Jeremias 2:17 - BIBLIA - traduson antigu in Krioulo

¹⁷ Nta tudu e kusas ku kontisi ku bo i ka pabia bu disa SIÑOR bu Deus, oca ki na giauba na kamiñu?

Jeremias 2:17 ပူးပေါင်းရင်းမြစ်များ

1 Kronikas 28:9

“Abo Salomon, ña fiju, rikuñisi Deus di bu papes, bu sirbil ku tudu bu korson, ku pruntidon di spiritu, pabia SIÑOR ta rabista tudu korson, i ta kunsi tudu motivu ku sta tras di kada pensamentu. Si bu buskal bu na ojal, ma si bu disal, i na negau pa sempri.

2 Kronikas 15:2

I sai pa bai kontra ku Asa, i falal: “Bo sukutan de, Asa ku tudu Judá ku Benjamin. SIÑOR sta ku bos nkuantu bo sta ku el. Si bo buskal, bo na ojal; si bo disal, el i na disa bos.

Jo 34:27

pabia e disvia del, e ka misti ntindi nin un di si ordis.

Jo 4:8

Konformi kil ku N oja, jinti ku labra pekadu, e sumia mal, el ke na kebra.

Salmus 107:7

I leba elis pa kamiñu filadu, ku ta bai pa prasa nunde ke pudi mora nel.

Salmus 136:16

I gia si pobu na lala, Si bondadi i pa sempri.

Salmus 77:20

Bu gia bu pobu, suma karnel, pa mon di Moisés ku Aron.

Ditus 15:10

Kastigu duru na pera kil ku sai na kamiñu; kil ku raprindidu i nega, i na muri.

Isaias 1:4

Ai di nason ku ta fasi pekadu, pobu ku karga pekadu, rasa malvadu, fijus ku ntregadu pa kurupson; e nega SIÑOR, e papia mal kontra Deus santu di Israel, e dal kosta.

Isaias 59:13

No ta nega SIÑOR, no konta mintida kontra el, no vira kosta pa no Deus, no pui jinti pa e kalka utrus, e ravolta; no korson forma mintida ku sai na no boka.

Jeremias 13:22

Ora ku bu punta bu kabesa ke ku manda e kusas bin riba di bo, bu ta sibi kuma i pabia di bu manga di pekadu ku bu ropa rumpidu, bu kurpu tratadu ku violensia.

Jeremias 19:4

N na fasi asin pabia e disan, e kontamina e kau, e kema nsensu pa utru deusis ku nunka e ka kunsi, nin elis nin se papes nin reis di Judá; e inci e kau ku sangi di jinti ku ka ten kulpa.

Jeremias 2:13

“Ña pobu fasi dus tipu di pekadu. Purmeru kusa: e bandonan, ami ku sedu uju di fonti di yagu bibu. Sugundu: e ranja se propi kau di guarda yagu, ma kila raca, yagu ta sai tudu.

Jeremias 2:19

I bu maldadi ku na kastigau; bu disviu ku na raprindiu. Pensa diritu, bu jubi kuma ki sedu un kusa mau i malgos pa bu disa SIÑOR bu Deus, bu ka ten rispitu pa el.” Asin ku SIÑOR Deus ku ten tudu puder fala.

Jeremias 4:18

Bu manera di yanda ku kusas ku bu fasi i pui e kusas bin riba di bo. Es i bu kastigu; i malgos tok i ciga na bu korson.

Jeremias 44:3

pabia di maldadi ke fasi. E lantanda ña raiba manera ke bai kema nsensu, e adora utru deusis ku nunka e ka kunsi, nin abos nin bo papes.

Jeremias 5:25

Bo maldadi disvia bos e kusas; bo pekadus tuji bos e kusas bon.

Ezekiel 39:24

N trata elis konformi se susidadi ku pekadu, N sukundi ña rostu delis.”

Oseias 13:9

“O Israel, N na kaba ku bo, pabia bu sta kontra mi, bu Judadur.

Mikeias 1:5

Tudu es na sedu pabia di krimis di Jakó ku pekadus di pobu di Israel. Kin ki kulpadu pa krimis di Jakó? Nta i ka Samaria? Kin ki kulpadu pa kaus altu di Judá? I ka Jerusalen?

Numerus 32:23

“Ma si bo ka fasi asin, i ta kontra bo peka kontra SIÑOR. Bo pudi sibi kuma bo pekadu i na oja bos.

Ripitison di Lei 32:10

I ojal na lala, na un kau dingidu, son bentu ku ta somnaba la. I toma konta del, i nsinal, i guardal suma minina di si uju.

Ripitison di Lei 32:19

SIÑOR oja kila, i paña raiba kontra si fijus macu ku femia, i nega elis.