Jeremias 18:16 - BIBLIA - traduson antigu in Krioulo

¹⁶ Se con na fasidu un spantu ku jinti na fasi trosa del sempri. Tudu algin ku pasa la i na fika spantadu tok i balansa kabesa.

Jeremias 18:16 ပူးပေါင်းရင်းမြစ်များ

1 Reis 9:8

E kasa i garandi aos, ma na ki tempu kualker algin ku pasal i na fika dimiradu, i na subia, i na punta: ‘Ke ku manda SIÑOR fasi asin ku e tera ku e kasa?’

2 Kronikas 29:8

Pabia di kila, SIÑOR, na si raiba garandi, i fasi Judá ku Jerusalen un kusa ku pui jinti dimira, e panta, e fasi trosa, suma ku bo na oja ku bo uju.

Salmus 109:25

Elis e ta njutin; si e ojan, e ta balansa kabesa.

Salmus 22:7

Tudu jinti ku ojan e ta fasin trosa, e tira se lingua, e balansa kabesa, e fala:

Salmus 44:14

Bu punu suma ditu na metadi di nasons; e na balansa kabesa pa nos.

Isaias 37:22

Es i palabra ku SIÑOR fala aserka del: Bajuda, fiju di Sion, i na njutiu, i fasiu trosa. Minjeris di Jerusalen na bajanta se kabesa ora ku bu na kuri.

Isaias 6:11

N puntal: “Te kal tempu, SIÑOR?” I ruspundin: “Tok prasas danadu, e fika sin ningin. Kasas na fika sin algin mora la; tera na danadu tudu.

Jeremias 19:8

N na pui e prasa pa i sedu un spantu di trosa. Tudu kilis ku pasa nel e na panta, e subia, pabia di tudu si cagas.

Jeremias 25:9

N na manda buska tudu nasons di norti, tudu ku ña servu Nabukodonosor, rei di Babilonia, N na tisi elis kontra e tera ku si moraduris, ku tudu nasons ku sta na roda. N na dana elis tudu, N pui elis pa e sedu un spantu ku danu ku trosa pa sempri.” Asin ku SIÑOR fala.

Jeremias 29:18

N na serka elis ku spada, fomi ku duensa. Tudu renus di mundu na fika spantadu. Na kualker kau nunde ku N pajiga elis, jinti na oja elis ku spantu; e na fasi elis trosa, e na njuti elis, e na maldisua elis.

Jeremias 42:18

Asin ku SIÑOR ku ten tudu puder, Deus di Israel, fala: ‘Suma ku forsa di ña raiba i darmadu riba di moraduris di Jerusalen, asin ku ña raiba na darmadu riba di bos ora ku bo yentra na Ejitu. Jinti na panta pabia di bos, e na njuti bos, e fasi bos trosa, e maldisua bos. Bo ka na oja mas e kau.’

Jeremias 44:12

N na trata ku restu di Judá ku disidi bin pa tera di Ejitu pa sinta li; e na kabadu ku el tudu na Ejitu. E na muri ku spada ku fomi, desdi pikininu te na garandi. E na sedu un kusa di spantu, di njuti, di trosa ku maldison.

Jeremias 48:27

Nta abo tambi, Moab, bu ka ri di Israel? Nta el i ojadu na metadi di ladrons, ku manda, ora ku bu papia del, bu ta ri?

Jeremias 49:13

Ami, SIÑOR, N jurmenta pa ña nomi kuma Bozra na sedu suma lala; jinti na panti pa jubil, e na njutil, e fala mal del. Tudu si prasas na bida suma lala pa sempri.”

Jeremias 49:17

“Asin Edon na sedu un kusa di spantu. Tudu algin ku pasa la i na panta, i subia, pabia di tudu si cagas.

Jeremias 50:13

Pabia di raiba di SIÑOR i ka na moradu nel, ma i na bida lala kompletu. Kualker ku pasa na Babilonia i na panta, i subia pabia di tudu si cagas.

Jeremias 51:37

Babilonia na bida montu di liŝu, morada di kacur brabu, sin ningin ku na mora nel. Kin ku ojal i na panta tok i subia.

Jeremias 51:43

Si prasas danadu; tera bida seku suma lala; ningin ka na sinta nel, ku fadi pa algin pasa la.

Jeremias 9:11

“N na fasi Jerusalen montis di pedra, morada di kacur brabu. N na torna prasas di Judá suma lala pa ningin ka pudi mora la.”

Miskiñu di Jeremias 1:12

“Nta i ka nada pa bos ku pasa na kamiñu? Bo para sintidu, bo jubi, si i ten dur suma di mi, ku bin riba di mi suma oca SIÑOR kastigan na dia di si raiba forti.

Ezekiel 12:19

Konta pobu di tera: ‘Asin ku SIÑOR Deus fala aserka di kilis ku mora na Jerusalen na tera di Israel: E na kume se kumida ku medu, e na bibi se yagu ku spantu, pabia tudu rikesas di se tera na robadu, pabia di violensia di tudu jinti ku mora la.

Ezekiel 27:36

Nogosiantis di utru teras na subia riba di bo. Bu ciga na un fin meduñu; nunka mas bu ka na sedu.” ’ ”

Ezekiel 36:3

Pabia di kila, anunsia, bu fala elis: ‘Asin ku SIÑOR Deus fala: Jinti na bo roda dana bos, e buska nguli bos, pa bo bin sedu yardansa di utru nasons. Jinti na papia ciu kontra bos.

Ezekiel 6:14

N na distindi ña mon kontra elis, N na dana se tera ku tudu kau ke mora, desdi lala di sul te na Dibla. E na sibi kuma ami i SIÑOR.”

Sirmonias 26:32

N na dana tera, tok bo inimigus ku bin sinta la e na fika ku garandi spantu.

Sirmonias 26:43

Tera na fika libri delis, i na goza si anus di diskansu nkuantu i bandonadu. E na paga kompletu kastigu di se pekadus pabia e nega ña leis, e njuti ña regras.

Mikeias 6:16

Es tudu i pabia bu guarda usus di rei Onri, bu fasi tudu kusa ku familia di rei Akab fasi, bu yanda na se kustumus. Asin N na tisi danu riba di bo; N na ntrega bu pobu pa trosa. N na pui nasons pa e njuti bos.”

Mateus 27:39

Kilis ku na pasaba e fika e na kobal mal, e na balansa kabesa,

Markus 15:29

Kilis ku na pasa e na kobalba, e na balansa kabesa, e fala: “Yode! Abo ku fala bu na bati kasa di Deus, na tris dia bu ta kumpul mas,

Ripitison di Lei 28:59

SIÑOR na manda garandi kastigus meduñu, ku ka na lestu pa kaba, riba di bo ku bu jorson; i na manda tambi duensas mau ku na tarda na bo.

Ripitison di Lei 29:23

Tudu con na kemadu, i kubridu ku sal ku nŝofri; nada ka na sumiadu, nada ka na padi; nin paja ka na kirsi. I na sedu suma con di Sodoma, Gomora, Admá ku Zeboin, ku SIÑOR kaba ku el na si garandi raiba.