Jeremias 15:21 - BIBLIA - traduson antigu in Krioulo

²¹ N na rabatau na mon di jinti mau, N na librau di puder di omis violentu.”

Jeremias 15:21 ပူးပေါင်းရင်းမြစ်များ

Kumsada 48:16

ki anju ku kaplintin di tudu mal, pa i bensua e rapasis, pa e comadu na ña nomi, ku nomi di ña papes Abraon ku Isak; pa e buri suma multidon na tera.”

Salmus 27:2

Ora ku malvadus ku sta kontra mi, ku sedu ña inimigus, bin pa atakan, pa ngulin, e ta da tapada, e kai.

Salmus 37:40

SIÑOR ta juda elis, i libra elis; i na kaplinti elis di jinti mau, i salba elis, pabia e fiansa nel.

Salmus 97:10

Abos ku ama SIÑOR, bo nuju mal. El i ta guarda vida di si pobu, i ta libra elis di mon di jinti mau.

Isaias 29:20

Kil ku ta kalka jinti i na kabadu ku el, suma tambi diskarnosis. Tudu kilis ku ntrega se kurpu pa fasi mal e na rinkadu,

Isaias 29:5

Ki bu manga di inimigu na bida suma reia finu; multidon di jinti meduñu e na bua suma kaska di arus. Di repenti, sin ningin ka spera,

Isaias 49:26

N na pui bu maltrataduris pa e kume se propi karni, pa e bibi se sangi tok e cami, suma ke bibi biñu nobu. Tudu jinti na sibi kuma ami i SIÑOR, bu Salbadur, bu Libertadur, ku sedu tambi Forsa di Jakó.”

Isaias 54:17

Tudu material di gera ku purparadu kontra bo ka na fasiu nada. Tudu algin ku keŝa di bo na otridadi, bu na ngañal. Es i yardansa di servus di SIÑOR; i ami ku na justifika elis.” Asin ku SIÑOR fala.

Isaias 60:16

Nasons ku reis na alimentau suma mame ta mamanta si fiju. Bu na sibi kuma ami N sedu SIÑOR, bu Salbadur, bu Libertadur, Deus forti di Jakó.

Jeremias 16:1

SIÑOR bin papia ku mi, i falan:

Jeremias 20:13

Bo kanta pa SIÑOR! Bo ngabal! I ta libra koitadis na mon di malvadus.

Jeremias 26:24

Aikan, fiju di Safan, i apoia Jeremias pa i ka ntregadu na mon di pobu pa i matadu.

Jeremias 31:11

SIÑOR kaplinti Jakó; i libral na mon di kil ku sedu mas forti di ki el.

Jeremias 38:28

Jeremias fika na kintal di guarda te na dia ku Jerusalen tomadu.

Jeremias 39:11

Nabukodonosor, rei di Babilonia, daba ordi aserka di Jeremias pa Nebuzaradan, kapiton di guarda, i falal:

Jeremias 39:12

“Tomal, bu guardal diritu; ka bu fasil mal. Kil ki falau, el ku bu na fasil.”

Jeremias 50:34

Ma se Libertadur i forti; SIÑOR ku ten tudu puder i si nomi. Na bardadi i na difindi pa elis, pa tisi diskansu pa mundu, ma kunfuson pa jinti ku mora na Babilonia.”

Daniel 3:17

No Deus ku no ta sirbi, i el ku pudi libranu. I na bin libranu di furnu ku na yardi, ku di bu mon tambi,

Daniel 3:25

I ruspundi, i fala elis: “Ma ami N na oja kuatru omi, dismancadu, ku na yanda e na pasia dentru di fugu; nada di mal ka fasi elis. Kil ku fasi elis kuatru i parsi fiju di un deus.”

Mateus 6:13

Ka bu lebanu pa tentason, ma libranu di ki algin malvadu. [Pabia renu i di bo, ku puder ku gloria pa sempri. Amen.]’

Romanus 16:20

Deus, no fonti di pas, i ka na tarda pa kebra Satanas bas di bo pe. Fabur di no Siñor Jesus ta sta ku bos.

2 Koríntius 1:10

El i libranu di ki garandi pirigu di mortu; i na torna libranu mas. No pui no speransa nel kuma i na libranu sempri,