e buskan amonton. Ami i SIÑOR ku ta papia bardadi; N ta konta kusas sertu.

Jeremias 2:20

“I tarda ja ku bu kebra bu korenti, bu sapa korda ku marau, bu fala kuma bu ka misti sirbin, ma na kada monti altu, bas di kada arvuri verdi, bu yanda suma minjer di mau fama.

Jeremias 2:25

Israel, ka bu yanda tok bu sapatu bin gasta, bu garganti bin seku. Ma bu fala: ‘Nau, jitu ka ten! N ama deusis di utru tera; N na bai se tras.’

Jeremias 5:5

N na bai pa garandis, N na papia ku elis, pabia elis e kunsi kamiñu di SIÑOR, ku ke ku se Deus misti pa e fasi.” Ma esis tudu juntu e kebraba korenti, e sapa korda.

Jeremias 5:6

Pabia di kila un lion di matu na ataka elis; un lubu di lala na mata utrus; un leopardu na monta mboskada na se prasas; kualker algin ku sai i na sapa-sapadu, pabia se pekadus na buri son, no ka pudi konta kantu bias ke disvia.

Ezekiel 14:5

N na fasi asin pa paña korson di pobu di Israel, mesmu ku tudu elis e disvia di mi, pa bai tras di se idulus.’

Oseias 13:6

N da bos di kume na bon tera, bo farta; dipus di bo farta, bo korson bida orgulyosu; e ku manda bo diskisi di mi.

Amos 1:1

Es i palabras di Amos, un di bakiaduris di Tekoa, ku konta kil ki oja aserka di Israel na un vison, na tempu di Uzias, rei di Judá, ku Jeroboan, fiju di Jeoás, rei di Israel, dus anu antis di tirmidura di tera.

Mikeias 6:9

I jiru pa rispita nomi di SIÑOR. SIÑOR na coma prasa, i fala: “Bo sukuta fála di kil ku marka ki kastigu ku na bin.

1 Koríntius 4:8

Bo sta ja fartu! Bo sta riku! Sin nos, bo na rena! I ta bon pa bo rena na bardadi, pa no pudi rena juntu ku bos!

Ripitison di Lei 31:20

Ami N na yentranda elis na tera ku N purmiti se papes ku juramentu, ki tera riku ku ta pruduzi ciu; e na bin kume, e farta, e taka. Dipus e na negan, e kebra ña kontratu, e bai tras di utru deusis pa sirbi elis.

Ripitison di Lei 32:15

Jesurun taka, i da ponta-pes; i farta kumida, i bida gurdu. I disa Deus, kil ku kumpul; i nega Roca ku salbal.

Ripitison di Lei 32:18

Bu diskisi di Roca ku padiu, bu ka mporta ku Deus ku formau.