Isaias 66:19 - BIBLIA - traduson antigu in Krioulo

¹⁹ N na pui un sinal na se metadi. Kilis ku kapli, N na manda elis pa utru nasons — pa Tarsis, Libia, Lidia (nunde ke ten fama ku mansasa), Tubal ku Gresia, te na jius mas lunju, ku nunka ka obi ña fama nin e ka oja ña gloria; e na anunsia ña gloria na metadi di nasons.

Isaias 66:19 ပူးပေါင်းရင်းမြစ်များ

Kumsada 10:13

Mizrain padi Ludin, Anamin, Leabin, Naftuin,

Kumsada 10:2

Fijus di Jafé seduba: Gomer, Magog, Madai, Javan, Tubal, Mesek ku Tiras.

Kumsada 10:22

Fijus di Sen e sedu: Elan, Asur, Arfasad, Lud ku Aran.

Kumsada 10:4

Fijus di Javan e sedu: Elisá, Tarsis, Kitin ku Dodanin.

Kumsada 9:27

Pa Deus buri terenu di Jafé; pa si jorson mora na tendas di Sen; pa Kanaan sedu si servu.”

1 Kronikas 1:11

Mizrain padi ludeus, anameus, leabeus, naftueus,

1 Kronikas 1:7

Fijus di Javan: Elisá, Tarsis, Kitin ku Rodanin.

1 Kronikas 16:24

Bo diklara si gloria na metadi di nasons, bo konta tudu rasas kusas garandi ki fasi.

Salmus 72:10

Reis di Spaña ku jius, ku reis di Arabia ku Etiopia, e na tisi pursentis pa dal.

Isaias 11:12

I na lantanda un bandera na metadi di nasons, i na junta jinti di Israel ku Judá ku pajigaduba fora di se tera, i na rukuji elis desdi kuatru kantu di mundu.

Isaias 18:3

Abos, tudu jinti ku mora ne mundu, ora ku bandera yalsadu na montis, bo na ojal; ora ku korneta tokadu, bo na obil.

Isaias 18:7

Tempu na ciga ku SIÑOR ku ten tudu puder na lebadu oferta di ki tera ku rius dividi, di ki pobu altu ku peli ku ta lampra, ku jinti di lunju ku kilis di pertu ta sinti medu delis, un nason forti ku ta lestu pa geria. E na leba ki oferta pa monti di Sion, ki lugar ku tene nomi di SIÑOR ku ten tudu puder.

Isaias 2:16

kontra tudu barkus di Tarsis ku tudu kilis ku bonitu pa jubi.

Isaias 29:24

Kilis ku ta yara na se spiritu e na ngaña ntindimentu; kilis ku ta keŝa e na seta nsinamentu.”

Isaias 42:12

Kilis ku mora na jius pa e ngaba SIÑOR, e dal gloria!

Isaias 42:4

I ka na fraksi nin i ka na bin kebrantadu tok i pui justisa na tera. Jinti di jius na pui se speransa na si nsinamentu.”

Isaias 43:6

N na fala norti pa i da, N fala sul: ‘Ka bu rakada.’ Bo tisi ña fijus, macu ku femia, di kantus mas lunju di mundu,

Isaias 49:1

Jinti di jius, bo sukutan; nasons di lunju, bo para sintidu. SIÑOR coman ocan na bariga di ña mame; i coma ña nomi oca ku N padidu.

Isaias 49:12

Jubi, e na bin di lunju, utrus di norti, utrus di ladu di saida di sol, utrus di tera di Sinin.”

Isaias 49:22

Asin ku SIÑOR ku ten tudu puder fala: “Jubi, N na yalsa mon pa coma nasons, N na isa ña bandera suma sinal pa rasas. E na tisi bu fijus macu pembidu na mon; bu fijus femia e na tisidu na ombra.

Isaias 51:5

Ña justisa na bin ja; ña salbason sta na kamiñu; ña mon na julga nasons. Jius na peran ku pasensa pa ña mon pudi salba elis.

Isaias 52:10

SIÑOR ragasa si mon sagradu na uju di tudu nasons; jinti di tudu kantu di mundu na oja salbason di no Deus.

Isaias 52:15

Asin, di mesmu manera, manga di nason na dimira ku el; reis na fica se boka pabia del, pabia e na oja kil ke ka kontaduba, e na ntindi kil ke ka obiba.

