Isaias 64:7 - BIBLIA - traduson antigu in Krioulo

⁷ I ka ten ningin ku ta coma bu nomi, ku ta disperta pa pañau, pabia bu sukundi bu rostu di nos, bu pui pa no ribi, pabia di no pekadus.

Isaias 64:7 ပူးပေါင်းရင်းမြစ်များ

Jo 10:9

Lembra kuma bu kumpun ku lama; gosi bu misti bidantan reia.

Jo 8:4

Oca ku bu fijus peka kontra el, i ntrega elis pa kastigu di se pekadu.

Salmus 100:3

Bo lembra kuma SIÑOR i Deus; i el ku kumpunu; no pertensil. No sedu si pobu, karnel ki ta bakia.

Salmus 14:4

Nta kilis ku ta fasi pekadu e ka ntindi? E ta kume ña pobu suma jinti ta kume pon; e ka ta coma nomi di SIÑOR.

Saida 32:12

Bu na da ejipsius motivu pa e fala kuma bu tira elis pa mal, pa mata elis na montañas, pa kaba ku elis tudu. Disa ki raiba ku na kemau, bu muda ideia di ki mal ku bu pensa fasi kontra bu pobu.

Isaias 1:15

Ora ku bo distindi mon pa mi, N ta sukundi ña rostu di bos. Nin ku bo ora ciu, N ka na obi, pabia bo mon susu sangi.

Isaias 27:5

O e ta bin roga na mi, e fasi pas ku mi; sin, e ta fasi pas ku mi.”

Isaias 45:9

Koitadi di kil ku jusia ku si Kumpudur! Ki algin i son padas di puti na metadi di utrus! Nta lama na bin punta si kumpudur: “Ke ku bu na kumpu?” O kusa ku bu na kumpu i na falau kuma bu ka ten jitu?

Isaias 50:2

Ke ku manda, oca ku N bin, ningin ka staba la? N coma; ningin ka kudi. Nta ña mon kurtusi tok i ka pudi kaplinti algin? O N ka ten ja mas forsa pa liberta? N pudi sekusi mar son ku un palabra di ordi; N ta bidanta rius suma lala, tok se pis ta cera mal pabia di falta di yagu, e ta muri ku sedi.

Isaias 54:8

N paña raiba garandi, N sukundi ña rostu di bo pa un bokadu di tempu, ma N na sinti pena di bo ku bondadi ku ka ta kaba.” Asin ku SIÑOR, bu Libertadur, fala.

Isaias 56:4

pabia asin ku SIÑOR fala: “Omis ku kapadu ku ta guarda ña dia di diskansu, ku ta kuji kil ki di ña vontadi, ku ta pega na ña kontratu,

Isaias 57:17

N tenba raiba pabia di pekadu di se korsonudu; e ku manda N kastiga elis, N ka da elis rostu pabia di ña raiba, ma e kontinua risu kabesa na kamiñu ke misti.

Isaias 59:16

I oja kuma i ka ten kin ki justu; i fika dimiradu suma ki ka ten kin ku na ora pa ki pobu. Asin, si propi mon ngañal vitoria; si propi retidon nguental.

Isaias 59:2

I bo maldadi ku fasi paredi di divison na metadi di bos ku bo Deus; bo pekadus pui i kubri si rostu di bos, pa ka i obi bos.

Isaias 59:4

I ka ten algin ku na yalsa vos pa justisa pudi ten. Ningin ka ta pursenta na kau di justisa pa konta bardadi. E ta fiansa na palabra ku ka bali, e ta konta mintida. E ta preña ku mau planus, e padi pekadu.

Isaias 63:16

Ma abo i no Pape, mesmu ku Abraon ku Israel ka kunsinu. Abo, SIÑOR, i no Pape; bu nomi i no Libertadur disna di tempu antigu.

Jeremias 9:7

Pabia di kila, SIÑOR ku ten tudu puder fala: “N na purifika elis ku fugu suma ku metal ta purifikadu; N na proba elis. Kal manera mas ku N pudi fasi ku ña pobu pabia di se pekadu?

Ezekiel 22:30

“N buska na se metadi un omi ku pudi kumpu mura, pa i pudi firma na buraku ña dianti pa difindi e tera, pa N ka bin kaba ku el, ma N ka oja ningin.

Ezekiel 24:11

Dipus bu ta torna kasarola vaziu na fugu pa i pudi kinti tok i burmeju, pa kusas impuru ku sta nel pudi ribi, pa ki ferús pudi kema.

Oseias 5:15

N na riba pa ña lugar, te dia ke rikuñisi se kulpa, e buskan. Na se foronta e na lanta mandrugada pa buskan.”

Oseias 7:14

E ka ta coman di korson, ma e ta da gritus na se kama. E ta junta pa trigu ku biñu, ma e ravolta kontra mi.

Oseias 7:7

Elis tudu e kinti suma furnu; e mata se juisis; tudu se reis kai un tras di utru; i ka ten nin un delis ku ta coman.

Malakias 1:6

SIÑOR ku ten tudu puder fala: “Fiju ta rispita si pape, servu ta rispita si siñor. Si ami N sedu pape, nunde ña rispitu? Si N sedu siñor, nunde ki rispitu ku N dibi di dadu? Abos saserdotis, bo ta njuti ña nomi, ma bo ta punta: ‘Na kal manera ku no njuti bu nomi?’

Malakias 2:10

Nta anos tudu no ka tene mesmu Pape? I ka un Deus ku kumpunu? Kuma ku no na sedu infiel pa ŋutru, no kontamina kontratu di no papes?