Isaias 8:13 - BIBLIA - traduson antigu in Krioulo

¹³ SIÑOR ku ten tudu puder, el ku bo na tene suma santu; el ku bo na ten medu del, ku bo pudi panta pabia del.

Isaias 8:13 ပူးပေါင်းရင်းမြစ်များ

Kumsada 31:53

Deus di Abraon, Deus di Naor, Deus di se pape, i ta julganu.” Asin Jakó jurmenta na nomi di Deus ku si pape Isak rispitaba ciu.

Salmus 76:7

I abo son ki meduñu; si bu paña raiba, kin ku pudi firma bu dianti?

Saida 20:20

Moisés fala pobu: “Ka bo medi; Deus bin pa proba bos, pa bo pudi kontinua ten rispitu pa el, pa bo ka peka.”

Isaias 29:23

Ora ke oja se fijus na se metadi, ku sedu tarbaju di ña mon, e na guarda ña nomi sagradu, e na rikuñisi puresa di Deus Santu di Jakó, e medi Deus di Israel.

Isaias 5:16

SIÑOR ku ten tudu puder i na garandisidu pabia i ta julga diritu. Deus Santu ta mostra si puresa manera ki sedu justu.

Ezekiel 38:16

Bu na bai kontra ña pobu Israel suma nuven ku kubri tera. Na kabantada di dias N na tisiu kontra ña tera, pa nasons pudi kunsin ora ku N mostra ña puresa na bo, Gog, dianti di se uju.

Sirmonias 10:3

Moisés fala Aron: “Es i kusa ku SIÑOR kontaba ja, kontra i fala: ‘Kilis ku na ciga pertu di mi e ten ku rispitan suma Deus Santu. N na sedu glorifikadu dianti di tudu jinti.’ ” Aron fika kaladu.

Sirmonias 22:32

Ka bo dana ña nomi sagradu; asin pobu di Israel pudi rispitan suma algin sagradu. Ami i SIÑOR ku ta fasi bos pa bo sedu sagradu,

Malakias 2:5

Ña kontratu ku el i seduba di vida ku pas. N dal vida ku pas, pa i pudi rispitan. Na bardadi i bin rispitan, i teneba ña nomi suma kusa meduñu pa el.

Numerus 27:14

pabia, oca tudu pobu na jusiaba lungu di yagu di Meribá di Kades, na lala di Zin, abos dus bo disobdisi ña ordi pa mostra ña santidadi dianti di se uju.”

Mateus 10:28

Ka bo medi kilis ku ta mata kurpu, e ka pudi mata alma, ma bo medi Deus ku pudi mata kurpu ku alma na nfernu.

Lukas 12:5

N na mostra bos kin ku bo dibi di medi. Bo medi Deus, kil ku, dipus di mata, i ten puder pa bota na nfernu. Sin, N na fala bos, i el ku bo dibi di medi.

Romanus 4:20

I ka duvida di purmesa di Deus pa falta di fe, ma si fe tornal mas forti; i da Deus gloria.

Ripitison di Lei 14:23

Bai dianti di SIÑOR bu Deus na kau ki kuji pa pui si nomi la, bu kume dizimu di bu miju, bu biñu nobu ku bu azeiti, ku purmeru fijus di bu baka ku karnel, pa bu bin sibi rispita SIÑOR bu Deus sempri.

Apokalipsi 15:4

Siñor, kin ku ka na medi bo? Kin ku ka na ngaba bu nomi? Abo son ki puru. E ku manda tudu nasons na bin, e na kai bu dianti pa adorau, pabia kusas justu ku bu fasi, tudu jinti pudi ojal.”

1 Samuel 11:7

I toma dus turu, i korta elis padas padas, i manda jinti ku elis pa tudu ladu di Israel ku e avisu: “Kualker ku ka pega tras di Saul ku Samuel, asin ku si turus na fasidu.” Asin, medu di SIÑOR kai riba di pobu; elis tudu e konkoñi pa sai.