Jeremias 15:7 - BIBLIA - traduson antigu in Krioulo

⁷ N na feki bos ku kabas na portons di kontrolu; N mata bo fijus, N kaba ku bos, ña pobu, pabia bo ka disa bo manera di yanda.

Jeremias 15:7 ပူးပေါင်းရင်းမြစ်များ

Salmus 1:4

I ka asin ku jinti mau ta sedu; ma e parsi suma paja ku bentu ta pajiga.

Isaias 41:16

Bu na buanta elis suma arus na bentu; bentu forti na pajiga elis, ma abo, bu na kontenti na SIÑOR, bu na sinti orgulyu na Deus Santu di Israel.

Isaias 9:12

Sirus na bin di dianti; filisteus na bin di tras; e na nguli Israel ku boka ben abertu. Mesmu asin raiba di SIÑOR ka kalma, ma si mon sta inda yalsadu.

Isaias 9:13

Pobu di Israel ka riba pa kil ku na kastiga elis, ku sedu SIÑOR ku ten tudu puder, nin e ka buskal.

Jeremias 18:21

Asin, ntrega se fijus pa fomi, bu ntrega elis pa spada; se minjeris pa e robadu se fijus, pa e fika viuvas; se maridus pa e matadu, se jovens pa e matadu ku spada na gera.

Jeremias 5:3

O SIÑOR, i ka bardadi ku bu uju na buska? Bu suta elis ma e ka sinti dur. Bu masa elis ma e ka misti kuriẑidu. E pui se korson duru mas di ki pedra, e nega ripindi.

Jeremias 51:2

N na manda stranjerus pa Babilonia pa e fekil, pa dana si tera. E na bin kontra el na tudu ladu na dia di si kastigu.

Jeremias 9:21

Mortu subi pa no janelas, i yentra na no palasius, i mata mininus na rua, ku jovens na kaus di nkontru.

Ezekiel 24:21

pa N konta pobu di Israel kuma asin ku SIÑOR Deus fala: ‘Ali N na kontamina ña kau sagradu, ku bo sinti orgulyu di si forsa, ku bo gosta di jubi, ku bo sinti amor pa el. Bo fijus macu ku femia ku bo disa na Jerusalen, e na matadu ku spada.

Ezekiel 24:25

Deus falan: “Fiju di omi, N na tira se kau forti ke ta sinti orgulyu del, ke gosta di jubi, ke sinti amor pa el; N na tira tambi se fijus macu ku femia.

Ezekiel 36:12

N na pui jinti, ku sedu ña pobu Israel, pa e yanda riba di bos; e na tene bos, bo na sedu se yardansa. Nunka mas bo ka na roba elis se fijus.

Zakarias 1:4

Ka bo sedu suma bo papes, ku ki purmeru anunsiaduris coma, e fala elis kuma, SIÑOR ku ten tudu puder fala pa e konverti di se mau kamiñus, ku kusas mau ke fasi, ma e ka seta obi, nin e ka para sintidu.

Mateus 3:12

I ten kabas na si mon pa buanta paja na arus na kau di masa. Dipus i ta bin rukuji si arus na bemba; i na bin kema paja ku fugu ku nunka ka ta paga.”

Ripitison di Lei 28:18

Bu na maldisuadu na padi, tambi na kriason di bu bakas ku karnel; bu lugar ka na pruduzi ciu.

Ripitison di Lei 28:32

Bu dianti bu fijus macu ku femia na dadu suma katibus pa utru nason. Bu uju na pirdi forsa kada dia, manera di jubi kamiñu si e na bin, ma bu ka na pudi fasi nada.

Ripitison di Lei 28:41

Bu na padi fijus macu ku femia ma bu ka na tene elis, pabia e na lebadu pa katiberasku.