Jeremias 14:15 - BIBLIA - traduson antigu in Krioulo

¹⁵ Asin ami, SIÑOR, N fala aserka di anunsiaduris ku na anunsia na ña nomi sin N ka da elis ordi. E na fala: ‘Nin spada, nin fomi ka na ten ne tera.’ Ma e mesmu anunsiaduris na muri ku spada ku fomi.

Jeremias 14:15 ပူးပေါင်းရင်းမြစ်များ

1 Reis 22:25

Mikaias falal: “Bu na bin oja kila ora ku dia ciga ku bu kuri pa sukundi na un kuartu di tras.”

Jeremias 20:6

Abo propi, Pasur, ku tudu jinti ku mora na bu kasa, bo na bai pa katiberasku na Babilonia. La ku bu na muri, bu na nteradu, abo ku tudu bu amigus ku bu anunsia mintida pa elis.’ ”

Jeremias 23:30

SIÑOR fala: “Ami N sta kontra ki anunsiaduris ku ta furta palabra di ŋutru, e fala kuma i di mi.

Jeremias 27:15

SIÑOR fala: ‘N ka manda elis. E na anunsia mintida na ña nomi. Asin, N na serka bos, bo na pirdi, abos ku kilis ku na anunsia pa bos.’ ”

Jeremias 6:15

Nta e ta sinti borgoña di kusas nujenti ke ta fasi? Nau! Nin e ka ta burguñu nin e ka sibi ke ki borgoña! E ku manda e na kai ku kilis ku kai. Na tempu ku N kastiga elis e na kai ku forsa.” Asin ku SIÑOR fala.

Jeremias 8:12

Nta e ta sinti borgoña di kusas nujenti ke ta fasi? Nau! Nin e ka ta burguñu, nin e ka sibi ke ki borgoña! E ku manda e na kai ku kilis ku kai. Na tempu ku N kastiga elis e na kai ku forsa.’ ” Asin ku SIÑOR fala.

Jeremias 8:13

SIÑOR fala mas: “N na kaba ku se kebur. I ka na ten uvas na si pe, nin fijus na figera; fojas na kai. Kil ku N da elis, e na tiradu el.”

Miskiñu di Jeremias 1:19

“N coma ña amigus ma e nega kudin. Ña saserdotis ku garandis muri na prasa, oca ke na buska kumida pa ngaña forsa.

Miskiñu di Jeremias 2:20

“SIÑOR, jubi, bu pensa kin ku bu na trata de manera! Nta minjeris dibi di kume se propi fijus ke padi, e ama? O saserdoti ku anunsiadur dibi di matadu na kau sagradu di SIÑOR?

Ezekiel 13:14

N na bati ki paredi ku bo kaia sin roboka, N na kebral te na con tok si alisersu na sai. Ora ki kai, bo na pirdi juntu ku el. Bo na sibi kuma ami i SIÑOR.

Ezekiel 13:15

Asin ku N na manda ña raiba kontra ki paredi ku kilis ku kaial sin roboka; N na fala bos: “Paredi ku kilis ku kaial e ka sta ja,

Ezekiel 13:9

Ña mon na sta kontra anunsiaduris ku oja visons falsu, ku ta konta adiviñas di mintida. E ka na pertensi kumunidadi di ña pobu, nin e ka na sta na reẑistu di pobu di Israel, nin e ka na yentra na tera di Israel. Bo na sibi kuma N sedu SIÑOR Deus.

Ezekiel 14:10

Elis tudu e na sedu kulpadu, anunsiadur ku kil ku konsultal.

Ezekiel 14:9

“‘Si un anunsiadur nganadu, i bin da un rasposta falsu, i ami, SIÑOR, ku disal i sedu nganadu. N na distindi ña mon kontra el, N na kaba ku el na metadi di ña pobu Israel.

Ezekiel 33:6

Ma si sintinela oja inimigu na bin, i ka toka korneta pa avisa jinti, si inimigu bin i mata un delis, ki algin na muri na si pekadu, ma N na pidi sintinela konta di si mortu.’

Amos 7:17

Pabia di kila, SIÑOR fala asin: ‘Bu minjer na bin sedu minjer di mau fama na prasa, bu fijus macu ku femia na muri ku spada. Bu tera na rapatidu ku korda, bu na muri na un tera ku ka kunsi Deus. Israel, sin duvida, i na lebadu katibu fora di si tera.’ ”

Mikeias 3:5

Asin ku SIÑOR fala: “Ki anunsiaduris na pui ña pobu pa e yara. Si algin da elis kusa di kume, e ta fala: ‘Pas!’ Ma si i ka miti elis nada na boka, e ta purpara gera kontra el.

Ripitison di Lei 18:20

Ma un anunsiadur ku osa fala un kusa na ña nomi ku N ka mandal pa i fala, o ku fala na nomi di utru deusis, ki anunsiadur ten ku matadu.”

Apokalipsi 19:20

Besta prindidu, ku ki falsu anunsiadur ku na fasiba milagri si dianti, ku ta nganaba kilis ku risibi sinal di besta, kilis ku adoraba si imaẑen. Elis dus e botadu bibu na lagua di fugu ku na yardi ku nŝofri.