Isaias 60:4 - BIBLIA - traduson antigu in Krioulo

⁴ Yalsa uju, bu jubi na roda; elis tudu e na junta pa bin pa bo. Bu fijus na bin di lunju, bu fijus femia na bin, pembidu na mon.

Isaias 60:4 ပူးပေါင်းရင်းမြစ်များ

Isaias 11:12

I na lantanda un bandera na metadi di nasons, i na junta jinti di Israel ku Judá ku pajigaduba fora di se tera, i na rukuji elis desdi kuatru kantu di mundu.

Isaias 14:2

Nasons na juda elis pa e riba na se lugar; pobu di Israel na tene elis suma servus macu ku femia na tera di SIÑOR. E na pui katibu kilis ku teneba elis suma katibu, e na manda riba di kilis ku na kalkaba elis.

Isaias 42:6

“Ami, SIÑOR, N comau ku korson limpu; N na pegau na mon, N guardau, N fasiu un kontratu pa ña pobu, ku lus pa utru nasons,

Isaias 43:6

N na fala norti pa i da, N fala sul: ‘Ka bu rakada.’ Bo tisi ña fijus, macu ku femia, di kantus mas lunju di mundu,

Isaias 49:12

Jubi, e na bin di lunju, utrus di norti, utrus di ladu di saida di sol, utrus di tera di Sinin.”

Isaias 49:17

Bu fijus na bin dipresa, ma kilis ku dana-danau e na sai fora di bo.

Isaias 49:18

Yalsa uju, bu jubi na roda; tudu bu pobu na junta, e na bin pa bo. N jurmenta pa ña vida kuma, e jinti tudu e na sedu pa bo suma fajamentu. Bu na kontenti ku elis suma ku noiva ta kontenti ku fajamentu bonitu.

Isaias 66:20

E na tisi tudu bo ermons, di tudu nasons, pa ña monti sagradu na Jerusalen, suma pursenti pa SIÑOR. E na bin riba di kabalus, na karus, na karetas, tambi riba di burus ku dromedarius. E na tisi elis suma ora ku fijus di Israel tisi se ofertas di kumida dentru di tiẑela puru pa kasa di SIÑOR.

Jeremias 30:10

“Asin, ña servu Jakó, ka bu medi; Israel, ka bu panta. Ami, SIÑOR, N fala kuma N na librau di tera lunju, N na libra bu jorson di tera di se katiberasku. Jakó na riba, i na fika ketu ku susegu; i ka na ten kin ku na pantandal.

Amos 9:14

N na ribanta ña pobu Israel di katiberasku. E na torna kumpu prasas ku danadu, e na mora nelis; e na paranta ortas di uva, e bibi se biñu; e na fasi ortas, e kume se fruta.

Mikeias 7:12

Na ki dia jinti na bin pa bo di Asiria, di prasas di Ejitu, di Ejitu te na riu Eufrates, di un mar te na utru mar, di montaña te na utru montaña.

Aẑeu 2:7

N na bulbuli tudu nasons; ki algin ku tudu nasons misti i na bin. Ami, SIÑOR ku ten tudu puder, N na inci e kasa ku gloria.

Mateus 8:11

N na konta bos kuma, manga di jinti na bin di saida ku kaida di sol, e na sinta na mesa ku Abraon, Isak ku Jakó, na renu di seu,

Bon Noba di Jesus Kristu ku Jon 4:35

Nta bo ka ta fala kuma i ten kuatru mis pa tempu di kebra ciga? Ali N na fala bos: Bo yalsa uju, bo jubi labur ku sta ja maduru pa kebra.

Atus 13:44

Na utru dia di diskansu, kuas tudu jinti di prasa junta pa obi palabra di Deus.