Jeremias 10:3 - BIBLIA - traduson antigu in Krioulo

³ pabia kustumus di nasons ka bali. E ta korta po na matu; omi ku ten jitu i ta labral ku furmon.

Jeremias 10:3 ပူးပေါင်းရင်းမြစ်များ

Salmus 115:4

ma se idulus sedu prata ku uru, tarbaju di mon di omi.

Isaias 45:20

Abos ku kapli di utru nasons, bo junta, bo bin pertusi. Kilis ku ta karga idulus labradu di madera pa leba, e ka sibi nada; e ta pidi un deus ku ka pudi salba.

Jeremias 1:16

“N na anunsia ña kastigu riba di ña pobu pabia di kusas mau ke fasi. E disan, e kema nsensu pa utru deusis, e adora kusas ke kumpu ku se mon.

Jeremias 10:8

Ma elis tudu e stupidu, e tulu; Se nsinamentu bin di idulus di po ku ka bali.

Jeremias 14:22

Nta kualker deus falsu di nasons pudi da cuba? O seu propi ku si forsa i pudi manda cuba? SIÑOR no Deus, i ka abo son ku ta fasi es? Asin no speransa sta na bo, pabia i abo ku ta fasi tudu e kusas.

Jeremias 16:19

O SIÑOR, ña forsa, ña difesa, ña kau di sukundi na dia di foronta, nasons na bin pa bo di utru ladus di mundu, e na fala: “No papes yardaba son mintida, idulus ku ka bali, ku ka ten purbitu.

Jeremias 2:5

Asin ku SIÑOR punta: “Kal mal ku bo papes oja na mi ku manda e disvia di mi? E bai tras di idulus ku ka ten balur; elis propi e bin ka ten balur.

Sirmonias 18:30

Bo sigi ña mandamentus; ka bo fasi nin un di ki kustumus nujenti ke fasiba antis di bo bin; ka bo kontamina ku elis. Ami i SIÑOR bo Deus.”

Mateus 6:7

“Si bo na ora, ka bo ripiti palabra ciu suma kilis ku ka kunsi Deus, ku ta pensa kuma, si e papia ciu, Deus ta kumsa obi elis.

Atus 19:26

Bo na oja, bo na obi ke ku ki Paulu na fasi. I fala kuma deusis ku omi kumpu i ka deus di bardadi. Ku e palabra li i konvensi ja manga di jinti, i disvianta elis. I ka son li na Éfesu, ma tambi na kuas tudu Asia.

Romanus 1:21

E kunsi Deus ma e ka rispital suma Deus, nin e ka gardisil. Se ntindimentu saklata; se korson tulu bida sukuru.

1 Pedru 1:18

Bo sibi kuma i ka kusa ku ta dana, suma prata o uru, ku pagadu pa liberta bos di bo manera di yanda ku ka bali, ku bo yarda di bo papes di antigu,