Jeremias 13:21 - BIBLIA - traduson antigu in Krioulo

²¹ Ke ku bu na fala ora ku Deus pui riba di bo kilis ku bu pegaba amisadi ku elis? Nta bu ka na bin sufri dur suma minjer ku sta di partu?

Jeremias 13:21 ပူးပေါင်းရင်းမြစ်များ

2 Reis 16:7

Akaz manda jinti pa Tiglat-Pileser, rei di Asiria, pa falal: “Ami i bu servu, bu fiju tambi. Bin, bu libran na mon di rei di Siria ku rei di Israel, manera ke lanta kontra mi.”

Isaias 10:3

Ma ke ku bo na fasi na dia di da konta, ora ku kastigu na bin di lunju? Pa kin ku bo na kuri pa oca sakur? Nunde ku bo na disa bo rikesa?

Isaias 13:8

E na panta dimas; dur ku foronta na toma konta delis. E na tursi kurpu suma minjer na partu, e na jubi ŋutru ku medu; se rostus na kema ku borgoña.

Isaias 21:3

Ña kurpu na tursi ku dur. Dur toma konta di mi suma dur di minjer ku sta na partu. N foronta tok N ka pudi obi; N dismaja tok N ka pudi oja.

Jeremias 2:25

Israel, ka bu yanda tok bu sapatu bin gasta, bu garganti bin seku. Ma bu fala: ‘Nau, jitu ka ten! N ama deusis di utru tera; N na bai se tras.’

Jeremias 22:23

Abo ku mora sabi na palasiu di sedru, ku tisidu di tera di Líbanu, bu na jimi ku forsa ora ku dur bin pa bo, ku foronta suma minjer na partu.”

Jeremias 30:6

Punta, bu jubi si un omi pudi tene dur di partu. Ke ku manda N na oja kada omi ku mons riba di si bariga suma minjer ku na padi? Kuma ku se rostus bida brankasenti?

Jeremias 38:22

Tudu minjeris ku fika na kasa di rei di Judá e na lebadu pa ŝefis di rei di Babilonia. E na falau: “‘Kil bu amigus ku bu fiansaba nelis e nganau, e ngañau. Gosi bu pe ntola na lama; bu amigus bandonau.’

Jeremias 4:30

O prasa danadu! Ke ku bu na fasi? Mesmu ku bu bisti di burmeju, bu faja bu kurpu ku uru, bu pinta na roda di bu uju, bu na torna bonitu na nada! Bu amantis njutiu, e na buska matau.

Jeremias 4:31

N obi gritu, suma di minjer ku sta di partu; N obi jimidu, suma di kin ku na padi si purmeru fiju. I seduba vos di prasa di Sion ku ka pudiba da folgu diritu, ku distindi si mon, i fala: “O! Ai di mi gosi! N na dismaja dianti di mataduris!”

Jeremias 48:41

Prasas na tomadu, tudu ku kuartel. Na ki dia korson di omis forti di Moab na torna suma minjer ku na sufri dur di partu.

Jeremias 5:31

Anunsiaduris na anunsia mintida, saserdotis na manda ku forsa di anunsiaduris. I kila propi ku ña pobu misti, ma ke ku bo na fasi ora ku e kusas ciga na kabantada?

Jeremias 6:24

Pobu fala: “Dipus ku no obi se noba, no mon moli. Foronta toma konta di nos; no sinti dur suma minjer ku sta di partu.

Ezekiel 28:9

Nta bu na fala inda dianti di kilis ku na matau kuma abo i un deus? Bu na sedu omi, bu ka na sedu deus dianti di kilis ku na matau.

Mateus 24:8

ma tudu e kusas i suma purmeru dur di partu.

1 Tesalonisensis 5:3

Ora ku jinti fala kuma tudu sta susegadu, suguru, i ta oja garandi danu ciga riba delis di repenti, suma ku dur di partu ta ciga na minjer preñada. Di nin un manera e ka na kapli.