Jeremias 11:19 - BIBLIA - traduson antigu in Krioulo

¹⁹ Ami N seduba suma karnel mansu ku na lebadu pa bai matadu, pabia N ka sibiba si e na purpara planus kontra mi. E fala: “No dana arvuri ku si fruta, no kortal na tera di bibus, pa i ka ten lembransa di si nomi.”

Jeremias 11:19 ပူးပေါင်းရင်းမြစ်များ

Jo 28:13

Omi ka ta kunsi si balur; i ka ta ojadu na tera di bibus.

Salmus 109:13

Pa si jorson kortadu, pa i diskisidu na tempu di si fijus.

Salmus 112:6

Nunka i ka na bulbulidu; un omi justu na lembradu pa sempri.

Salmus 116:9

pa N pudi yanda bu dianti, SIÑOR, na mundu di jinti bibu.

Salmus 142:5

Abo ku N coma, SIÑOR; N fala: “Abo i ña kau suguru; abo i ña kiñon na tera di jinti bibu.”

Salmus 27:13

N fia kuma N na oja bondadi di SIÑOR na tera di jinti bibu.

Salmus 31:13

N obi ŋuniŋuni di manga di jinti; medu sta na tudu ladu. Tudu jinti na fasi planu kontra mi, e misti tira ña vida.

Salmus 35:15

Ma, oca ku N da tapada, e junta, tudu kontenti; Omis ku ka bali e junta kontra mi sin N ka nota; e molostan sin diskansu.

Salmus 52:5

Deus na kaba ku bo pa sempri; i na rabatau, i rastau di bu kau, i rinkau na tera di jinti bibu. Sela

Salmus 83:4

E fala: “Bo bin, no kaba ku elis pa ka e sedu nason, pa nomi di Israel ka lembradu mas.”

Ditus 10:7

Lembransa di bon jinti na bensuadu, ma nomi di jinti mau na podri.

Ditus 24:15

Abo, omi mau, ka bu fika na mboskada kontra kasa di omi bon, nin ka bu furta kusas na si kuartu.

Ditus 7:22

El, suma tulu, i sigil logu, suma turu ku na bai matadu, suma gazela ku na pui si pe na armadilia,

Isaias 32:7

Kusas ku malandru ta fasi, i son di malandrisa; i ta fasi planu mau pa i pudi kaba ku koitadis mansu ku palabra di nganu, mesmu ke ten roson.

Isaias 38:11

N fala: “N ka na oja mas SIÑOR na tera di jinti bibu. N ka na oja mas omi, nin N ka na sta ku moraduris de mundu.

Jeremias 1:19

E na geria kontra bo, ma e ka na ngañau, pabia N na sta ku bo pa librau.” Asin ku SIÑOR fala.

Jeremias 18:18

E fala: “Bo bin no fasi no planu kontra Jeremias. Saserdoti na sta li pa nsinanu lei; jirus na danu konsiju; i ten anunsiaduris pa danu palabra. Bo bin no atakal ku no lingua; ka no sukuta nin un di si palabras.”

Jeremias 20:10

N obi manga di jinti na ŋuniŋuni e fala: “Medu pa tudu ladu! Bo keŝa del; bo bin no keŝa del!” Tudu ña amigus mas pertu e na peran pa N yara, e ta fala: “Talves i pudi nganadu; asin no ta ngaña riba del, no ta torna vingansa riba del.”

Jeremias 26:8

Oca ku Jeremias kaba papia tudu ku SIÑOR mandal pa i konta tudu pobu, saserdotis ku anunsiaduris ku tudu pobu e pañal, e falal: “Bu na muri!

Miskiñu di Jeremias 3:60

Bu oja tudu se vingansa, tudu se planus kontra mi.

Ezekiel 32:24

“Elan sta la, ku tudu si tropas na roda di si koba. Elis tudu e matadu ku spada, e ria na mundu di mortus sin e ka sedu sirkunsidadu. E ta pantandaba jinti na tera di bibus, ma e leba se borgoña ku kilis ku ria na koba.

Daniel 9:26

Ora ku ki kuatrusentus i trinta i kuatru anu kaba, kil ku Deus kuji na matadu; i ka na tene nada. Pobu di un ŝef ku na bin e na kaba ku prasa ku kau sagradu. Si kabantada na sedu suma yagu di diluviu. Gera na ten te na fin. Garandi danu markadu.

Oseias 9:8

Deus manda anunsiadur pa i avisa Efrain, ma armadilias na peral na tudu kamiñu ki ta yanda nel, ku inimisadi na kasa di si Deus.

Numerus 1:14

di Gad, Eliasaf, fiju di Deuel;