Isaias 9:4 - BIBLIA - traduson antigu in Krioulo

⁴ pabia bu kebra kanga ku staba pisadu riba delis, ki po ku na molostaba elis na ombras. Bu kebra forsa di inimigus ku na kalkaba elis suma na ki tempu ku midianitas ngañadu.

Isaias 9:4 ပူးပေါင်းရင်းမြစ်များ

Kumsada 27:40

Bu na vivi ku spada na mon; bu na sirbi bu ermon, ma tempu na ciga ku bu na sedu rebeldi, bu na sakudi si korenti na bu garganti.”

Salmus 125:3

Omi mau ka na kontinua ten puder di renansa riba di tera ku rapatidu ku sorti pa justus, pa ka justu bin distindi si mon pa fasi mal.

Salmus 81:6

“N tira kargu na se ombras; se mon libradu di kufus.

Isaias 10:16

Asin SIÑOR, SIÑOR ku ten tudu puder, i na manda duensa ku na fraksi kurpu di jinti gurdu na se metadi. I na pui fugu ku na kema ku forsa dentru di se kurpus.

Isaias 10:5

Koitadi di Asiria, manduku di ña raiba! Ña raiba i suma mantampa na si mon.

Isaias 14:25

N na kebranta Asiria na ña tera, N na masal na ña montañas, pa si kanga sai riba di ña pobu, pa si kargu tiradu na se ombras.”

Isaias 16:4

Disa kilis ku na kuri di Moab pa e mora ku bo; libra elis di kil ku misti kaba ku elis.” Vida di omi violentu na kaba; danu na para; jinti ku ta kalka utrus e na pirdi na tera.

Isaias 47:6

N tenba raiba kontra ña pobu ku seduba ña yardansa, tok N tratal suma i ka di mi. N ntregal na bu mon, ma abo bu ka mostra pena del; te bejotis, bu karganta kargu pisadu dimas.

Isaias 49:26

N na pui bu maltrataduris pa e kume se propi karni, pa e bibi se sangi tok e cami, suma ke bibi biñu nobu. Tudu jinti na sibi kuma ami i SIÑOR, bu Salbadur, bu Libertadur, ku sedu tambi Forsa di Jakó.”

Isaias 51:13

Kuma ku bu diskisi di SIÑOR ku kumpou, kil ku distindi seu, ku pui alisersu di tera? Pabia di ke ku bu ta ten medu tudu dia di raiba di bu kastigadur, ora ki na purpara pa kaba ku bo? Ki raiba, nunde ki sta nel gosi?

Isaias 52:2

O Jerusalen, lanta, bu konkoñi puera, bu sinta na tronu. O pobu di Sion katibu, bo dismanca kordas ku mara bo garganti.

Isaias 54:14

Bu na firmantadu ku justisa, bu na fika libri di kilis ku ta kalkau ku kilis ku ta pantau, pabia e ka na pertu bo; bu ka na torna medi mas.

Isaias 9:5

Tudu bota ku tropas ta somnaba ku el oca ke na marŝa pa gera, ku tudu ropa ku susadu ku sangi, e na sta suma kumida pa fugu.

Jeremias 30:8

“Ami, SIÑOR ku ten tudu puder, N fala: Na ki dia N na tira se korenti na bu garganti, N kebral; N na sapa bu kordas. Nunka mas bu ka na sedu katibu di stranjerus.

Jeremias 48:17

Bo fika tristi ku el, abos tudu ku sta na si roda, ku tudu kilis ku kunsi si fama. Bo fala: ‘Jubi kuma ku e bingala forti di renansa kebra, ki vara bonitu!’

Sirmonias 26:13

Ami i SIÑOR bo Deus ku tira bos na tera di Ejitu pa bo ka sedu mas katibu di ejipsius; N kebra bo korenti na metadi; N fasi bos yanda ku kabesa firmi.

Naun 1:13

Gosi N na tira se kanga na bu garganti, N kebral; N na sapa bu korentis.”