Jeremias 17:9 - BIBLIA - traduson antigu in Krioulo

⁹ Korson ta ngana mas di ki tudu kusa, i kuruptu tok i ka ten kura; kin ku pudi kunsil?

Jeremias 17:9 ပူးပေါင်းရင်းမြစ်များ

Kumsada 6:5

SIÑOR oja maldadi di omis na buriba na tera. Tudu se manera di pensa na se korson i seduba son mau.

Kumsada 8:21

SIÑOR sinti ki ceru sabi, i fala na si korson: “Nunka mas N ka na maldisua tera pabia di omi, nin ku si korson ta jingi sempri pa mal, disna di si mininesa. N ka na torna mata tudu kriatura bibu, suma ku N fasi.

2 Samuel 11:15

Na karta i skirbi asin: “Pui Urias la dianti na kau ku gera mas forti nel; bo ta rakua, bo disal pa i matadu.”

Salmus 51:5

N seduba ja mau oca ku N formadu na bariga; Ña mame padin ku pekadu.

Salmus 64:7

Ma Deus na manda si fleŝa kontra elis; di repenti e na pañadu.

Ditus 28:26

Kil ku fiansa na si kabesa i tulu, ma kil ku ta yanda na jiresa i ta sta suguru.

Eklesiastis 9:3

Es i mal ku sta na tudu ku ta fasidu ne mundu, kuma mesmu kusa ta kontisi ku tudu jinti. Korson di omis inci maldadi ku tulesa na tudu se vida. Dipus e ta bai juntu ku kilis ku muri ja.

Isaias 1:5

Ke ku manda bo kontinua disobdienti, pa bo sta sempri kastigadu? Abo Judá, bu kabesa tene cagas, bu korson sta duenti.

Isaias 1:6

Desdi pe te na kabesa i ka ten kau ku san, son molostus ku kau ku inca, ku cagas podri ku ka limpadu, nin i ka maradu, nin pa i untadu azeiti pa kalma dur.

Isaias 6:10

Bidanta se korson pa i risu, bu pui se oreja pa i surdu, bu fica elis uju, pa ka e bin oja ku uju, nin pa e obi ku se oreja, nin pa e ntindi na se korson, e riba pa mi, pa N kura elis.”

Jeremias 16:12

Abos tambi, bo fasi pior di ki bo papes, pabia kada un di bos na yanda konformi duresa di si korson mau; bo ka para sintidu pa obin.

Jeremias 7:24

Ma e ka obi ña palabra, nin e ka para sintidu; e yanda konformi vontadi di se korson duru i malvadu. E yanda pa tras; e ka bai pa dianti.

Mateus 13:15

pabia korson de pobu bida risu; se oreja kuas i surdu; e fica uju. Si i ka asin, e ta oja ku se uju, e ta obi ku se oreja, e ta ntindi na se korson, e ta rabida pa mi, N ta kura elis.’

Mateus 15:19

I di korson ku pensamentus mau ta sai nel, ku mata, kai cai, fasi pekadu seksual, furta, konta mintida pa algin, papia mal kontra jinti.

Markus 2:17

Jesus obi ki kusa, i fala elis: “Kilis ku san e ka pirsisa di mediku, son kilis ku duensi. Ami N ka bin coma jinti justu, ma N bin pa coma kilis ku ta fasi pekadu.”

Romanus 1:21

E kunsi Deus ma e ka rispital suma Deus, nin e ka gardisil. Se ntindimentu saklata; se korson tulu bida sukuru.

Romanus 7:11

Pekadu purbita di mandamentu; i nganan; i toma mandamentu, i matan ku el.

Efésius 4:22

kuma bo dibi di disa ki manera antigu di vivi, bo pui di ladu ki naturesa antigu ku na bai bas pa mortu pabia di si mau diseẑu nganadur.

Ebreus 3:12

Ermons, bo toma sintidu pa ka nin un di bos tene mau korson, ku ka ta fia, pa i bin fasil lunjusi di Deus bibu.