Jeremias 15:1 - BIBLIA - traduson antigu in Krioulo

¹ SIÑOR falan: “Mesmu ku Moisés ku Samuel firmaba ña dianti, ña korson ka na baiba pa e pobu. Tira elis ña dianti pa e bai.

Jeremias 15:1 ပူးပေါင်းရင်းမြစ်များ

Kumsada 19:27

Abraon lanta mandrugada, i bai pa ki kau nunde ki staba dianti di SIÑOR.

2 Reis 17:20

Asin SIÑOR bin nega tudu fijus di Israel, i kastiga elis, i ntrega elis na mon di jinti ku roba elis tudu kusas ke teneba; dipus i tira elis na si pursensa.

Salmus 106:23

I fala kuma i na kaba ku elis, ma Moisés, kil ki kuji, i bai dianti di Deus pa tajal, pa disvia si raiba, pa ka i bin kaba ku elis.

Salmus 99:6

Moisés ku Aron e seduba si saserdotis; Samuel seduba algin ku ta coma si nomi. E ta comaba SIÑOR, el i ta kudi elis.

Ditus 14:35

Rei ta kontenti ku ŝef jiru, ma i ta paña raiba ku kil ku ka ta tarbaja diritu.

Jeremias 10:18

pabia asin ku SIÑOR fala: “N na bota fora moraduris di tera, N na foronta elis tok e sinti.”

Jeremias 11:14

“Jeremias, ka bu ora pa e pobu, nin ka bu yalsa fála pa fasi pididu pa elis, pabia N ka na obi elis ora ke na coman pabia di se mal.

Jeremias 14:11

SIÑOR falan: “Ka bu roga pa ben de pobu.

Jeremias 14:12

Ora ke junjuŋa, N ka na obi se fála; ora ke tisi oferta kemadu ku oferta di kumida, N ka na kontenti ku elis. N na kaba ku elis ku spada, fomi ku duensa.”

Jeremias 15:19

SIÑOR falan: “Si bu riba, N na setau suma ña servu. Si bu papia bon palabra te pa bu papia mal, bu ta sedu ña anunsiadur. Disa elis e riba pa bo, ma ka bu bai pa se ladu.

Jeremias 16:13

Asin N na tira bos fora de tera pa tera ku nin abos nin bo papes ka kunsi. La bo na sirbi utru deusis di dia ku di noti, pabia N ka na mostra bos fabur.’ ”

Jeremias 16:5

“Ami, SIÑOR, N fala: Ka bu yentra na kasa di cur, nin ka bu miskiña pa elis, ku fadi pa bu ten pena delis, pabia N tira ña pas de pobu, ku ña bondadi ku miserikordia.

Jeremias 18:20

Nta ben ta pagadu ku mal? Elis e yabri un koba pa mi. Lembra kuma ku N firma bu dianti pa pidi pa elis, pa disvianta bu raiba delis.

Jeremias 22:28

Nta e omi, Konias, i sedu un puti kebradu, njutidu, ku minjer ka misti? Ke ku manda el ku si fijus e botadu fora, e rastadu pa un tera ke ka kunsi?

Jeremias 23:39

ami N na karga bos, dipus N na tira bos ña dianti, abos tudu ku prasa ku N da bo papes.

Jeremias 35:19

SIÑOR ku ten tudu puder, Deus di Israel, fala: Nunka i ka na falta omi di jorson di Jonadab, fiju di Rekab, ku na fika sempri ña dianti.’ ”

Jeremias 52:3

SIÑOR paña raiba kontra Jerusalen ku Judá, tok i tira elis si dianti. Zedekias bin lanta kontra rei di Babilonia.

Jeremias 9:19

Baruju di cur i obidu na Sion; jinti na fala: “No kabadu ku el! No sta na garandi borgoña! No ten ku disa no tera pabia no kasas danadu.”

Ezekiel 14:14

Mesmu ku ki tris omi, Noe, Daniel ku Jo, e moraba na se metadi, elis pa se bondadi e na salba son se propi vida. Asin ku SIÑOR Deus fala.

Ezekiel 22:30

“N buska na se metadi un omi ku pudi kumpu mura, pa i pudi firma na buraku ña dianti pa difindi e tera, pa N ka bin kaba ku el, ma N ka oja ningin.

Oseias 9:15

Deus fala: “Se maldadi kumsa na Jilgal; la ku N kumsa ten odiu delis. Pabia di kusas mau ke fasi, N na tira elis fora di ña kasa. N ka na ama elis mas; tudu se ŝefis sedu rebeldi.

Zakarias 3:3

Josué bistiba ropa susu oca ki firmaba dianti di anju.

Ripitison di Lei 9:26

N ora SIÑOR, N falal: “SIÑOR Deus, ka bu kaba ku bu pobu ku sedu bu yardansa, ku bu kaplinti ku bu garandi puder, bu tira di Ejitu ku bu mon forti.

Ebreus 9:24

pabia Kristu ka yentra na ki lugar sagradu ku omi kumpu, ku sedu figura di kil ki di bardadi, ma i yentra na seu propi, pa parsi dianti di Deus pa nos.

Ŝefis 5:9

Ña korson sta ku ŝefis di Israel, ku kilis di pobu ku ntrega se kabesa ku bon vontadi. Bo ngaba SIÑOR!

1 Samuel 12:19

E fala Samuel: “Roga SIÑOR bu Deus pa bu servus, pa ka no muri, pabia riba di tudu no pekadu no buri e mal, di pidi un rei.”

1 Samuel 12:23

Pa ña parti, SIÑOR ta judan pa N ka fasi e pekadu kontra el, di para ora pa bos, ma N na nsina bos kamiñu bon i justu.

1 Samuel 7:9

Asin Samuel toma un karnelsiñu ku na mama inda, i sakrifikal ntidu pa SIÑOR suma oferta kemadu. Samuel coma SIÑOR pa Israel; SIÑOR kudil.