Jeremias 2:13 - BIBLIA - traduson antigu in Krioulo

¹³ “Ña pobu fasi dus tipu di pekadu. Purmeru kusa: e bandonan, ami ku sedu uju di fonti di yagu bibu. Sugundu: e ranja se propi kau di guarda yagu, ma kila raca, yagu ta sai tudu.

Jeremias 2:13 ပူးပေါင်းရင်းမြစ်များ

2 Reis 22:17

Suma ke disan, e kema nsensu pa utru deusis, e lantanda ña raiba ku tudu idulus ke kumpu ku se mon, asin ña raiba na yardi kontra e lugar; i ka na paga.’

Salmus 36:9

pabia fonti di vida sta na bo; na bu lus no ta oja lus.

Eklesiastis 1:14

N jubi diritu pa tudu tarbaju ku ta fasidu bas di sol, N oja kuma tudu i bakatela, suma kin ku na serka bentu.

Eklesiastis 1:2

“Bakatela! Bakatela!” Asin ku filósofu fala. “Tudu i bakatela, i ka ten balur.”

Eklesiastis 12:8

Filósofu fala: “Bakatela! Bakatela! Tudu i bakatela!”

Eklesiastis 2:11

N jubi tudu ki obras ku ña mon fasi, ku tudu tarbaju ku N kansa na fasi; N oja kuma tudu i bakatela, suma algin ku na serka bentu. I ka tenba nin un purbitu bas di sol.

Eklesiastis 2:21

pabia un omi pudi fasi tarbaju ku jiresa, kuñisimentu ku jitu, ma i ta bin disal na mon di utru ku ka tarbaja nel. Es tambi i bakatela, i garandi kasabi.

Eklesiastis 2:26

Deus ta da jiresa, kuñisimentu ku kontentamentu pa omi ki bon si dianti, ma kil ku ta fasi pekadu, Deus ta pul pa i tarbaja, i junta, i ruma, pa i pudi da pa kin ku ta pui Deus kontenti. Es tambi i bakatela, i suma algin ku na serka bentu.

Eklesiastis 4:4

N nota kuma i nveẑa di si kumpañer ku ta pui omi tarbaja ciu ku jitu pa i pudi ngaña. Es tambi i bakatela, suma algin ku na serka bentu.

Isaias 1:3

Turu kunsi si dunu; buru kunsi kau ku si dunu ta pul kumida, ma Israel ka ten kuñisimentu; ña pobu ka ta ntindi.”

Isaias 1:4

Ai di nason ku ta fasi pekadu, pobu ku karga pekadu, rasa malvadu, fijus ku ntregadu pa kurupson; e nega SIÑOR, e papia mal kontra Deus santu di Israel, e dal kosta.

Isaias 12:3

Abos ku kontentamentu bo na tira yagu na fontis di salbason.

Isaias 5:13

Pabia di kila ña pobu na lebadu katiberasku pa falta di ntindimentu. Se jinti di rispitu na tene fomi; manga di jinti na muri di sedi.

Isaias 55:2

Pabia di ke ku bo na gasta diñeru na kil ku ka sedu kumida? O ke ku manda bo na gasta bo vensimentu na kusa ku ka pudi fartanda bos? Bo sukutan diritu, bo kume kil ki bon; asin bo ta kontenti ku kumida riku.

Isaias 63:8

SIÑOR fala: “Sin duvida elis e sedu ña pobu, fijus ku ka na konta mintida.” Asin i bin sedu se Salbadur.

Jeremias 1:16

“N na anunsia ña kastigu riba di ña pobu pabia di kusas mau ke fasi. E disan, e kema nsensu pa utru deusis, e adora kusas ke kumpu ku se mon.

Jeremias 14:3

Jinti mas importanti manda se kriadus pa e buska yagu; e bai pa dipositu di yagu, ma e ka oja; e riba ku se putis vaziu. E kubri se kabesa ku borgoña ku disanimu.

Jeremias 15:6

Bu disan, bu riba tras; asin N na distindi ña mon kontra bo, N na kaba ku bo; N kansa sinti pena di bo.

Jeremias 17:13

O SIÑOR, Speransa di Israel! Tudu kilis ku disau e na ten borgoña. Kilis ku lunjusi di bo, se nomis na skirbidu na reia, pabia e bandona SIÑOR ku sedu fonti di yagu ku ta da vida.

Jeremias 18:14

Nta i ta ten dia ku nevi ka ta ojadu na montañas di pedra na Líbanu? Si riusiñus di yagu fresku ku ta bin di lunju e ta para kuri?

Jeremias 19:4

N na fasi asin pabia e disan, e kontamina e kau, e kema nsensu pa utru deusis ku nunka e ka kunsi, nin elis nin se papes nin reis di Judá; e inci e kau ku sangi di jinti ku ka ten kulpa.

