Jeremias 15:15 - BIBLIA - traduson antigu in Krioulo

¹⁵ SIÑOR, abo ku sibi; lembra di mi, bu toma konta di mi, bu torna vingansa pa jinti ku na pirsigin. Ten pasensa, ka bu rabatan. Bu sibi kuma N kobadu mal pabia di bo.

Jeremias 15:15 ပူးပေါင်းရင်းမြစ်များ

Neemias 13:22

Dipus N fala utru levitas pa e fasi sirmonia di purifikason, pa e pudi bin guarda porton, pa dia di diskansu pudi sedu un dia sagradu. Ña Deus, lembra di mi pabia de kusa tambi, bu purdan konformi rikesa di bu bondadi.

Neemias 13:31

N ranja tambi pa jinti tisi leña na tempus markadu; N pui pobu pa e tisi purmeru parti di se kebur. Ña Deus, lembra di mi ku fabur.

Neemias 5:19

Ña Deus, lembra di mi ku fabur pa tudu kusa ku N fasi pa e pobu.

Neemias 6:14

N ora N fala: “Ña Deus, lembra di Tobias ku Sambalat pabia de kusas ke fasi, suma tambi ki minjer anunsiadur Noadias, ku ki utru anunsiaduris ku misti mitin medu.”

Jo 10:7

Bu sibi kuma N ka ten kulpa, ma i ka ten kin ku na libran na bu mon.

Salmus 102:24

Ami N fala: “Ña Deus, ka bu leban na metadi di ña vida. Abo, bu anus ta yangasa tudu manjuandadi.

Salmus 106:4

Lembra di mi, SIÑOR, ora ku bu mostra fabur pa bu pobu; bin judan ora ku bu na salba elis,

Salmus 119:84

Kantu tempu ku bu servu ten ku pera? Kal dia ku bu na kastiga kilis ku na pirsigin?

Salmus 17:3

Bu proba ña korson, bu visitan di noti, bu jubin diritu, bu ka oja nada. Kusa ku N disidi i pa ka ña boka peka.

Salmus 39:13

Tira bu uju na mi, pa N pudi diskansa un bokadu, antis di N bai, N disa di izisti.

Salmus 44:22

Pa amor di bo no sta na pirigu di mortu tudu dia; no na parsintidu suma karnel ku na bai matadu.

Isaias 38:3

i fala: “O SIÑOR, lembra kuma ku N yanda diritu bu dianti ku korson limpu, N fasi kusas bon na bu uju.” Dipus i cora ciu.

Jeremias 12:3

ma abo, SIÑOR, bu kunsin, bu ta ojan, bu proba ña pensamentu aserka di bo. Rasta elis suma karnel ku na bai matadu; guarda elis pa dia di matansa!

Jeremias 15:10

Ai di mi, ña mame! Ke ku manda bu padi un omi ku tudu jinti di tera ta jusia ku el? Nunka N ka pista ningin ku juru, nin N ka dibi ningin, ma kada un delis na maldisuan.

Jeremias 15:20

N na pou kontra e pobu suma mura forti di bronzi. E na geria kontra bo ma e ka na ngañau, pabia N sta ku bo pa guardau, pa librau delis. I ami, SIÑOR, ku fala.

Jeremias 17:16

N ka teneba vontadi di sedu bakiadur di bu pobu. Bu sibi kuma N ka mistiba dia di kastigu. Kil ku sai na ña boka i sta na bu kuñisimentu.

Jeremias 18:23

O SIÑOR, bu kunsi tudu se planus pa matan. Ka bu purda se maldadi, nin ka bu tira se pekadu dianti di bu rostu. Pui elis pa e kai bu dianti; trata ku elis na tempu di bu raiba.

Jeremias 20:11

Ma SIÑOR sta ku mi suma forti gereru; asin ña pirsigiduris tudu na kai, e ka na ngaña. E na fika ku borgoña; kusas ka na kuri elis diritu; e na sta sempri na kunfuson; ku ka na diskisidu.

Jeremias 20:12

O SIÑOR ku ten tudu puder, abo ku ta proba kilis ku sedu bon, bu ta jubi pensamentu di korson; disan pa N jubi bu vingansa kontra elis, pabia N ntregau ña kasu.

Jeremias 20:8

Ora ku N papia, N ta grita ku forsa, N fala: “Violensia! Danu!” Jinti ta koban mal, e fasin trosa tudu dia, pabia N konta bu palabra.

Miskiñu di Jeremias 3:64

SIÑOR, paga elis konformi kusas ke fasi ku se mon.

Miskiñu di Jeremias 3:66

Serka elis ku bu raiba, bu kaba ku elis tudu ne mundu ku bu kumpu.

Mateus 10:22

Tudu jinti na nfastia bos pabia di ña nomi, ma kil ku fika firmi te na fin i na salba.

Mateus 19:29

Tudu kil ku disa kasa, ermons, irmas, pape, mame, fijus, o teras, pabia di ña nomi, i na risibi sen bias mas ciu, tambi ku vida ku ka ta kaba,

Lukas 21:17

Tudu jinti na nfastia bos pabia di ña nomi,

Romanus 12:19

Ña ermons, ka bo vinga, abos propi, ma bo disal pa Deus, pabia i sta skritu kuma Siñor fala: “Vingansa i di mi. I ami ku na torna.”

Romanus 8:35

Kin ku na rapatinu di amor di Kristu? Kansera? o kasabi? o pirsigison? o fomi? o falta di ropa? o pirigu? o spada?

2 Koríntius 5:11

Suma no sibi kuma ku Siñor dibi di rispitadu, no ta misti konvensi jinti. Deus kunsinu diritu; no na pera kuma abos tambi bo kunsinu diritu dentru di bo korson.

2 Timótiu 4:14

Alŝandri, latueru, i fasin muitu mal. Siñor ta pagal suma ki fasi.

Apokalipsi 18:20

Seu, fika kontenti riba del! Abos apostolus ku anunsiaduris ku pobu di Deus, bo kontenti! Deus julgal pabia di kil ki fasi bos.

Apokalipsi 6:10

E grita ku garandi vos, e punta; “Siñor ku ten tudu puder, santu, di bardadi, kantu tempu ku no na pera pa bu julga, bu vinga kilis ku sta na tera ku darma no sangi?”

Ŝefis 16:28

Sanson coma SIÑOR i fala: “SIÑOR Deus, N pidiu pa bu lembra di mi, bu dan forsa son e bias, o Deus, pa N pudi da un pankada, N vinga filisteus pa ña dus uju.”