Jeremias 13:25 - BIBLIA - traduson antigu in Krioulo

²⁵ Ami, SIÑOR, N fala: Es i na sedu bu sorti, ki parti ku N midi pa bo, pabia bu diskisi di mi, bu fia na mintidas.

Jeremias 13:25 ပူးပေါင်းရင်းမြစ်များ

Jo 20:29

“Es i pagamentu di Deus pa omi mau; i yardansa ku Deus guarda pa el.”

Salmus 11:6

Riba di jinti mau i na manda brasas di fugu ku nŝofri suma cuba, ku bentu kinti. Es i na sedu kastigu ke na toma.

Salmus 9:17

Jinti mau na botadu na mundu di mortus, ku tudu nasons ku diskisi di Deus.

Isaias 17:4

“Dia na ciga ku gloria di Jakó na fika puku; gurdura na si kurpu na disparsi.

Isaias 28:15

Bo ta fala: “No fasi kontratu ku mortu, no sina akordu ku kau di mortus, pa ora ku korenti forti di yagu na pasa, i ka na ciga na nos, pabia no fasi mintida pa i sedu no kau di suguransa, no sukundi bas di nganu.”

Isaias 34:17

I el propi ku midi tera, i rapatil entri elis, kada kin ku si parti. I na pasa di pape pa fiju; e na tenel pa sempri.

Isaias 65:7

pa bo pekadus, tudu ku pekadus di bo papes, ku kema nsensu na montañas, e koban na montis pikininu. E ku manda N na midi pa paga elis konformi ki kusas ke tarda fasi.” I SIÑOR ku fala.

Jeremias 10:14

Tudu jinti torna stupidu, e ka sibi nada. Tudu kilis ku ta tarbaja na uru e ta fika ku borgoña pa imaẑens ke kumpu, pabia e sedu mintida; i ka ten folgu nelis.

Jeremias 18:15

Ma ña pobu diskisi di mi, e kema nsensu na idulus ku pui elis kai na se kamiñus; e pirdi ki kamiñus antigu, e yanda na kamiñus ku ka kumpudu.

Jeremias 2:13

“Ña pobu fasi dus tipu di pekadu. Purmeru kusa: e bandonan, ami ku sedu uju di fonti di yagu bibu. Sugundu: e ranja se propi kau di guarda yagu, ma kila raca, yagu ta sai tudu.

Jeremias 2:32

Nta un bajuda ta diskisi di si fajamentu? O noiva ta diskisi di si veu? Ma ña pobu diskisi di mi pa manga di dia.

Jeremias 3:21

Na kaus altu i obidu un vos, ku sedu di fijus di Israel ku na cora, e na roga, pabia e yanda mal dimas, e diskisi di SIÑOR se Deus.

Ezekiel 23:35

“E ku manda ami, SIÑOR Deus, N fala: Suma ku bu diskisi di mi, bu botan tras di bu kosta, bu na karga bu kurupson ku susidadi.”

Mikeias 3:11

Se ŝefis ta julga pa suku di bas; se saserdotis ta nsina pa pagamentu; se anunsiaduris ta diviña pa diñeru; ma e ta ngosta na SIÑOR, e fala: “SIÑOR sta na no metadi; nin un mal ka na bin riba di nos.”

Sofonias 3:2

I ka ta obi ningin, nin i ka ta seta disiplina. I ka ta fia na SIÑOR nin i ka ta ciga pertu di si Deus.

Mateus 24:51

I na kastigal risu, i na pul na kau di finjiduris, nunde ke na cora, e na ñeme dinti.

Romanus 1:25

E torkia bardadi di Deus pa mintida; e adora, e sirbi kriaturas mas di ki kil ku kumpu elis, kil ku dibi di ngabadu pa sempri. Amen!