Isaias 8:10 - BIBLIA - traduson antigu in Krioulo

¹⁰ Bo pudi fasi bo planus, ma e na ntrumpidu; bo pudi papia ke ku bo pensa, ma i ka na fasidu, pabia Deus sta ku nos.

Isaias 8:10 ပူးပေါင်းရင်းမြစ်များ

Kumsada 21:22

Na ki tempu, Abimelek ku Fikol, ŝef di si tropas, e fala Abraon: “Deus ta sta ku bo na tudu ku bu ta fasi.

2 Samuel 15:31

Jinti konta Davi kuma Aitofel tambi sta juntu ku kilis ku ravolta ku Absalon. Asin Davi ora, i fala: “SIÑOR, kunfundi konsiju di Aitofel.”

2 Samuel 17:23

Oca Aitofel oja kuma jinti ka na sigi si konsiju, i purpara si buru, i lanta, i bai pa si kasa na si propi prasa, i ruma tudu si asuntus ku familia, i bai nforka si kabesa, i muri, i nteradu na koba di si pape.

2 Samuel 17:4

Absalon ku tudu garandis di Israel oja kuma ki konsiju i bon.

2 Reis 6:12

Un di si ŝefis ruspundi i falal: “Nin un di nos, Ñu Rei, ma ki anunsiadur Eliseu ku sta na Israel i ta konta rei di Israel palabras ku bu ta fala na bu kuartu di durmi.”

2 Kronikas 13:12

Deus sta ku nos; el ki no kapiton. Si saserdotis e sta li ku kornetas. E na bin toka musika di gera kontra bos. O fijus di Israel, ka bo geria kontra SIÑOR, Deus di bo papes, pabia bo ka na ngaña.”

Jo 5:12

I ta kunfundi planus di jinti jiru pa mal, pa ka se mon pudi kabanta ke ke misti fasi.

Salmus 21:12

Bu na pui elis vira kosta, pabia bu ponta elis ku fleŝa.

Salmus 46:1

Deus i no kau di suguransa, i no forsa, sakur pruntu sempri na ora di foronta.

Salmus 46:11

SIÑOR ku ten tudu puder sta ku nos; Deus di Jakó i no kau di suguransa. Sela

Salmus 46:7

SIÑOR ku ten tudu puder sta ku nos; Deus di Jakó i no kau di suguransa. Sela

Salmus 46:8

Bo bin pa jubi tarbaju di SIÑOR, ki kusas di dimira ki fasi na mundu.

Ditus 21:30

Si bu sta kontra SIÑOR, nin jiresa nin ntindimentu nin planus e ka na baliu.

Isaias 14:27

SIÑOR ku ten tudu puder i fasi si planu; kin ku pudi tujil? Si mon sta distindidu; kin ku pudi ribantal pa tras?

Isaias 28:18

Bo kontratu ku mortu na nuladu; bo akordu ku kau di mortu ka na nguenta. Ora ku ki korenti forti di yagu pasa, i na rasta bos.

Isaias 41:10

Ka bu medi, pabia N sta ku bo; ka bu panta; ami i bu Deus, N na dau forsa, N na judau, N na nguentau ku mon direita ku ta fasi kusas diritu.

Isaias 43:5

Ka bu medi, pabia N sta ku bo; N na tisi bu fijus di saida di sol ku si kaida, pa N junta elis na se tera.

Isaias 7:14

SIÑOR propi i na da bos un sinal: Un bajuda na bin preña, i na padi un fiju ku na comadu Emanuel.

Isaias 8:8

I na yentra na Judá tok i kubril, i inci tok i ciga na garganti. I na distindi si asas, i kubri largura di bu tera, o Emanuel.”

Isaias 9:6

Un mininu padidu ja pa nos; no dadu un fiju. Puder di guberna sta riba di si ombras; si nomi na comadu Maravilyosu, Konsijadur, Deus Forti, Pape di Iternidadi, Rei di Pas.

Jeremias 42:11

Ka bo medi rei di Babilonia ku bo na sinti medu del; ami, SIÑOR, N fala: Ka bo ten medu del, pabia N sta ku bos pa salba bos, pa libra bos na si mon.

Jeremias 46:28

O Jakó, ña servu, ka bu medi, pabia ami, SIÑOR, N sta ku bo. N na kaba ku tudu ki nasons nunde ku N pajigau na se metadi, ma abo, N ka na kaba ku bo. N ka na disau sin kastigu, ma N na kastigau ku midida justu.”

Miskiñu di Jeremias 3:37

Kin ku pudi fala un kusa, i bin sedu, si SIÑOR ka manda pa i sedu?

Joel 3:9

Bo fasi e anunsiu na metadi di nasons: “Bo purpara pa gera! Bo disperta omis di koraẑen! Tudu omis di gera pa e ciga, e bai ataka.

Aẑeu 1:13

Aẑeu, kil ku SIÑOR manda, i da pobu ki rekadu di SIÑOR, i fala kuma SIÑOR fala i na sta ku elis.

Numerus 14:9

Ka bo sedu rebeldi kontra SIÑOR; ka bo medi jinti di ki tera, pabia e na sedu suma kumida pa nos. E pirdi ja se proteson; SIÑOR sta ku nos; ka bo ten medu delis.”

Mateus 1:23

“Un bajuda na bin preña, i na padi un fiju macu ku na comadu Emanuel,” ku sedu: “Deus sta ku nos.”

Mateus 28:20

Bo nsina elis pa e obdisi tudu kusas ku N manda bos. Ami N na sta ku bos tudu dia te na kabantada di tempu.’

Romanus 8:13

Si bo yanda suma ku bo kurpu misti, bo na muri, ma si, na puder di Spiritu, bo mata kustumus di bo kurpu, bo ta vivi.

Romanus 8:31

Dianti de kusas, ke ku no na fala gora? Si Deus i pa nos, kin ku na sta kontra nos?

Ripitison di Lei 20:1

Ora ku bu sai pa bai geria kontra bu inimigus, bu oja se kabalus ku karus, ku tropas mas ciu di ki di bo, ka bu ten medu delis, pabia SIÑOR bu Deus, ku tirau di tera di Ejitu, i sta ku bo.

Josué 1:5

Ningin ka na firma bu dianti kontra bo na tudu dias di bu vida. Suma ku N staba ku Moisés, asin ku N na sta ku bo. N ka na disau, nin N ka na bandonau.

1 Jon 4:4

Ña fijus, abos bo sedu di Deus, bo vensi ki anunsiaduris, pabia kin ku sta na bos i mas ki algin ku sta na jinti di mundu.