Jeremias 2:11

Nta i ten nason ku torkia si deusis, mesmu ke ka sedu deusis? Ma ña pobu torkia se Deus gloriosu ku idulus ku ka bali nada.

Jeremias 2:17

Nta tudu e kusas ku kontisi ku bo i ka pabia bu disa SIÑOR bu Deus, oca ki na giauba na kamiñu?

Jeremias 2:26

“Suma ku ladron ta burguñu ora ki pañadu, asin ku Israel i na burguñu — elis, se reis, se ŝefis, se saserdotis ku se anunsiaduris.

Jeremias 4:22

Deus fala: “Ña pobu ka ten juisu, e ka kunsin; e sedu fijus ku ka jiru, e ka ta ntindi. E sedu jiru pa fasi mal, ma e ka sibi fasi ben.”

Jeremias 5:26

“Na metadi di ña pobu i ten omis mau; kada un na yanda, i na montia, suma ku omi ta montia kacus; i ta pui armadilia pa paña omis.

Jeremias 5:31

Anunsiaduris na anunsia mintida, saserdotis na manda ku forsa di anunsiaduris. I kila propi ku ña pobu misti, ma ke ku bo na fasi ora ku e kusas ciga na kabantada?

Ezekiel 14:5

N na fasi asin pa paña korson di pobu di Israel, mesmu ku tudu elis e disvia di mi, pa bai tras di se idulus.’

Ezekiel 47:1

Dipus, ki omi riba ku mi pa entrada di templu. Yagu na saiba bas di entrada, i na kuri pa saida di sol, pabia frenti di templu staba na ki ladu. Yagu na binba bas di kasa, na ladu di sul, i na pasa altar na ladu di sul.

Mikeias 2:8

Omis ku riba di gera e ta sinti suguru, ma, ne dias, ña pobu lanta suma inimigu pa furta kapa di kilis ku na pasa.

Mikeias 6:3

“O ña pobu! Ke ku N fasiu? Na kal manera ku N fadigau? Ruspundin.

Zakarias 13:1

“Na ki dia, un fonti na yabridu pa familia di Davi ku moraduris di Jerusalen, pa limpa elis di pekadu ku impuresa.”

Bon Noba di Jesus Kristu ku Jon 4:10

Jesus falal: “Si bu sibiba ke ku Deus tene pa da, o bu sibi tambi kin ku na pidiu yagu, bu ta pidilba, el i ta dau yagu ku ta da vida.”

Bon Noba di Jesus Kristu ku Jon 4:11

Minjer ruspundil: “Siñor, bu ka tene kusa pa kata yagu ku el, e fonti i fundu; nunde ku bu na tira yagu ku ta da vida?

Bon Noba di Jesus Kristu ku Jon 4:14

ma kin ku bibi yagu ku ami N na dal i ka ta torna tene sedi mas, pabia yagu ku N na dal i ta fasi nel fonti di yagu bibu ku ta darma pa vida ku ka ta kaba.”

Bon Noba di Jesus Kristu ku Jon 7:37

Na ultimu dia, ku sedu mas garandi di festival, Jesus firma, i papia risu, i fala: “Kin ku tene sedi, pa i bin bibi na mi.

Ripitison di Lei 31:16

SIÑOR fala Moisés: “Bu na bai diskansa ku bu papes; e pobu e na sedu infiel pa mi; e na lanta e bai tras di deusis di ki rasas di tera ke na bai na se metadi; e na disan, e kebra ña kontratu ku N fasi ku elis.

2 Pedru 2:17

E jinti i suma fonti sin yagu, nuven ku turbada ta leba; sukuru meduñu na pera elis.

Apokalipsi 21:6

I torna falan: “I sedu ja. Ami i Alfa ku Omega, kumsada ku kabantada. Kin ku tene sedi, N ta patil yagu di ki fonti di yagu ku ta da vida.

Apokalipsi 22:1

Anju mostran riu di yagu ku ta da vida, klaru suma vidru finu, ku ta saiba na tronu di Deus ku di Karnel,

Apokalipsi 22:17

Spiritu ku noiva e fala: “Bin.” Kin ku obi pa i fala: “Bin.” Kin ku tene sedi pa i bin. Kin ku misti, i ta toma, sin paga nada, yagu ku ta da vida.

Ŝefis 10:13

Ma bo disan, bo bai adora utru deusis. Ami tambi N ka na libra bos mas.

1 Samuel 12:10

E yalsa fála e coma SIÑOR, e falal: ‘No peka, pabia no disa SIÑOR, no bai na sirbi baalins ku astarotis, ma si bu libranu na mon di no inimigus, no na adorau.’