Isaias 62:6 - BIBLIA - traduson antigu in Krioulo

⁶ O Jerusalen! N pui guardas riba di bu muras, ku ka na kala nin di dia ku fadi di noti. Abos ku ta coma nomi di SIÑOR, ka bo diskansa.

Isaias 62:6 ပူးပေါင်းရင်းမြစ်များ

Kumsada 32:12

Bu fala sertu kuma bu na fasi kusas pa e kurin diritu; bu na fasi ña jorson suma reia di mar, ku ciu tok i ka pudi kontadu.”

Kumsada 32:26

Omi falal: “Disan N bai pabia kau klaru ja.” Ma Jakó falal: “N ka na disau bai si bu ka bensuan.”

2 Kronikas 8:14

Konformi ordi di Davi, si pape, i organisa grupus di saserdotis pa se sirvis, suma tambi skalas pa tarbaju di kada dia di levitas ku ta ngaba Deus, e juda saserdotis na se tarbaju. I fasi skala pa grupus di porterus tambi, pa sirvis na kada porton, pabia asin ku Davi, omi di Deus, daba ordi.

Salmus 122:7

Pas pa i ten dentru di bu mura, ku suguransa dentru di bu palasius.”

Salmus 74:18

O SIÑOR, lembra kuma inimigu lebsiu; jinti tulu e fala mal di bu nomi.

Salmus 74:2

Lembra di bu pobu ku bu kumpra disna di tempu antigu, ku bu libra di katiberasku pa i sedu bu yardansa; lembra di monti di Sion nunde ku bu moraba.

Kantiga di Salomon 3:3

Guardas ku na fasi ronda na prasa e ojan. N punta elis si e oja kil ku N ama di korson.

Kantiga di Salomon 5:7

Guardas ojan oca ke na fasi ronda na prasa; e sutan, e molostan; ki guardas di mura e tiran ña manta.

Isaias 43:26

Buska lembrantan di kil ku pasa; bin no bai juntu pa fasi justisa. Pursenta bu kasu pa justifika bu kabesa.

Isaias 49:16

Jubi, N gravau na palmus di ña dus mon; bu muras sta sempri ña dianti.

Isaias 52:8

Sukuta fála di bu sintinelas! Elis tudu juntu e na grita ku kontentamentu, pabia, ora ku SIÑOR riba pa Sion, e na ojal ku se propi uju.

Isaias 56:10

Tudu se sintinelas e segu; nada e ka sibi. Elis tudu e sedu kacuris mudu, ku ka pudi ladra. E ta dita, e suña; e gosta di durmi.

Isaias 62:1

Pa amor di Sion N ka na kala, pa amor di Jerusalen N na papia, tok si retidon sai suma sol di parmaña, tok si salbason mostra suma pacu di fugu.

Jeremias 14:21

Pa amor di bu nomi, ka bu neganu. Ka bu pui tronu di bu gloria na borgoña. Lembra di bu kontratu ku nos; ka bu mainal.

Jeremias 6:17

SIÑOR pui sintinelas pa elis, i fala elis: “Bo sukuta toku di korneta.” Ma e fala: “No ka na sukutal.”

Miskiñu di Jeremias 5:1

SIÑOR, lembra ke ku pasa ku nos. Pensa, bu jubi pa no borgoña.

Miskiñu di Jeremias 5:20

Ke ku manda bu diskisi di nos pa sempri? Pabia di ke ku bu bandonanu pa manga di tempu?

Lukas 18:39

Kilis ku staba dianti e jusia ku el pa i kala, ma i grita mas risu: “Fiju di Davi, ten pena di mi!”

Atus 10:31

Di repenti i parsi ña dianti un omi ku bisti ropa ku na lampra. I falan: ‘Kornéliu, Deus obi bu orason, i lembra di simolas ku bu ta da pobris.

Atus 10:4

I yabri uju pa anju ku medu, i puntal: “I ke, Siñor?” I ruspundi i falal: “Bu orason ku bu simola i subi dianti di Deus pa lembransa.

1 Koríntius 12:28

Na purmeru lugar Deus pui na igreẑa apostolus; na sugundu lugar anunsiaduris; na terseru, pursoris; dipus, kilis ku ta fasi milagris; dipus, kilis ku dadu puder di kura, o di juda utrus, o di guberna na igreẑa, o di fala linguas ke ka obi.

1 Tesalonisensis 5:17

Bo ora sempri.

Ebreus 13:17

Bo obdisi bo pastoris, bo suẑeta elis, pabia e ka ta kansa jubi pa bos, suma kin ku ten ku da Deus konta di bo alma. Bo juda elis pa e pudi fasi e tarbaju ku alegria, pa ka e ba ta fasil ku dur di korson, pabia de manera i ka ta bali pa bos.

Apokalipsi 6:10

E grita ku garandi vos, e punta; “Siñor ku ten tudu puder, santu, di bardadi, kantu tempu ku no na pera pa bu julga, bu vinga kilis ku sta na tera ku darma no sangi?”