Jeremias 17:6 - BIBLIA - traduson antigu in Krioulo

⁶ I na sedu suma planta na lala; i ka ta oja ora ku kusa bon na bin; i ta mora na kau seku na lala, na tera salgadu nunde ku ningin ka pudi mora.

Jeremias 17:6 ပူးပေါင်းရင်းမြစ်များ

2 Reis 7:2

Un kapiton, ku rei ngostaba na si mon, i ruspundi omi di Deus, i falal: “Nin ku SIÑOR yabri janela di seu, es pudi sedu me?” Eliseu falal: “Bu na ojal ku uju, ma bu ka na kume nada del.”

Jo 20:17

I ka na oja rius ku riusiñus ku na darma mel ku mantega.

Jo 39:6

N dal lala suma kasa, N disal pa i mora na con salgadu.

Salmus 1:4

I ka asin ku jinti mau ta sedu; ma e parsi suma paja ku bentu ta pajiga.

Salmus 107:34

Tera ku ta pruduzi ciu, i bidantal suma lala salgadu, pabia di maldadi di kilis ku mora la.

Salmus 92:7

kuma, mesmu ku jinti mau nasi suma paja, nin si kusas na kuri diritu pa kilis ku ta fasi mal, e na kabadu ku el pa sempri.

Isaias 1:30

Bo na sedu suma po ku si foja na kai ja, suma jardin ku ka tene yagu.

Jeremias 29:32

asin ku ami, SIÑOR, N fala: N na kastiga Semaias di Neelan ku si jorson; i ka na tene ningin na si jorson ku na sinta na metadi de pobu. I ka na oja kusas bon ku N na fasi pa ña pobu, pabia si palabra pui elis disobdisin.” Asin ku SIÑOR fala.

Jeremias 48:6

Bo kuri! Bo salba bo vida, nin si bo bin sedu suma arvurisiñu dingidu na lala.

Ezekiel 47:11

Ma kaus di lama ku kaus nunde ku yagu ta sinta ka na bida dos; e na disadu ku sal.

Sofonias 2:9

Asin, N jurmenta pa ña vida, ami SIÑOR ku ten tudu puder, Deus di Israel, kuma Moab na sedu suma Sodoma; fijus di Amon na sedu suma Gomora. Con na sedu kau di paja brabu ku kobas di sal, un lala pa sempri. Kilis di ña pobu ku sobra e na furta kusas la, e na toma tera.”

Ripitison di Lei 29:23

Tudu con na kemadu, i kubridu ku sal ku nŝofri; nada ka na sumiadu, nada ka na padi; nin paja ka na kirsi. I na sedu suma con di Sodoma, Gomora, Admá ku Zeboin, ku SIÑOR kaba ku el na si garandi raiba.

Ŝefis 9:45

Abimelek geria kontra prasa ki dia tudu, i tomal, i mata jinti ku staba la, i dana prasa tudu, i waga sal nel.