Jeremias 2:11 - BIBLIA - traduson antigu in Krioulo

¹¹ Nta i ten nason ku torkia si deusis, mesmu ke ka sedu deusis? Ma ña pobu torkia se Deus gloriosu ku idulus ku ka bali nada.

Jeremias 2:11 ပူးပေါင်းရင်းမြစ်များ

1 Reis 11:33

N na fasi asin pabia Salomon disan, i mpina dianti di Astarot, deus femia di jinti di Sidon, ku Kemós, deus di jinti di Moab, ku Milkon, deus di fijus di Amon. I ka yanda na ña kamiñus, i ka fasi kusa retu ña dianti, i ka obdisi ña leis ku ordis suma ku si pape Davi fasi.

2 Reis 1:3

Anju di SIÑOR fala Elias di Tisbe pa i lanta i bai kontra ku jinti ku rei di Samaria manda, i punta elis: “Pabia di ke ku bo na bai konsulta Baal-Zebub, deus di Ekron? O i pabia Deus ka ten na Israel?

2 Kronikas 13:9

Nta bo ka serka saserdotis di SIÑOR, fijus di Aron, ku levitas tambi, bo ranja bo propi saserdotis suma ku jinti di utru teras ta fasi? Kualker algin ku bin pa dedika si kabesa, si i tisi un turusiñu ku seti karnel macu, logu i ta setadu pa sedu saserdoti di kilis ku ka sedu deusis!

Salmus 106:20

Asin e torkia gloria di se Deus ku imaẑen di turu ku ta kume paja.

Salmus 115:4

ma se idulus sedu prata ku uru, tarbaju di mon di omi.

Salmus 3:3

Ma abo, SIÑOR, bu sedu ña tajadera, abo i ña gloria, kil ku ta yalsa ña kabesa.

Isaias 37:19

E bota se deusis na fugu pabia e ka seduba deusis, ma son kusas di madera ku pedra ku omis kumpu ku se mon; e ku manda e kaba ku elis.

Jeremias 16:20

Nta un omi pudi kumpu deusis pa si kabesa? Sin, ma e ka na sedu deusis!”

Jeremias 18:13

Pabia di kila SIÑOR fala asin: “Bo punta na metadi di utru rasas: ‘Kin ku ciga di obi un kusa suma es?’ I un kusa meduñu ku Israel fasi.

Jeremias 2:5

Asin ku SIÑOR punta: “Kal mal ku bo papes oja na mi ku manda e disvia di mi? E bai tras di idulus ku ka ten balur; elis propi e bin ka ten balur.

Jeremias 2:8

Saserdotis ka punta: ‘Nunde ku SIÑOR sta?’ Kilis ku ta trata di lei e ka kunsin. Ŝefis e disobdisin; anunsiaduris e anunsia na nomi di Baal, e yanda tras di idulus ku ka bali.

Jeremias 5:7

“Kuma ku N pudi purdau? Bu fijus e disan, e ta jurmenta na nomi di kilis ku ka sedu deusis. N da elis tudu ke pirsisa, ma e bai fasi pekadu seksual; e bai junta na grupu na kasa di minjeris di mau vida.

Ezekiel 14:5

N na fasi asin pa paña korson di pobu di Israel, mesmu ku tudu elis e disvia di mi, pa bai tras di se idulus.’

Ezekiel 5:7

“Pabia des, SIÑOR Deus fala: Bo mas seduba disobdienti di ki nasons ku sta na bo roda. Bo ka yanda konformi ña mandamentus, nin bo ka obi ña leis, ku fadi pa bo yanda konformi leis di utru nasons ku sta na bo roda.

Mikeias 4:5

Tudu nasons na yanda, kada un na nomi di si deus, ma anos, no na yanda na nomi di SIÑOR no Deus, pa tudu sempri.

Romanus 1:23

Te pa e adora Deus ku ka ta muri, e torkial pa imaẑens ku parsi ku omi ku ta muri, ku kacus ku limarias ku bicus ku ta rasta.

1 Koríntius 8:4

Kusa di kume karni di ronia, no sibi kuma idulu i ka nada na mundu di bardadi, suma ku bo fala. I ka ten utru deus fora di un son.

Gálatas 4:8

Purmeru, oca bo ka kunsiba Deus, bo seduba katibu di spiritus ku ka sedu deusis.

Ripitison di Lei 32:16

Pobu di Israel lantanda siumi di SIÑOR pabia di deusis strañu; e pul raiba ku se idulus nujenti.

Ripitison di Lei 32:21

E lantanda ña siumi ku kil ku ka sedu Deus; ku se idulus e pun pa N paña raiba. Asin N na pui elis na kumbosadia ku kilis ku ka sedu pobu; N na pui elis raiba ku un nason ku ka ten ntindimentu.

Ripitison di Lei 33:29

O Israel, abo i sortiadu! Kin ku sedu suma bo, un pobu ku SIÑOR salba? El i bu tajadera ku ta sakurau, tambi i bu spada gloriosu. Pa kila bu inimigus na fika bas di bo; bu na masa elis.”

1 Pedru 1:18

Bo sibi kuma i ka kusa ku ta dana, suma prata o uru, ku pagadu pa liberta bos di bo manera di yanda ku ka bali, ku bo yarda di bo papes di antigu,

1 Samuel 4:21

I coma mininu Ikabó, i fala: “Gloria di Israel pirdi.” I fala asin pabia arka di Deus lebadu prezu, tambi pabia di si sogru ku si omi.