Jeremias 14:19 - BIBLIA - traduson antigu in Krioulo

¹⁹ Nta bu nega janan Judá? Bu njuti Sion? Ke ku manda bu sutanu tok no ka ten kura? No na peraba pas, ma nin nada di bon ka bin; no na peraba tempu di kura, ma no oja son kusas meduñu.

Jeremias 14:19 ပူးပေါင်းရင်းမြစ်များ

2 Kronikas 36:16

ma e ri jinti ku Deus manda, e njuti si palabra, e fasi trosa di si anunsiaduris, tok raiba di SIÑOR torna forti dimas kontra si pobu; remediu ka tenba ja pa elis.

Jo 30:26

Ma oca N na peraba ben, mal bin pa mi; N na peraba lus, ma i sukuru ku bin.

Salmus 78:59

Deus obi elis, i paña raiba; i nega Israel un bias.

Salmus 89:38

Ma bu nega ki rei ku bu unji, bu bandonal, bu paña raiba del.

Ditus 29:1

Omi ku raprindidu manga di bias, i ndurusi si korson, di repenti i na kebrantadu, i ka na ten kura.

Jeremias 12:7

“N bandona ña pobu, N nega ña yardansa. Kil ku N mas ama, N ntregal na mon di si inimigus.

Jeremias 12:8

Ña yardansa bida pa mi suma lion na matu. I lantanda baruju kontra mi; e ku manda N aburisil.

Jeremias 15:1

SIÑOR falan: “Mesmu ku Moisés ku Samuel firmaba ña dianti, ña korson ka na baiba pa e pobu. Tira elis ña dianti pa e bai.

Jeremias 15:18

Ke ku manda ña dur ka ta kaba, ña caga na den, i ka seta san? Nta bu na sedu pa mi suma riusiñu ku ta ngana, pabia si yagu ta seku?

Jeremias 30:12

Asin ku SIÑOR fala: “Bu caga ka ten kura; kau ku bu molosta i ta deu dimas.

Jeremias 30:13

I ka ten kin ku na difindi pa bo; i ka ten mesiñu pa bu caga; i ka ten kura pa bo.

Jeremias 51:5

Deus di Israel ku Judá, SIÑOR ku ten tudu puder, i ka bandona elis, mesmu ku se tera inciba kulpa dianti di Deus santu di Israel.

Jeremias 6:30

E na comadu prata negadu, pabia SIÑOR nega elis.”

Jeremias 7:29

“Jerusalen, korta bu kabelu, bu botal, bu pega na cora riba di montis, pabia SIÑOR nega, i bandona pobu ku lantanda si raiba.”

Jeremias 8:15

No na peraba pas, ma nada di bon ka bin; no na peraba tempu di kura; gosi no oja medu.

Jeremias 8:22

I ka ten mesiñu na Jilead? I ka ten mediku la? Ke ku manda ña pobu ka kuradu?

Miskiñu di Jeremias 2:13

Ke ku N pudi falau? O pobu di Jerusalen, ku kin ku N pudi komparau? O fiju di Sion, ku kin ku N na parsintiu pa N pudi dau koraẑen? Bu caga fundu dimas, suma mar; kin ku pudi kurau?

Miskiñu di Jeremias 2:22

“Manera ku bu ta coma jinti pa mati festival, asin ku bu coma kontra mi, di tudu ladu, kusas ku N medi. I ka tenba kin ku kapli o ku fika na dia di raiba di SIÑOR. Kilis ku N kriaba, N ama, ña inimigu kaba ku elis.”

Miskiñu di Jeremias 4:17

No uju dismaja, i na pera sakur, ma tudu i amonton. No na peraba pa un nason ku ka pudi libranu.

Miskiñu di Jeremias 5:22

Nta bu na neganu pa sempri? Kuma ku bu pudi ten raiba de manera kontra nos?

Mikeias 1:12

Moradur di Marot na jimi ku dur, i na pera libramentu, pabia SIÑOR manda mal te na portons di Jerusalen.

1 Tesalonisensis 5:3

Ora ku jinti fala kuma tudu sta susegadu, suguru, i ta oja garandi danu ciga riba delis di repenti, suma ku dur di partu ta ciga na minjer preñada. Di nin un manera e ka na kapli.