Jeremias 1:2 - BIBLIA - traduson antigu in Krioulo

² Deus bin papia ku el na anu 13 di renansa di Josias, fiju di Amon, rei di Judá,

Jeremias 1:2 ပူးပေါင်းရင်းမြစ်များ

1 Reis 13:2

Konformi ordi di SIÑOR i papia risu kontra ki altar, i fala: “Altar, altar! Asin ku SIÑOR fala: ‘Un fiju comadu Josias na padidu na familia di Davi. I na sakrifika riba di bo ki saserdotis di kaus altu ku ta kema nsensu riba di bo; os di omis na kemadu riba di bo.’ ”

1 Reis 13:20

Oca ke na sintaba na mesa, SIÑOR bin papia ku ki anunsiadur ku ribantalba.

2 Reis 21:18

I bin diskansa, i nteradu na jardin di si kasa, ku sedu jardin di Uzá. Si fiju Amon bin rena na si lugar.

2 Reis 21:24

Pobu di Judá mata tudu kilis ku lantaba kontra rei Amon; e pui si fiju Josias pa i sedu rei na si lugar.

2 Reis 22:3

Na anu 18 di si renansa, rei manda sekretariu Safan, fiju di Azalias, fiju di Mesulan, pa kasa di SIÑOR, i falal:

Jeremias 1:11

SIÑOR bin papia ku mi, i puntan: “Jeremias, ke ku bu na oja?” N falal: “N na oja un po di amenduiña.”

Jeremias 1:4

Deus bin papia ku mi, i falan:

Jeremias 25:3

“Duranti vinti i tris anu, disna di anu 13 di Josias, fiju di Amon, rei di Judá, te aos, SIÑOR ta papia ku mi. Ami N ta konta bos ke ki fala, N ta mandurga N konta bos, ma bo ka ta sukuta.

Jeremias 28:12

Dipus ku anunsiadur Ananias tira kanga na garganti di anunsiadur Jeremias, i kebral, SIÑOR bin papia ku Jeremias, i falal

Jeremias 3:6

Na renansa di rei Josias SIÑOR puntan: “Bu oja ke ku Israel infiel fasi? I bai pa tudu monti altu, bas di tudu arvuri verdi, i bindi si kurpu.

Jeremias 36:2

“Toma un rolu, bu skirbi nel tudu palabras ku N falau aserka di Israel, Judá ku tudu nasons, disna di dia ku N kumsa na papia ku bo na tempu di Josias, te aos.

Oseias 1:1

Es i palabra ku SIÑOR bin fala ku Oseias, fiju di Beeri, na renansas di Uzias, Jotan, Akaz ku Ezekias, reis di Judá, tambi na tempu di Jeroboan, fiju di Jeoás, rei di Israel.

Joel 1:1

Es i palabra ku SIÑOR bin fala ku Joel, fiju di Petuel.

Jonas 1:1

SIÑOR bin papia ku Jonas, fiju di Amitai, i falal:

Mikeias 1:1

Na tempu ku Jotan, Akaz ku Ezekias seduba rei di Judá, SIÑOR da e palabra pa Mikeias, di prasa di Moreset. SIÑOR mostra Mikeias e kusas aserka di Samaria ku Jerusalen.

Sofonias 1:1

SIÑOR bin papia ku Sofonias, fiju di Kusi, fiju di Jedalias, fiju di Amarias, fiju di rei Ezekias, na dias di Josias, fiju di Amon, rei di Judá.