Jeremias 15:4 - BIBLIA - traduson antigu in Krioulo

⁴ N na ntrega elis pa e sedu un spetakulu meduñu pa tudu renus di mundu, pabia di tudu ku Manasés, fiju di Ezekias, rei di Judá, fasi na Jerusalen.

Jeremias 15:4 ပူးပေါင်းရင်းမြစ်များ

2 Reis 21:1

Manasés kumsa rena ku dozi anu di idadi, i rena sinkuenta i sinku anu na Jerusalen. Nomi di si mame seduba Efzibá.

2 Reis 21:15

Es na kontisi pabia e fasi mal ña dianti, e lantanda ña raiba, disna di dia ku se papes sai na Ejitu te aos.”

2 Reis 21:2

Manasés fasi mal dianti di SIÑOR, i yanda konformi kustumus nujenti di ki rasas ku SIÑOR tira na se tera pa fijus di Israel pudi yentra nel e mora la.

2 Kronikas 33:1

Manasés teneba idadi di dozi anu oca ki yentra na renansa, i rena sinkuenta i sinku anu na Jerusalen.

2 Kronikas 33:2

I fasi mal dianti di SIÑOR, i yanda konformi kustumus nujenti di rasas ku SIÑOR tira na se tera pa fijus di Israel pudi yentra nel.

Jeremias 24:9

N na tisi mal riba delis, tok jinti di tudu renus di mundu ta sinti medu; e njuti elis, e papia ditu aserka delis, e fasi elis trosa, e maldisua elis na tudu kau ku N bota elis.

Jeremias 29:18

N na serka elis ku spada, fomi ku duensa. Tudu renus di mundu na fika spantadu. Na kualker kau nunde ku N pajiga elis, jinti na oja elis ku spantu; e na fasi elis trosa, e na njuti elis, e na maldisua elis.

Jeremias 34:17

“Asin ami, SIÑOR, N fala: Bo ka obdisin pa da liberdadi, kada kin pa si ermon o si kumpañer. Asin ami, SIÑOR, N na da bos liberdadi — liberdadi pa muri ku spada, duensa o fomi. N na pui pa bo sedu un kusa meduñu dianti di tudu renus di mundu.

Jeremias 9:16

N na pajiga elis na metadi di nasons ku nin elis nin se papes ka kunsiba. N na serka elis ku spada tok N kaba ku elis.”

Miskiñu di Jeremias 1:8

Jerusalen peka ciu; pabia di kila i bida impuru. Tudu kilis ku rispitalba e njutil, pabia e ojal nun; el propi i jimi, i vira kosta ku borgoña.

Ezekiel 18:19

“Ma bo na punta: ‘Ke ku manda fiju ka na leba kulpa di si pape?’ I pabia fiju fasi kil ki justu i bon, i obdisi tudu ña leis, i yanda nelis; e ku manda i na bibu.

Ezekiel 23:46

“Asin ku SIÑOR Deus fala: N na junta manga di jinti pa e bin kontra elis pa pantanda elis, pa furta se kusas.

Sirmonias 26:33

N na pajiga bos na metadi di nasons, N na busi ña spada bo tras. Bo tera na fika bandonadu; bo prasas na danadu tudu.

Ripitison di Lei 28:25

SIÑOR na da bu inimigus vitoria riba di bo; bu na sai na un kamiñu kontra elis, ma bu na kuri se dianti na seti kamiñu. Tudu renus di mundu na panta si e oja ke ku pasa ku bo.

Ripitison di Lei 28:64

SIÑOR na pajiga bos na metadi di tudu nasons di un parti di mundu pa utru. La bu na sirbi utru deusis di po ku di pedra, ku nin abo nin bu papes ka kunsi.