Isaias 60:22 - BIBLIA - traduson antigu in Krioulo

²² Kilis ku sedu mas puku e na sedu mil; nason mas pikininu na torna forti. Na si tempu N na fasi e kusa kinti-kinti, ami ku sedu SIÑOR.”

Isaias 60:22 ပူးပေါင်းရင်းမြစ်များ

Isaias 10:22

Israel, nin ku bu pobu ciu suma reia di mar, son restu ku na riba. Kastigu markadu pa elis i justa elis.

Isaias 5:19

E ta fala: “Pa Deus janti, i kabanta si tarbaju kinti-kinti pa no pudi ojal. Planu di Santu di Israel pa i bin pudu na pratika pa no pudi kunsil.”

Isaias 51:2

Bo pensa na Abraon, bo pape, ku Sara ku padi bos, pabia, oca ku N comal, i staba el son, ma N bin bensual, N pui si jorson pa i ciu.

Isaias 66:8

Kin ku ciga di obi un kusa des? O kin ku oja un kusa ku parsi ku es? Nta un tera pudi padidu na un dia? O nason pudi padidu di un bias? Ma Sion kumsa sinti dur di partu, i padi janan si fijus.

Daniel 2:35

Ki feru, lama, kobri, prata ku uru e kebra-kebradu tudu juntu, e bida suma paja na kau di masa arus na tempu di kebur. Bentu lebal tok i ka ojadu nin un padas, ma pedra ku suta ki statua i bida montaña garandi, tok i inci tudu mundu.

Daniel 2:44

“Na tempu di ki reis, Deus di seu na lantanda utru renu ku nunka ka na danadu. Ki renu ka na pasa pa utru pobu; i na kebra-kebra tudu utru renus, i kaba ku elis. Ki renu na firmantadu diritu pa sempri.

Mikeias 4:7

Kilis ku manku ku kilis ku N serka lunju, suma e sedu kilis ku sobra, N na fasi elis un nason forti. SIÑOR na rena riba delis na monti di Sion, disna di ki tempu pa sempri.”

Abakuk 2:3

Pabia vison i ka pa gosi, ma i pa un tempu markadu. Si tempu na ciga, i ka na maina. Si i tarda, peral, pabia di sertesa i na bin, i ka na tarda.

Lukas 18:7

Nta Deus tambi ka na fasi justisa pa kilis ki kuji, ku na comal di dia ku di noti? O i na tarda pa kudi elis?

Atus 2:41

Asin, kilis ku seta si palabra di bon manera, e batisadu. Na ki dia kuas tris mil jinti junta ku elis na kamiñu di Deus.

Atus 5:14

Omis ku minjeris na setaba Siñor; numeru na buri kada bias mas.

Ebreus 10:36

Bo pirsisa di firmesa pa bo fasi vontadi di Deus, pa bo pudi yangasa kil ki fala i na da.

2 Pedru 3:8

Ña kiridu ermons, es i un kusa ku bo ka dibi di diskisi, kuma un dia pa Siñor i suma mil anu; mil anu i suma un dia.

Apokalipsi 7:9

Dipus de kusas N jubi, N oja un garandi multidon di jinti ku ningin ka pudi konta, di tudu nason, tudu rasa, tudu pobu ku tudu lingua, ku staba sikidu dianti di tronu na pursensa di Karnel. E bisti ropa kumpridu branku, e pega ramu di palmera na mon.