Jeremias 17:18 - BIBLIA - traduson antigu in Krioulo

¹⁸ Libran di borgoña ma pui kilis ku na pirsigin pa e burguñu. Pui elis pa e panta, ma libran di spantu. Tisi dia di mal riba delis, bu kaba ku elis ku kastigu dobru.

Jeremias 17:18 ပူးပေါင်းရင်းမြစ်များ

Jo 16:14

I ta bin pa mi ku kastigu riba di kastigu; i ta bin ku forsa riba di mi suma omi di gera.

Salmus 35:4

Kilis ku na buska tira ña vida, pa e kunfundidu, e pudu na borgoña! Kilis ku tene planu pa fasin mal, pa e ribantadu tras ku kunfuson!

Salmus 35:8

Pa danu bin riba delis sin e sibi, pa e pañadu na ridia ke sukundi, pa e kai na ki mesmu koba!

Salmus 40:14

Kilis ku buska kaba ku ña vida, pa e kubridu ku borgoña ku kunfuson. Kilis ku misti mal pa mi, pa e ribantadu tras, kunfundidu.

Salmus 70:2

Kilis ku buska kaba ku ña vida, pa e kubridu ku borgoña ku kunfuson. Kilis ku misti mal pa mi, pa e ribantadu tras, na kunfuson.

Salmus 71:1

SIÑOR, N fiansa na bo; ka bu disan pasa borgoña.

Jeremias 1:17

“Jeremias, pruntia! Lanta bu bai konta elis tudu ku N mandau pa bu fala. Ka bu panta se dianti, pabia N na pou pa bu ka ten medu delis.

Jeremias 11:20

O SIÑOR ku ten tudu puder, ku sedu Juis justu, ku ta proba pensamentu ku korson, N misti oja bu vingansa riba delis; N ntrega ña kasu na bu mon.

Jeremias 12:3

ma abo, SIÑOR, bu kunsin, bu ta ojan, bu proba ña pensamentu aserka di bo. Rasta elis suma karnel ku na bai matadu; guarda elis pa dia di matansa!

Jeremias 14:17

“Fala elis e palabra: ‘I bon pa ña uju darma larma noti ku dia, sin para, pabia ña pobu fasidu golpi di suti ku na de elis dimas.

Jeremias 16:18

N na kastiga elis dus bias pa se maldadi ku pekadu, pabia e kontamina ña tera ku se idulus nujenti ku ka tene vida, e inci tera di ña yardansa ku kusas nujenti.”

Jeremias 17:13

O SIÑOR, Speransa di Israel! Tudu kilis ku disau e na ten borgoña. Kilis ku lunjusi di bo, se nomis na skirbidu na reia, pabia e bandona SIÑOR ku sedu fonti di yagu ku ta da vida.

Jeremias 17:16

N ka teneba vontadi di sedu bakiadur di bu pobu. Bu sibi kuma N ka mistiba dia di kastigu. Kil ku sai na ña boka i sta na bu kuñisimentu.

Jeremias 17:19

SIÑOR falan: “Bai bu firma na porton di pobu ku reis di Judá ta yentra e sai nel, suma tambi tudu utru portons di Jerusalen.

Jeremias 20:11

Ma SIÑOR sta ku mi suma forti gereru; asin ña pirsigiduris tudu na kai, e ka na ngaña. E na fika ku borgoña; kusas ka na kuri elis diritu; e na sta sempri na kunfuson; ku ka na diskisidu.

Ripitison di Lei 33:11

O SIÑOR, buri elis forsa, pa e kontentau ku tarbaju ke ta fasi. Kaba ku kilis ku lanta kontra elis, ku ten odiu delis, pa ka e lanta nunka mas.”

Apokalipsi 18:6

Bo torna dal tambi suma ki da bos. Bo pagal dus bias ki kusas ki fasi. Bo inci si kopu ku bibida dus bias mas forti di ki kil ki da bos pa bo bibi.