Isaias 7:14 - BIBLIA - traduson antigu in Krioulo

¹⁴ SIÑOR propi i na da bos un sinal: Un bajuda na bin preña, i na padi un fiju ku na comadu Emanuel.

Isaias 7:14 ပူးပေါင်းရင်းမြစ်များ

Kumsada 16:11

Anju di SIÑOR torna fala mas: “Jubi, bu preña, bu na padi un fiju, bu na comal nomi di Ismael, pabia SIÑOR obi di bu kasabi.

Kumsada 29:32

Leia preña, i padi un fiju, i comal nomi di Ruben, pabia i fala: “SIÑOR oja ña kansera. Gosi ña omi na bin gosta di mi.”

Kumsada 3:15

N na pui inimisadi na metadi di bo ku minjer, na metadi di bu jorson ku jorson di minjer. I na masau na kabesa, bu na murdil na kalkañada.”

Kumsada 30:6

Rakel fala: “Deus julga na ña fabur. Tambi i obi ña fála, i dan un fiju.” Pabia di kila, i comal nomi di Dan.

Kumsada 30:8

Rakel fala: “N luta risu ku ña irma, N ngañal.” Asin i comal Naftali.

Kumsada 4:25

Adon torna dita ku si minjer; I padi un fiju, i comal nomi di Set, i fala: “Deus dan utru fiju na konta di Abel, manera ku Kain matal.”

1 Reis 13:3

Dipus i da un sinal, i fala: “E altar na findi; sinsa ku sta nel na darma. Es na sedu sinal pa proba kuma i SIÑOR ku na papia.”

Salmus 46:8

Bo bin pa jubi tarbaju di SIÑOR, ki kusas di dimira ki fasi na mundu.

Isaias 38:7

Isaias falal: “Es i sinal ku SIÑOR na dau pa mostra kuma, si palabra ki fala, i na bin kumpril.

Isaias 8:10

Bo pudi fasi bo planus, ma e na ntrumpidu; bo pudi papia ke ku bo pensa, ma i ka na fasidu, pabia Deus sta ku nos.

Isaias 8:8

I na yentra na Judá tok i kubril, i inci tok i ciga na garganti. I na distindi si asas, i kubri largura di bu tera, o Emanuel.”

Isaias 9:6

Un mininu padidu ja pa nos; no dadu un fiju. Puder di guberna sta riba di si ombras; si nomi na comadu Maravilyosu, Konsijadur, Deus Forti, Pape di Iternidadi, Rei di Pas.

Jeremias 23:6

Na si tempu Judá na sedu salbu; Israel na sinta suguru. Nomi ki na ba ta comadu i SIÑOR NO JUSTISA.

Jeremias 31:22

Fiju disobdienti, te kal tempu ku bu na yara ku kamiñu, bu na yanda-yanda? SIÑOR kumpu un kusa nobu na mundu: un minjer ku na proteẑi un omi.”

Jeremias 44:29

“‘Ami, SIÑOR, N fala: Es i na sedu sinal pa bos kuma N na kastiga bos ne kau, pa bo sibi sertu kuma ña palabra di mal kontra bos i na firma.

Mikeias 5:2

SIÑOR fala: “Abo, Belen Efrata, nin ku bu sedu pikininu na metadi di milyaris di Judá, na bo ki na bin sai pa mi kil ku na sedu ŝef na Israel, ku si kumsada sedu disna di tempus mas antigu ku pasa.”

Mateus 1:23

“Un bajuda na bin preña, i na padi un fiju macu ku na comadu Emanuel,” ku sedu: “Deus sta ku nos.”

Lukas 1:31

Jubi, bu na paña bariga, bu na padi un fiju, bu na pul nomi di Jesus.

Lukas 1:35

Anju ruspundi i falal: “Spiritu Santu na ria riba di bo; puder di ki Deus ku sta riba di tudu i na kubriu ku si sombra. E ku manda ki mininu santu ku bu na padi i na comadu Fiju di Deus.

Lukas 2:12

Es ku na sedu sinal pa bos: bo na oja mininu mbuljadu na panus, ditandadu na kaŝa nunde ku limarias ta kume nel.”

Lukas 20:44

Si Davi comal Siñor, kuma ki pudi sedu si fiju?”

Bon Noba di Jesus Kristu ku Jon 1:14

Kil ki Palabra i bida omi; i mora na no metadi, incidu di grasa ku bardadi. No oja si gloria, ku seduba gloria di ki un Fiju son di si Pape.

Romanus 9:5

I elis ku sai na jorson di papes antigu. Na ladu di familia, Kristu sai na ki jorson. El i sta riba di tudu, i sedu Deus ku dibi di ngabadu pa sempri! Amen.

1 Timótiu 3:16

I ka ten duvida kuma sigridu di no fe i fundu: “Kil ku parsi na kurpu di omi, na si spiritu i mostradu justu; anjus ojal; tudu rasa kontadu aserka del; jinti di tudu mundu fia nel; i risibidu na gloria na seu.”

Ŝefis 6:36

Jidion fala Deus: “Bu fala kuma bu na libra Israel ku ña mon.

1 Samuel 1:20

I pasa sertu tempu, Ana preña, i padi un fiju, i coma si nomi Samuel, pabia i fala kuma i pidil na mon di SIÑOR.

1 Samuel 4:21

I coma mininu Ikabó, i fala: “Gloria di Israel pirdi.” I fala asin pabia arka di Deus lebadu prezu, tambi pabia di si sogru ku si omi.