Isaias 8:21 - BIBLIA - traduson antigu in Krioulo

²¹ E na yanda-yanda na tera, disanimadu, ku fomi. Ora ke foronta ku fomi e na paña raiba, e na jubi riba, e papia mal di se rei ku se Deus.

Isaias 8:21 ပူးပေါင်းရင်းမြစ်များ

2 Reis 25:3

Na dia 9 di kuartu mis, oca ku fomi toma konta di prasa, kumida ka tenba pa pobu,

2 Reis 6:33

Antis di i kaba papia, ki omi ciga, ku rei si tras. Rei fala: “E mal i bin di SIÑOR. Kuma ku N na pera mas pa el i judanu?”

Jo 1:11

Distindi bu mon, bu toka na tudu ki tene; bu jubi si i ka na kobau!”

Jo 18:12

I seduba riku ma i na bin tene fomi; danu na peral na tudu ladu.

Jo 2:5

Distindi bu mon, bu tokal na si kurpu ku os, bu jubi si i ka na kobau mal.”

Jo 2:9

Si minjer falal: “Nta bu na guarda bu bardadi inda? Maldisua Deus, bu muri!”

Saida 22:28

“Ka bu fala mal di juisis, nin ka bu koba ŝef di pobu mal.

Ditus 19:3

Tulesa di omi ta dana si vida, ma dipus i ta bin paña raiba di SIÑOR.

Isaias 14:30

Jinti mas koitadi di tudu e na dadu kusa di kume; kilis ku ten falta e na dita suguru, ma N na mata bu rais ku fomi; kilis ku sobra di bu jorson e na kabadu ku el.

Isaias 51:19

E dus kusa bin riba di bo; kin ku na ten pena di bo? Bu jinti na muri ku fomi; bu con na danadu ku gera. Kin ku na konsolau?

Isaias 59:9

E ku manda justisa sta lunju di nos; retidon ka ta yangasanu. No ta pera lus, ma son sukuru ku ten. No ta pera lus di parmaña, ma no ta yanda na sombra sukuru.

Isaias 65:13

E ku manda SIÑOR Deus fala: “Jubi, ña servus na kume, ma abos bo na sufri fomi; ña servus na bibi, ma abos bo na tene sedi; ña servus na kontenti, ma abos bo na pasa borgoña.

Isaias 9:20

Jinti di ladu direita na paña pa kume, ma e na tene fomi inda; kilis di ladu skerda na kume ma e ka na farta. Kada kin na kume karni di si fiju.

Isaias 9:21

Manasés ku Efrain na ataka ŋutru. Dipus e na junta kontra Judá. Mesmu asin raiba di SIÑOR ka kalma, ma si mon sta inda yalsadu.

Jeremias 14:18

Si N sai pa matu, N ta oja kilis ku matadu ku spada; si N yentra na prasa, N ta oja jinti ku na dismaja ku fomi. Mesmu anunsiaduris ku saserdotis e na yanda-yanda na un tera ke ka kunsi.’ ”

Jeremias 52:6

Na dia 9 di kuartu mis, fomi toma konta di prasa; kumida ka tenba pa pobu.

1 Samuel 8:18

Na ki tempu bo na keŝa pabia di rei ku bo kuji, ma SIÑOR ka na obi bos na ki dia.”