Jeremias 17:7 - BIBLIA - traduson antigu in Krioulo

⁷ “Ma sortiadu i omi ku fiansa na SIÑOR, ku si speransa sta na SIÑOR.

Jeremias 17:7 ပူးပေါင်းရင်းမြစ်များ

Salmus 125:1

Kilis ku fiansa na SIÑOR i suma monti di Sion, ku ka ta bulbuli, ma i ta sta firmi pa sempri.

Salmus 146:5

Sortiadu i kil ku tene Deus di Jakó suma si Judadur, ku si speransa sta na SIÑOR si Deus,

Salmus 2:12

Bo beẑa Fiju, pa ka i paña raiba; pa bo ka bin kabadu ku el na kamiñu, pabia si raiba ta rebenta kinti-kinti. Sortiadu tudu kilis ku fiansa nel.

Salmus 20:8

Elis e ta dobra, e kai, ma anos no ta lanta, no fika firmi.

Salmus 34:8

Bo spurmenta pa bo jubi kuma ku SIÑOR i bon; omi ku fiansa nel i ta sedu sortiadu.

Salmus 40:4

Sortiadu i omi ku ta pui si konfiansa na SIÑOR, ku ka ta rispita jinti orgulyosu nin kilis ku ta disvia pa mintida.

Salmus 71:5

SIÑOR Deus, abo i ña speransa; bu sedu ña fiansa disna di ocan rapas.

Salmus 84:12

SIÑOR ku ten tudu puder, sortiadu i ki omi ku fiansa na bo.

Ditus 16:20

Algin ku ta pui sintidu na kusas ki nsinadu, si vida na kuri ben; kil ku fiansa na SIÑOR i ta sortiadu.

Isaias 30:18

Ma SIÑOR misti mostra si miserikordia pa bos, i na lanta pa mostra bos amor, pabia SIÑOR i no Deus justu; tudu kilis ku na spera nel e sortiadu.

Isaias 61:3

I mandan pa N da ordi aserka di jinti tristi na Sion, pa e dadu koroa bonitu na lugar di sinsa, azeiti di kontentamentu na lugar di tristesa, kantiga di ngaba Deus na lugar di spiritu pisadu, pa e pudi comadu arvuris di retidon, ku SIÑOR paranta pa si gloria.

Jeremias 39:18

Na bardadi N na salbau; bu ka na matadu ku spada, ma bu na kapli ku bu vida, suma bu fia na mi. Asin ku ami, SIÑOR, N fala.’ ”

Daniel 3:28

Nabukodonosor fala: “I bon pa no ngaba Deus di Sadrak, Mesak ku Abednegu, ku manda si anju, i libra si servus ku fiansaba nel. E nega obdisi ordi di rei; e mas misti ntrega se kurpu te pa e sirbi o e adora utru deus ku ka sedu se Deus.

Sofonias 3:12

N na disa na bo kilis ki umildi i koitadi, ku fiansa na nomi di SIÑOR.

Efésius 1:12

pa si gloria pudi ngabadu pabia di nos ku sedu purmeru ku pui no speransa na Kristu.