Jeremias 15:17 - BIBLIA - traduson antigu in Krioulo

¹⁷ Nunka N ka sinta juntu ku kilis ku sta na brinkadera, nin N ka ri ku elis. N sinta ami son pabia bu mon staba riba di mi; bu incinba raiba.

Jeremias 15:17 ပူးပေါင်းရင်းမြစ်များ

Salmus 1:1

Sortiadu ki omi ku ka ta yanda konformi konsiju di jinti mau, nin i ka ta firma na kamiñu di jinti ku ta fasi pekadu, nin i ka ta sinta pertu di jinti ku ta fasi trosa,

Salmus 102:7

N ta dita, N ka ta durmi; N sedu suma kacu dingidu riba di kankra.

Jeremias 1:10

Aos N dau otridadi riba di renus ku nasons, pa rinka, pa bati, pa dana, pa pajiga, tambi pa kumpu, pa paranta.”

Jeremias 13:17

Si bo ka para sintidu, N na cora na sigridu, pabia di bo orgulyu; ña uju na cora risu; larma na darma, pabia karnelis di SIÑOR na lebadu katibu.

Jeremias 16:8

“Ka bu yentra na kasa di festa pa sinta ku elis pa kume, pa bibi,

Jeremias 6:11

N inci ku raiba di SIÑOR; N kansa ja di guardal dentru di mi.” SIÑOR falan: “Darmal riba di mininus na rua, tambi na runions di jovens. Te maridu ku minjer e na pañadu nel, tudu ku bejus ku kilis ku pertu muri.

Miskiñu di Jeremias 3:28

I bon pa i sinta dingidu, i fika ketu, pabia i SIÑOR ku pui ki disiplina riba del.

Daniel 7:28

Asin ku ña vison kaba. Ami, Daniel, ña pensamentus pantandanba ciu, tok ña rostu muda, ma N guarda e kusas tudu dentru di ña korson.

Zakarias 1:12

Anju di SIÑOR fala: “O SIÑOR ku ten tudu puder, kal tempu ku bu na torna sinti pena di Jerusalen ku prasas di Judá, manera ki fasi ja setenta anu ku bu raiba kontra elis?”

2 Koríntius 6:17

E ku manda Siñor fala: “Bo sai na se metadi; bo separa delis. Ka bo toka nada impuru; ami N ta risibi bos,