Isaias 55:5

Ma gosi, bu na coma nasons ku bu ka kunsi; te nasons ku nunka ka kunsiu e na kuri pa bo pabia di SIÑOR bu Deus, ku sedu Santu di Israel, pabia i dau onra.”

Isaias 60:9

Sin duvida, jinti di jius na bin; barkus di Tarsis sta dianti, pa tisi bu fijus di lunju, elis ku se prata ku uru, pa da onra pa nomi di SIÑOR bu Deus, Deus Santu di Israel, pabia el i fasiu gloriosu.

Isaias 62:10

Bo sai, bo sai na porton! Bo purpara kamiñu pa pobu. Bo kumpu strada, bo kumpul, bo tira pedras na kamiñu; bo lantanda bandera pa nasons.

Isaias 65:1

SIÑOR fala: “N parsi pa kilis ku ka punta pa mi; kilis ku ka buskan, e ojan. N papia ku un nason ku ka ta comaba ña nomi, N fala: ‘Alin li, alin li.’

Jeremias 46:9

Kabalus, bo kuri pa gera! Omis di karu, bo bai kinti-kinti! Abos, omis forti, bo marŝa! Omis di Etiopia ku Libia e pega tajaderas; omis di Lidia e tene se mansasas pruntu.

Ezekiel 27:10

“‘Soldadus di Persia, Lidia ku Libia e staba na bu tropas. E pindra tajaderas ku kapasitis na bu paredis; elis ku tisi gloria pa bo.

Ezekiel 27:13

“‘Omis di Gresia, Tubal ku Mesek e ta nogosiaba ku bo. Pa kumpra bu merkadorias e ta paga ku katibus ku kusas di kobri.

Ezekiel 30:5

“‘Jinti di Etiopia ku Libia, Lidia ku tudu Arabia, Kub, ku omis di tera di kontratu, e na matadu ku spada juntu ku jinti di Ejitu.’ ”

Ezekiel 32:26

“Mesek ku Tubal sta la, ku kobas di tudu se tropas na se roda. Elis tudu e ka sirkunsidadu; e matadu ku spada pabia e pantandaba jinti na tera di bibus.

Ezekiel 39:1

“Abo, fiju di omi, anunsia kontra Gog, bu falal kuma asin ku SIÑOR Deus fala: ‘Gog, ŝef prinsipal di Mesek ku Tubal, N sta kontra bo.

Ezekiel 39:6

N na pui fugu na Magog ku kilis ku mora suguru na tera lungu di mar. E na sibi kuma ami i SIÑOR.

Daniel 11:18

Dipus rei di norti na vira si rostu pa teras lungu di Mar Mediteraneu, i na toma manga delis, ma un ŝef di tropas stranjeru na kaba ku si orgulyu, tok i pui ki orgulyu pa i kai riba di si propi kabesa.

Sofonias 2:11

SIÑOR na sedu meduñu pa elis, pabia i na kaba ku tudu deusis di tera. Jinti di tudu jius ku nasons e na adoral, kada kin na si kau.

Sofonias 3:10

Utru jinti ku ta adoran, ña pobu ku pajigadu te na utru ladu di rius di Etiopia, e na bin di la, e tisin sakrifisiu.

Malakias 1:11

Ña nomi na sedu garandi na metadi di nasons desdi saida di sol te na si kaida; na tudu lugar nsensu ku ofertas puru na pursentadu na ña nomi, pabia ami N na sedu garandi na metadi di nasons.” Asin ku SIÑOR ku ten tudu puder fala.

Mateus 28:19

Asin, bo bai pa jinti di tudu nasons, bo fasi elis ña disipulus. Bo batisa elis na nomi di Pape, di Fiju ku Spiritu Santu.

Markus 16:15

I fala elis: “Bo bai pa tudu mundu, bo konta Bon Noba pa tudu jinti.

Lukas 2:34

Simeon bensua elis, i fala Maria, mame di Jesus: “E mininu i distinadu pa i pui manga di jinti na Israel pa e kai, tambi pa lantanda manga delis. I na sedu sinal ku jinti na fala kontra el,

Romanus 15:21

ma suma ki sta skritu: “Kilis ku nunka ka kontadu del, e na ojal; kilis ku nunka ka obi faladu del, e na ntindi.”

Efésius 3:8

Ami ki menus di tudu pobu di Deus, ma Deus dan e fabur di konta jintius Bon Noba di garandi rikesa di Kristu ku no ka pudi ntindi,