Jeremias 1:9 - BIBLIA - traduson antigu in Krioulo

⁹ Dipus SIÑOR distindi mon, i tokan na boka, i falan: “Jubi, N na pui ña palabras na bu boka.

Jeremias 1:9 ပူးပေါင်းရင်းမြစ်များ

Isaias 49:2

I pui ña palabras pa e sedu suma spada gudu; i kubrin ku sombra di si mon. I pun suma fleŝa limpu, i sukundin na si saku di fleŝa.

Isaias 50:4

SIÑOR Deus dan un lingua ku nsinadu diritu, pa N sibi papia na tempu sertu un bon palabra pa kil ku sta kansadu. Tudu parmaña i ta dispertan, i ta disperta ña sintidu pa N pudi obi, suma kilis ku na nsinadu.

Isaias 51:16

N pui ña palabras na bu boka, N kubriu ku sombra di ña mon. I ami ku kumpu seu, N pui alisersu di mundu; N fala Sion: ‘Abo ki ña pobu.’ ”

Isaias 59:21

SIÑOR fala mas: “Ami, es i ña kontratu ku elis: Ña Spiritu ku N pui riba di bo, ku ña palabras ku N dau pa bu papia, e ka na disvia di bu boka, nin di boka di bu fijus, nin di boka di fijus di bu fijus, disna di gosi pa tudu tempu.” Asin ku SIÑOR fala.

Jeremias 15:19

SIÑOR falan: “Si bu riba, N na setau suma ña servu. Si bu papia bon palabra te pa bu papia mal, bu ta sedu ña anunsiadur. Disa elis e riba pa bo, ma ka bu bai pa se ladu.

Jeremias 34:6

Anunsiadur Jeremias bai konta Zedekias, rei di Judá, tudu e palabra, na Jerusalen,

Jeremias 36:2

“Toma un rolu, bu skirbi nel tudu palabras ku N falau aserka di Israel, Judá ku tudu nasons, disna di dia ku N kumsa na papia ku bo na tempu di Josias, te aos.

Jeremias 5:14

Pabia di kila, SIÑOR Deus ku ten tudu puder i fala: “Jeremias, suma ke fala e palabra, ami N na torna ña palabra na bu boka suma fugu. E pobu na bida leña ku na kemadu.”

Ezekiel 3:10

I falan: “Fiju di omi, pui sintidu, bu obi tudu ña palabras ku N na falau.

Daniel 10:10

Un mon toka na mi, i lantandan tok N staba ku juju ku mon na con; N na tirmi.

Daniel 10:16

Ki anju, ku parsi ku omi, i tokan na boka. Ña boka yabri, N kumsa na papia, N fala ki algin ku staba ña dianti: “Siñor, ki vison ku N oja i fasin dur; N ka ten nin forsa.

Numerus 23:5

SIÑOR pui palabra na boka di Balaon, i falal: “Riba pa Balak, bu kontal e rekadu.”

Mateus 10:19

ma, ora ku bo ntregadu, ka bo kuda kuma ku bo na papia, o ke ku bo na fala, pabia na ki ora bo na dadu palabras ku bo na fala.

Markus 7:33

Jesus tiral na metadi di ki jinti, i lebal aparti; i mitil dedu na oreja, i kuspi, i tokal na lingua.

Lukas 12:12

pabia Spiritu Santu na nsina bos na ki ora ke ku bo dibi di fala.”

Lukas 21:15

pabia N na da bos palabra ku jiresa ku nin un di bo inimigus ka na pudi firma ku bos, nin i ka na pudi bati bos na palabra.

Ripitison di Lei 18:16

Es i kil ku bu pidi SIÑOR bu Deus, na Oreb, na ki dia di juntamentu, oca ku bu fala: “N ka misti obi mas fála di SIÑOR ña Deus, nin N ka misti oja mas e garandi fugu, pa N ka muri.”

Ripitison di Lei 18:17

SIÑOR falan: “Kusa ke fala i bon.

Ripitison di Lei 18:18

N na lantanda elis un anunsiadur suma bo na metadi di se ermons; N na pui ña palabras na si boka; i na konta elis tudu ku N mandal pa i fala.