Isaias 9:2 - BIBLIA - traduson antigu in Krioulo

² Jinti ku na yandaba na sukuru e oja garandi lus; kilis ku moraba na lugar di sombra di mortu, lus numia elis.

Isaias 9:2 ပူးပေါင်းရင်းမြစ်များ

Jo 10:21

antis di N bai pa kau ku N ka na riba del, ki tera di sukuru ku sombra di mortu,

Salmus 107:10

Utrus sintaba na sukuru, na sombra di mortu; e staba prezu, e na sufri na korenti di feru,

Salmus 107:14

I tira elis na sukuru ku sombra di mortu, i kebra se korentis.

Salmus 23:4

Nin si N yanda na kobon di sombra di mortu, N ka na sinti medu di mal, pabia bu sta ku mi; bu manduku ku bu po di sakur ta dan koraẑen.

Salmus 4:8

N na dita, N durmi ku pas, pabia i abo son, SIÑOR, ku fasin pa N mora suguru.

Isaias 50:10

Kin na bo metadi ku ta rispita SIÑOR, i ta obdisi si servu? Ora ki na yanda na sukuru, i ka ten nin un bokadiñu di klaridadi, pa i fiansa na nomi di SIÑOR, i nkuña tesu na si Deus.

Isaias 60:19

“Nunka mas sol ka na sedu bu lus di dia, nin klaridadi di lua ka na numiau; pabia SIÑOR na sedu bu lus pa sempri, bu Deus na sedu bu gloria.

Isaias 9:1

Kil ku staba na foronta i ka na kontinua na sukuru. Na tempu pasadu Deus baŝa tera di Zebulon ku Naftali, ma na futuru i na torna tera di Galileia di jintius, ku sta pertu di mar na utru banda di Jordon, pa i ten rispitu.

Amos 5:8

Bo buska kil ku kumpu Seti-strela ku Orion, kil ku ta bidanta sombra di noti pa i sedu parmaña; i pui di dia pa i bida sukuru, suma di noti. I ta coma yagu di mar, i darmal riba di tera. SIÑOR i si nomi.

Mateus 4:16

Jinti ku staba sintadu na sukuru e oja un garandi lus; kilis ku moraba na lugar na sombra di mortu, lus numia elis.”

Lukas 2:32

I lus pa numia jintius, tambi i pa sedu gloria pa bu pobu Israel.”

Bon Noba di Jesus Kristu ku Jon 12:35

Jesus fala elis: “Lus inda sta ku bos pa puku tempu; bo yanda nkuantu bo tene lus, pa sukuru ka paña bos, pabia kin ku ta yanda na sukuru ka ta sibi pa nunde ki na bai nel.

Bon Noba di Jesus Kristu ku Jon 12:46

Ami i lus ku bin na mundu, pa tudu kin ku setan ka ta fika na sukuru.

Bon Noba di Jesus Kristu ku Jon 8:12

Jesus torna papia ku jinti, i fala: “Ami i lus di mundu; kin ku ta sigin ka ta yanda na sukuru, ma i ta tene lus di vida.”

Efésius 5:8

Purmeru, bo staba na sukuru, ma gosi, suma bo sedu di Siñor, bo sta na lus. Asin bo yanda suma kilis ku pertensi lus.

1 Pedru 2:9

Ma abos bo sedu rasa kujidu, saserdotis di rei, nason santu, pobu ku Deus ranja pa el, pa konta garandi obras di kil ku coma bos na sukuru pa si lus bonitu.

Ŝefis 5:30

“Sertamenti e na buska kusas ke toma na gera pa rapati elis. Talves kada omi na toma un o dus bajuda. Sísera pudi toma ropa di manga di kor, ropa bordadu di manga di kor, bordadu ku manga di kor na tudu dus ladu, kusas pa ña garganti, tudu tomadu na gera.”