Jeremias 10:11 - BIBLIA - traduson antigu in Krioulo

¹¹ Bo fala elis asin: “Deusis ku ka kumpu seu ku tera e na pirdi ne mundu ku sta bas di seu.”

Jeremias 10:11 ပူးပေါင်းရင်းမြစ်များ

Salmus 96:5

pabia tudu deusis di utru nasons e sedu idulus son, ma SIÑOR, i el ku kumpu seu.

Isaias 2:18

Tudu idulus na kabadu ku el.

Isaias 57:12

N na pui pa jinti sibi ki kusas ku bu ta fasi ku bu pensa i bon; bu tarbaju ka na baliu.

Jeremias 10:15

Elis e ka bali; e dibi di njutidu. Ora ku se julgamentu ciga, e na kabadu ku el.

Jeremias 43:12

N na sindi fugu na balobas di deusis di Ejitu; Nabukodonosor na kema elis, i na leba ki deusis katibu. Suma ku bakiadur ta kuji karanga na si ropa, asin ku rei Nabukodonosor na kuji ke ki misti na tera di Ejitu. Dipus i na sai la ku vitoria.

Jeremias 43:13

I na kebra statuas di sol, na tera di Ejitu; i na kema balobas di deusis di Ejitu na fugu.’ ”

Jeremias 50:2

“Bo anunsia na metadi di nasons pa e obi! Bo yalsa bandera, bo anunsia; ka bo sukundi. Bo fala: ‘Babilonia tomadu! Si deus Bel sta na kunfuson. Ki utru deus Merodak sta tarpajadu; si idulus kubridu ku borgoña; si deusis kai!’

Jeremias 51:18

Elis e ka bali; e dibi di njutidu. Ora ku se julgamentu ciga, e na kabadu ku el.

Miskiñu di Jeremias 3:66

Serka elis ku bu raiba, bu kaba ku elis tudu ne mundu ku bu kumpu.

Ezekiel 30:13

Asin ku SIÑOR Deus fala: “N na dana se idulus, N na kaba ku imaẑens na Memfis. I ka na bin ten ŝef na tera di Ejitu. N na pui medu na tudu ki tera.

Sofonias 2:11

SIÑOR na sedu meduñu pa elis, pabia i na kaba ku tudu deusis di tera. Jinti di tudu jius ku nasons e na adoral, kada kin na si kau.

Zakarias 13:2

SIÑOR ku ten tudu puder fala: “Na ki dia N na tira di tera nomis di idulus; e ka na lembradu mas. Tambi N na tira anunsiaduris di tera, ku spiritu di impuresa.

Apokalipsi 20:2

I prindi dragon, ki antigu serpenti ku comadu diabu o Satanas, i maral pa mil anu.

1 Samuel 5:4

Oca ke torna lanta parmaña di utru dia, e oja mas Dagon kai, i dita ku rostu na con dianti di arka di SIÑOR; si kabesa ku tudu dus mon kebradu, e dita na entrada; son kurpu di Dagon ku fika.