Jeremias 1:17 - BIBLIA - traduson antigu in Krioulo

¹⁷ “Jeremias, pruntia! Lanta bu bai konta elis tudu ku N mandau pa bu fala. Ka bu panta se dianti, pabia N na pou pa bu ka ten medu delis.

Jeremias 1:17 ပူးပေါင်းရင်းမြစ်များ

1 Reis 18:46

Puder di SIÑOR bin riba di Elias, i mara panu, i kuri dianti di Akab te na entrada di Jizreel.

2 Reis 1:15

Anju di SIÑOR fala Elias: “Bai ku es; ka bu medi.” I lanta i bai ku el pa rei,

2 Reis 4:29

Eliseu fala Jeazi: “Mara bu panu, bu toma ña po bu pegal na mon, bu bai. Si bu kontra ku algin, ka bu falal manteña. Si algin falau tambi manteña, ka bu kudil. Bai son, bu bai pui ña po na rostu di mininu.”

2 Reis 9:1

Anunsiadur Eliseu coma un omi di grupu di anunsiaduris, i falal: “Mara panu, bu toma e jarusiñu di azeiti, bu bai pa Ramot-Jilead.

Jo 38:3

Mara bu sintu suma omi; ami N na bin puntau; bu na ruspundin.

Saida 3:12

Deus falal: “Ami N na sta ku bo. Es i na sedu sinal di kuma i ami ku mandau. Ora ku bu kaba tira e pobu di Ejitu, bo na adora Deus ne monti.”

Saida 7:2

Abo bu na fala tudu ku N mandau; Aron, bu ermon, i na papia ku Faraó pa i disa fijus di Israel pa e sai na si tera.

Jeremias 1:18

Aos N fasiu suma prasa forti, suma firkija di feru, suma mura di kobri, pa firma kontra tudu tera — kontra reis ku ŝefis di Judá, kontra saserdotis ku pobu di tera.

Jeremias 17:18

Libran di borgoña ma pui kilis ku na pirsigin pa e burguñu. Pui elis pa e panta, ma libran di spantu. Tisi dia di mal riba delis, bu kaba ku elis ku kastigu dobru.

Jeremias 23:28

Anunsiadur ku tene suñu i dibi di kontal suma suñu. Kil ku tene ña palabra i dibi di papia ña palabra ku bardadi. Ke ki paja pa i komparadu ku arus?” Asin ku SIÑOR punta.

Jeremias 26:12

Jeremias papia ku tudu ŝefis ku tudu pobu, i fala: “I SIÑOR ku mandan pa N anunsia kontra e kasa ku e prasa tudu palabras ku bo obi.

Jeremias 26:2

“Asin ku SIÑOR fala: Bai firma na kintal di kasa di SIÑOR, bu papia ku jinti di tudu prasas di Judá ku bin pa adora na kasa di SIÑOR; fala elis tudu palabras ku N mandau; ka bu diskisi di nin un son.

Jeremias 36:8

Baruk, fiju di Nerias, i fasi tudu ku anunsiadur Jeremias falal pa i fasi; na kasa di SIÑOR i lei palabras di SIÑOR na ki libru.

Miskiñu di Jeremias 3:57

Bu ciga pertu na ki dia ku N comau; bu falan pa ka N medi.

Jonas 3:2

“Lanta bu bai pa ki prasa garandi di Ninive, bu bai konta jinti di la rekadu ku N dau.”

Lukas 12:35

“Bo sta purparadu ku sintu maradu, ku lus na kanderu.

Atus 20:20

Bo sibi kuma N ka sukundi nada ku pudi juda bos, ma N konta bos tudu; N nsina dianti di tudu jinti, N nsina tambi na kada kasa.

Atus 20:27

pabia nunka N ka disa di konta bos tudu kil ku Deus misti.

1 Koríntius 9:16

Si N na konta Bon Noba, N ka ten roson di njata, pabia N sinti obrigason pa fasil. Ai di mi si N ka konta e Bon Noba!

1 Tesalonisensis 2:2

Bo sibi kuma, antis di no bin pa bos, no sufri ciu, no mal-tratadu na Fílipus. Kontudu no tenba garandi luta, no Deus danu koraẑen pa konta bos si Bon Noba.

1 Pedru 1:13

Asin, bo purpara bo ntindimentu pa tarbaju, bo pui tudu sintidu. Bo pui tambi tudu bo speransa na fabur ku bo na dadu ora ku Jesus Kristu bin.